iton pamanapton, diri ito mediko, kundi usa nga homeopata magturutdo hin panambal nga sui generis, ha ngatanan ginagamit niya an similia similibus Iton batan’on
nga kapitan nga iya upod amo an iya pinalabi nga tinutduan... Iton iito nga may busag nga sul-ot ngan pinahihilay iton kalo, amo ito hi empleado S. nga nagtotoo
han diri gud pakiangay nga sinusuhot hin manunulay
kun nakakakita hin kalo nga isinusul-ot hin iba nga
ulo; nasiring nga an tuyo amo an pagparaot han mga
kalo nga aleman... Iton iito nga pag-aabot pa la upod
hiton iya pamilya amo ito an manggaranon nga komersyante C. nga may kapin hin uusa kagatos kayukot nga
kinakarawat ha mga plete... kundi ma-tuod ka kun
sumatan ta ikaw nga may utang pa ha akon nga uupat
kapisos, usa kasalapi nga hin sikawalo? Kundi hino in
masukot hin manggaran nga sugad hito?
—Nakakautang ha imo ito nga senyor?
—Kaiya! Usa kaadlaw ginluwas ko ha dako nga baratunon, Byerneses adto, may ikapito may tunga ha aga; nahanunumdom pa gud ako, waray pa ako pamamahaw. .. Ito nga senyora nga may upod nga lagas nga babayi amo an bantugan nga Pepay, an baylarina... yana din na nasayaw kay gindid’an pagsayaw hin usa nga senyor nga uraura hin kakatoliko, sangkay ko hin duro,... Iito an banyaga nga Z. tingali naglalanat kan Pepay basi bumalik kabaylarina. Maupay gud man nga tawo, sang kay ko; uusa la iton karat'an; an kamestiso insik ngan napakakatsila ha Espana. Sst! kitaa hi Ben Zayb, iton iito nga baga in prayle nga may dara nga lapis ha kamot ngan hin ginarumgom nga mga papel, amo ito an bantog nga parasurat nga Ben Zayb, uraura ko hin kasangkay; may utok!...
—Pagsumat daw, iton iito nga gutiay nga tawo nga mabusag iton patilya... ?
—Amo ito an nagpasulod han iya tutulo nga anak nga babayi hin ka-mga-awksilyar ha Fomento basi sumalod hin suweldo dida ha nomina... Asya ito in usa nga senyor nga listo, uraura hin kalisto! Nagbubuhat hin linurong ngan iginbubutang... nga kanan iba; napalit hin kamisadentro ngan ginbabaydan han Caja. Listo, listo gud, uraura hin kalisto!...
Hi Tadeo nahunong.
—Ngan iton iito nga senyor nga may paras hin kamaisog ngan naniniplat hinin mga tawo ha bawbaw
