mukad hin pangition o karas dida han baras, ngan ira gindadakop hin diri pagpulos kundi tungod la hin uyag, bisan
an waray katapos nga buruhaton ha puerto2 nga iya ginpahinunguran hin kapin hin tulo nga siday, baga waray
mga data, tinuyaw, baga uyag la hin kabataan.
—Ah, an pwerto, ito nga pwerto ha Manila nga wa ray nagmamangno, nga kun hinnanabihan nagiginmakaaralo ngan kabiduah han ngatanan! Bisan na pagkaragan hin damo nga luha, diri la unta gumawas nga hitsura hin panulay! Sinmaludo, hin banga, hin duha nga hesuitas nga iya hadto anay mga propesor; an tuman nga sinmabot nga linmabay in usa nga tandem nga sinasakyan hin usa nga Amerikano ngan iginkakaawa han mga elegante nga nagpapakasakay la hin mga kalesa; ha tungod han monumento ni Anda nakabati nga hi Ben Zayb nakikighinimangraw hin usa katawo mahatungod kan Simoun nga tinmigda la kasakit; hi Simoun diri naruruyag nga bisitahon bisan han mga ayudante han Heneral.
—Amo na!—nagyakan hi Isagani may mapaft nga tawa;—ito ikinababaraka kay salapian.... Nagkakaabot in mga sundalo tikang ha espedisyon, magsakit, mga samad, ngan waray ha ira may nalaoy! Ngan magpinanhunahuna him nga mga espedisyon, an kapalaran nga inaabutan han sadang pairan nga mga sundalo, ngan han pagsupil nga binubuhat han mga taga didto ha purd patok han pag-uripon han taga iba nga tuna, iya nahunahuna, kinabuhi kontra kinabuhi; kun kamatayon han mga sundalo, makaaramdok kay dara han pagtuman han katungdanan; an kanan mga taga didto ha pu re mahimayaon kay dara han pag-ugop han kalugaringon.
—Urusahon nga palad an kanan pipira nga bungto,— nagsiring. —Tungod kay in usa nga magsarakay nahaduong ha ha baybayon, nawawad’an hira hin kagawasan ngan nagiginsakop ngan uripon, diri la han magsarakay, dm la han mga sumurunod han magsarakay, kundi han ngatanan niya nga kataghimungto, ngan diri la ha sulod hm pira katuig kundi tubtob ha kadayunan! Urusahon nga pagsantop han pagkamatadong! An sugad nga kahimtangan nakakahatag hin dako nga katadungan hin pagpuo han ngatanan nga taga iba nga tuna daw sugad hin usa nga mapintas nga mananap nga idinagsa han dagat!3
