kabugtuan mahatungód hitón imo ha akon iginsiring
ngan naglalaom ako nga may adá mabubuhat. Nahad-
lok la ako nga diri tumuod nga buhi ka nga tawo....
-Sugad man nahadlok ako, sinmumpay hi Isa- gani nga naggumos han kamót han dominiko; -nahadlok ako nga inín akon kasangkayan diri tumuod nga may buhi nga tawo sugad ha imo, sugad han akon kinilala yaná.
Ngan an batan'on katima niya tapusi han ira hi- mangraw, manamilit.
Inukban hiya ni P. Fernández han sadá, sinunód hiyá han mga matá tubtob han iya kawará ha paglikdo han corredor. An padi nagpinamati hin maiha han iya badukbadok, katima sumakób ha iya sulód ngan maghi- nulat nga umulpot didto ha kalsada. Hinkit'an na niya man gud, iya hinbatián nga nabatón hin usa nga ka- klase nga nagpakiana ha iya kun tikain.
-Ngadto ha Gobierno Civil! Kikitaon ko ito nga mga paskin ngan matampo ako hitón ibá. Ân kaklase kinalasan, nagkinita ha iya sugad hin nagkikitá hin nag-uunáy ngan pumaharayó nagdinala- gan.
-Kairo hini nga batan'on- nagmugó hi P. Fer- nández nga inmabat nga naghuhulós an iya mga matá; -ikinaawa ta ikaw han mga jesuitas nga amo an nagtut- do ha imo!
Hi P. Fernández nagsasayóp hin diri harumamay; an mga jesuitas nanginginlabot kan Isagani, ngan han pagkakulop, han panhibaró nga gindakóp, namagsiring nga makakaamong ha ira.
-Itó nga batan'on maghihikaraót ngan nakakaraot ha aton. Maupay hibaruán nga diri dinhi pag-arám hitó nga mga panhunahuna!"
An mga jesuitas diri namamagbuwá, diri; itó nga mga panhunahuna ihinahatag ito sa Dios iginpapaagi didá ha pagkakinaiyá.
