non unob naggigipainaw-inaw ngan ira ginagamitan hin
tuyo pakiaway ngan hin mga buhat nga inaabatan hin
mga tahaptahap ngan mga tuhatuha. Usa kaadlaw, didto
ha Misa, an gobernadorsilyo han mga didtuanon nga nakakalingkod didto han bangko ha too, ngan uraura hin
kamagasá, nahagaróy hin pagbinangday han mga tiil, kay
namostura basi sidngon nga dagko an paa ngan hikiť'an
an mahusay nga sapatos; an kanán mga mestiso nga na-
lingkod didto han tugbang nga bangko, tungod kay kaluguhón ngan diri nakakagbinangday kay matambok ngan
buyayon, nagbibira lugód basi hikit'an an iya tiyan nga
napuputós hin usa nga chaleco nga waray piniluán ngan
sinabngan hin mahusay nga kadina nga bulawan ngan
mga brilyante. An duhá nga pundok sinmabót ngan nagtikáng dayon an away: didá han sunód nga misa an mga
mestiso, bisan an maggasaay hin duro, may adá buyay
ngan namagbibira baga in nagpapakasakay hin kabayo;
ngatanán an mga didtuanon namagbangday han tiil bisan
an magtambok hin duro ngan may adá ngani usa nga
ginhaupan nga napulindag. An kainsikan nga nagpakakitá pinmili man han ira lugaringon nga postura: namagkalingkod sama hin aadto la hira ha ira tindahan, usa
nga tiil pinipikó ha tuhod ngan natamak ha lingkuran ug
an luyo tuyhod nagkikiniwilkiwil. Namay adá aringasa,
mga sinurát nga ginpasaká, mga espedyentes ug iba pa,
an mga kuwadrilyero namag-andam hin pangaway pagtikang hin guerra civil, an kapadian pinahihiayunán, an
kakatsilaan pinanhihimaruyagán ngan nagpapakasalapí
kay nagpapakabuhí didá han ngatanán, ngadá han pagtuhayá na han Heneral nga nagsugo nga managkalingkod
sugad han kainsikan kay amo an namamagbayad hin labáw, bisan kun diri mga katoliko. Ngan dinhi iginkita na
ngahaw hin kakurian an mga mestiso ngan mga didtuanon, tungod kay hagligót an ira mga saruwal diri nagpapakasubád paglingkod han kainsikan. Ngan basi an
tuyo hin pagpahaubos sabutón gud hin maupay tinuyo
nga an pagtuman han sugo mahimo nga solemne ngan
dako nga hinabó, ginpalibutan an singbahan hin kabalyeriya hamtang didto ha sakób iginpapamamalhas an mga
tawo. Inmabot ini nga kasugad ngadto ha Cortes, kundi
ginbatón nga an kainsikan kay namamagbayad may katadungan hin pagpasugót han ira balaod bisan didto ha
pagtuman han tuluuhan, ngan bisan pa unina manalikód
