ling han ulo tigaman nga waray hiaayuni ngan naghihinapyod
han kadangasán; kataliwan, ha tingog hin
mainagakon nga kapaid, nagsiring:
-Hm! maraot nga mga susgaranan, maraot nga mga panhunahuna, hm! Bata ka pa gad man gud ngan waray pa gin-agian nga sadáng pagtigamnan ha kinabuhi! Kitaa daw iton nahananabó hitón mga kulang pa hin gintigamnan nga mga batan'on nga didto ha Madrid nangangaro hin mga reformas,2 ginngangaranan nga mga pilibusteros, damo iton diri nagpapasipara hin pag-uli, ngan, ano itón pinangangaro? Mga butáng nga darayawon, daan, hin-aaraan ngan waray kahihirutan... Kundi may mga butáng nga diri ko ha imo mahihimo hin pag-asoy, kay uraura hin kabarantayan... matuod ito... iginsusumát ko ha imo nga may ibá nga katadungan, labot han igin-asoy ko, nga nakakapirit hin usa nga gobyerno hin diri pagtugot han mga inuungara han bungto... diri... bangin man liwát iginkikita kitá hin mga punuan nga lurong waray alo... kundi may adá manta ibá nga katadungan... bisan kun an pinangangaro uraura hin kamatadong... mga pamunuan magkalainlain...
Ngan an tigurang nag-aalang-alang, nagkikinita hin tutok kan Isagani ngan katima, tinmuron, iwinaklit an kamót daw pagpaharayo ha usa nga panhunahuna.
-Natitigó ko an imo karuyag sidngon, nagpadayon hi Isagani nga hinmiyom hin masamdong: -karuyag nimo sidngon nga in usa nga pamunuan nga sinakop, tungod kay diri hingpit an katukod ngan tungod kay nasarig la ha mga banabana...
-Diri, diri, diri ito amo! nakadalidali pamulong an tigurang ngan pinmasangil hin paghiniling hin bisan. la ano didá han iya mga papeles; -diri, karuyag ko sidngon... kundi, hainá an akon salaming?
-Iitón man, itinutdo ni Isagani.
-May ada ko gin-ipagyayakan... karuyag ko sidngon, kundi hinngalimtan ko na... ikaw, tungód hinin imo kamadagmit, imo ako nasaláng.. gutiay gad la nga hinungdan... Kun masasayod ka la kun ano iton mga kasamukan ko ha ulo, damo inin akon buruhaton!
Hi Isagani sinmabót nga ginpapalakát na hiyá.
-Kun asya ini, -nagsiring ngan binmuhát,- hi kami...
-Ah!... maupay itapod na la niyo ito nga asunto
