—Juan Crirsostomo Ibarra? hino ito?— nagpakiana
hi S. E. idinuhol an papel ha iya kasapit.
—Kawaray haros nga intrimis!— nagbaton hi don Custodio, —ipinirma ha papel an ngaran hin usa nga pilibustero nga namatay may napulo na katuig ngada yana!
—Pilibustero?
—Usa nga intrimis nga malinarison!
—Bisan may mga senyores....
Hi P. Irene nagbibiniling han naghimo han intri mis ngan say hinkit’an hi P. Salvi nga, nakakalingkod ha sapit han condesa, iginduduruas sugad na han iya serbilyeta kabusag hamtang an iya mga mata haros nanhuhulwa nga nagkikinita han surupaton nga mga pulong. An hmabo han esfinge asay niya hinnumduman!
—Ano na, P. Salvi?— nagpakiana, —Imo kinikilala an pinna han imo sangkay? Hi P. Salvi waray bumaton; nag-ipagyayakan, ngan waray sumabot han iya binubuhat, ipinamahid ha agtang an serbilyeta!
—Inaano hi V. R.?
—Amo gud an iya agi!— bimaton hin gutiay nga tingog, an tuman la nga hinsasabutan; —an agi gud ni Ibarra!
Ngan sumandig ha sandigan han iya linilingkuran, pinabay’an nga an iya mga butkon manluyloy tipaubos sugad hin kinukulang na hin kusog.
An mga kalisang nahimo nga kahadlok; namaggipasirusiplat hin waray yakanyakan. Hi S. E. karuyag bumuhat, kundi bangin pakasidngon nga dara hin ka hadlok, inilob niya ngan maniplat paluyuluyo. Waray mga sundalo; an mga suruguon nga namamagsirbe diri niya pinangingilala.
—Igpadayon ta an pangaon, senyores, — nagsiring, —ayaw ta gagari in usa nga intrimis!
Kundi an iya tingog waray pakahatag hin pagsarig, lugod pinmadugang han mga kalisang; an iya tingog nakurog.
—Diri gad man ada karuyag sidngon hint nga Mane thesel phares nga pamateyon kita yana nga gab-i?— nagsiring hi don Custodio. Ngatanan waray panagkiwd.
—Mahihimo nga panhiluan kitá....
