nga ihahatag ta han tesorero nga gintungdan han kapadian nga nagpapalakát, ngan tatagan kitá hin recibo....
Mga ginhaupan na kita, kun amo,-nagpulong hi
Tadeo.
_Sandoval,-nagsiring hi Pecson,-amo na itó an guante, puruta na!
-Puf!-bagá diri ito guante; kundi, sugad hitón pa- marág, bagá kalsetín!
-Ngan an makaruruyag pa,-nagpadayon hi Makaraig;-kay hi P. Irene nagsagdon nga aton ini pagsaurugon hin usa nga parada han mga estudyantes, hin damo, ha pagpasalamat han ngatanán nga tawo nga nanhibulig hini nga asunto!
-Oo, katapos han tubal, managkanta kita pagpasa- lamat! Super flumina babylonis sedimus!"
-Oo, usa nga bangkete sugad han kanán mga preso!-nagsiring hi Tadeo. -Usá nga bangkete nga kitá ngatanán managluto ngan managdiskurso kitá hin kanán paglubóng,—dinmugáng hi Sandoval.
-Usa nga harana han La Marsellesa ngan mga martsa ha paglubóng.
-Ayaw, senyores,-nagyakán hi Pecson nga nahakakatawá han iya tinaw'an nga kanán makiragkirag-basi ha pagsaurog hini nga hinabó waray masugad hin usá nga bangkete dida ha pansiteria3 nga pagdudurutan kita hin kainsikan nga mga lubas, mga lubas gud! An panhunahuna, tungod han iya dagway nga kanán pagsuro, ginkatarangduan, hi Sandoval amo an siyahan nga nahakalipay pag-uyon; maiha na nga panahon nga naghihiningyap hiya nga makakitá han sakób hitó nga mga pangaraunán kun gab-i, kay bagá marugyaw man ngan maribhong. Hadto ngahaw an orkesta nagtutukar kay nagtitikáng na an ikkaduhá nga bahin, an aton mga batan'on nagkabuhat ngan magkalakat didá ha teatro ha dako nga pakaaringasa han bug-os nga ruwáng.
