mamagkinita, naaawa, han nagpapakasulod, han nanhiabot nga say6 pa nga nahadlok nga mawaray malingkurdn;
katatawa, ngurutob, paghinulat amo an itinatap6 han
pagkakaabot pa la nga, mga magbiduon, natampo han
mga usyuso ngan, kay diri na man la magpapakasu!6d,
nag-iilob na la pamagkinita han nagpapagkagi tikadto ha
sakob.
Kundi may uusa nga baga nasiha hadto nga mga pangahas, nga mga pangusyuso. Hataas hiya, malapis, mahinay maglakat kay nagdadanas han luyo nga till kay natikig. Nakakasul-ot hin amerikana nga buringon, dikape, ngan hin mahugaw nga saruwal nga kinahunkahdn, nga nagpapalupot han iya mga paa nga maggasa ngan tulanon. May kalo nga adolpo, nga makatatahod na pagkit’on kay lubdt, amo in nakakatabon han iya dako nga ulo, kundi nanlalabdw in buhok nga abuhon, haros bulAw, haglaba, kurong ha katapusan daw bunday hin poeta An labi kaurusahon hadto nga tawo diri an panapton, diri an nawong nga urupanhon nga waray bungot ug barangas, kundi an iya kamapula hin dayag salit amo in pagngarani ha iya hin Camaroncocido (linuto nga pasayan) nga amo an kinikilal’an ha iya. Asya hiya in usa nga hitsura nga talagsa hikit’an; sakop hin usa nga pamilya, bagd in ladg an kaukoy, daw makililimos; katsila an tulin, kundi iya la ginlalamadyaan dida ha pagpanapton hin mga hinisdn; hiya napakareporter, ngan ha kamatuuran, an mga bulaw nga mata nga butlog, mahagkot ngan mainisipon, aadto manta himumutang kun hain an hinabo nga angay igpasangyaw. Para hin damo nga tawo, ang iya kaukdy urusahon; waray maaram kun diin hiya kakaon ngan kun diin kakaturog; kaduwas may barril nga kinakadtuan kun diin la.
Hi Camaroncocido hadto nga uras diri dara an iya kabatasanan nga pamayhon nga kanan waray la kaalantad: kanan malipayon nga kaluoy baga inaabat dida han iya paniplat. Usa nga tigurangay naglabot ha iya hin malipayon:
—Amigooo! —naglabot ha iya hin basag nga tingog daw kanan pakla, ipinaparayaw in pipira kapisos nga mehikano.
Hi Camaroncocido nakakita hin salapi ngan pinmakuro la han sugbong: ano iya hito kinahanglan?
An tigurangay amo an iya tukib nga kabalikdan.
