-Ayaw gad man pagpakauray ikáw, -ginsiring ni Juanito Pelaez; -an panuyo nakakatubós han paagi! Nakilala ako hito nga bordadora, amo hi Matea, nga may pamuhatan nga amo an sinusudlan hin damo nga daraga...
-Diri, senyores, -binmul-ang hi Isagani; -say ta anay daupa an mga paagi nga dungganan.. in mapakadto ha baláy ni Sr. Pasta ngan kun waray ko nahimo, ta, kamo na in maaram gumamit han mga baylarina ngan mga bordadora.
Napirit hiyá pagtangdui ngan nagkasarabot nga hi Isagani hadto ngahaw nga adlaw makikighimangraw kan Sr. Pasta ngan ha pagkakulóp magsusumát hiyá didto ha Universidad han iya mga katarampo kun ano an inabután han ira himangraw.
Hi Isagani sinmaká han baláy han abogado nga amo in usa han mga uluhan nga sangyaw ha Manila, nga pinapakianhan han mga prayle ha ira dagko nga kasu- ruk'an. Naghulát anay nadaliay an batan'on kay damo an mga clientes, kundi inmabót gihapon an iya turno ngan sinmulód hiya ngadto han estudio o bufete kay amɔ an pagngaran didto ha Pilipinas.
Say isinugat han abogado in gutiay nga ubó ngan siniplatán hiya hin kalit ngadto ha tiil; waray bumu- hát ngan waray ngani umagda pagpalingkod ngan nag- padayon la pagsinurat. Hi Isagani natagan hin higa- yón pag-inaw ngan pagkilala hin maupay han iya pa- matasan. An abogado nalalagás na, gin-uuban ngan an iya kadangás haros nakakaluób na han bawbaw han ulo. Kanán aringit ngan pudukó an pamayhon.
Mamingaw didto ha sakób han bufete; say la hin babatián an huringhuring han mga eskribyentes o mga pasante nga namamagsinurat didto han sunód nga ru- wáng: an ira mga dagang nakinagiskis dida han papel.
Nakatapos gihapon an abogado han iya ginsisinurat, binuhian an dagang, dinmangág han ulo, ngan han paka- kilala han batan'on, an iya pagkuriot nagpapas ngan nakigkamot hin mahuyayag nga kiwá.
-Ano na, batan'on!... kundi, lingkod anay ngan
