Matuod an sumat ni P. Irene: an asunto mahatungod han Academya han kinatsila nga maiha na nga iginsasalawad nagdadalan na ngadto ha katuhayan. Hi don Custo dio, an labi kamaabtik han ngatnan nga mga ponente dinhi ha kalibutan, sugad han siring ni Ben Zayb, amo an naatubang han buruhaton ngan ginkukulupan pagbinasa han espedyente ngan dayon kakaturog hin waray nahihimo; nabuhat hiton pagkabuwds, amo gihapon an inaatubang nga buhat, nabalik pagkaturog ngan dayon liwat ngadto han amo nga buhat. Kaduro han kabudlay han sadang kaluuyan nga senyor, an labi kamaabtik han ngatanan nga ponente ha kalibutan! Karuyag niya timahon adto nga buhat kay buot maghatag hin gusto han ngatanan, han mga prayles, han hataas in katungdanan, han Kondesa, kan P. Irene ngan han iya mga ginmamatuuran han pagkaliberal. Nakisagdon hiya kan Sr. Pasta, ngan hi Sr. Pasta say la ngahaw ha iya naglurong ngan naglipong katima pagsagdon hin usd karibo nga mga butang nga magtiripa ngan diri takos mahimo; nakisagdon kan Pe- pay, an baylarina, ngan hi Pepay an baylarina, nga warang kalibutan kun ano an iginhihimangraw ha iya, inmisid-isid, inmaro hin karuhaan kaglima kapisos nga ginagamit paglubong hin usa nga dada nga tinmigda la kamatay hin ikalima na, o an ikalima ba adto nga dada nga namamatay, sugad han halawig nga kasayuran nga iginsinumat, lakip in pangaro nga ibutang pagkasuplente ha opisina han pagpakaupay han bungto in usa niya nga patod nga maaram magbasa, magsurdt ngan maggutgot han byolin, mga butang ini ngatanan nga harayo kaupay hin pakahatag kan don Custodio hin kahayag nga ha iya makakapanubos.
Ha mga ikaduha kaadlaw tikang han mga hinabo didto ha feria ha Quiapo, hi don Custodio, sugad han gihapon, nasigapno han buruhaton, nagtitinuon han espedyente
ngan waray gud igkikita han malihay nga katuha-
