nga pagkaturupad han mga tindahan, nga nagrararanggat tungód han oropél ngan han mga tina nga magkalain-lain, may mga pakita nga mga inurapong nga bola, mga
tinuhog ha mata nga maskará, mga uyagan nga lata, mga
tren, karitón, mga kabayo nga dikwirdas, kotse, bapór
nga may mga gutiayay nga kaldera, mga pinggan nga
gudtiyuyos, mga belen nga kahoy nga pino, munyeka
nga tikang ha iba nga tuna ngan hin didtuanon man, mga
buláw ngan magtawatawa adto, mga himuot ngan maghadong ini, daw gudtiyuyot nga mga senyora nga igin-
kakatupad hin mga higante nga kabataan. An tinagungtong han gudtiay nga gimbal, an lapirit han mga trumpitahay nga lata, an nguhók nga tunóg han mga kurdiyón
ngan mga organilyo nagkakasarabat hin kinarnabál nga
arangay, ngan didá hini ngatanán an kadam'an sulatsugat, padusuduso, nanhihisalaki, kay an mga nawóng
ngadto aatubáng han mga tindahan salit an paghibarangga masukot ngan kauróg patarawan. An mga kotse namamagpugóng han dalagan han mga kabayo an "tabi!
tabi!"1 han mga kotsero masukot hibatián; nagkakasurugat in mga empleados, mga militares, mga prayles, estudyantes, kainsikan, kadaragan'an upod an ira mga mamá
nga naggigipatahudtahod, nagpapakirukiro, nagbabatonbaton hin maglipayon nga pulong.
Hi P. Camorra nakadto ha ikalima nga langit tungód kay nakakakita hin kadam'an nga kamaghusayan nga daraga; naukóy, nalingi, itinitikwang hi Ben Zayb, natakla, nabuyayaw ngan nasiring: Oy, bagisbagis, kitaa daw ito, ngan ito? Ngan adto, ano ka hadto? Didá han iya paghikalipay tinatawag na hin tu an iya sangkay ngan kaaway. Hi P. Salvi danay ha iya magkinita, kundi asahan man hi P. Salvi; lugód iya ngani tinutuyo in paghibangga han kadaragan'an basi la makasaping ha ira, iya kinikiruán ngan siplatán hin kanán pinilyo.
-Punyales! Sano ako pagkukura dinhi ha Quiapo?
―napakiana ha iya ngahaw.
Ha gilayón nahamok la manampalas hi Ben Zayb, linmunti ngan maghapuhap han butkon; hi P. Camorra, dará han diri pakailob han iya kasindak, kinuribot. Kay nagtitiduok in usa nga maranggat nga daraga nga amo an gindudulog han ngatanán didá ha plasa; hi P. Camorra nga waray na himumutang hin kalipay, pinakasiring nga an butkon ni Ben Zayb amo an kanan daraga.
