ha mga sinurat nga pahayagan nasiring nga nagtatali-
nguha han iyo kapawaan ngan diri itinutugot kun ginki-
kinahanglan na ha buhat, kun amo ito, senyores, waray
kakarag an iyo mga pangahás kay nasangpot niyo an
waray masangpot han bisan hino, nga diri na magpa-
tootoo, magtibway na nga waray niya maupay nga tuyo
kundi pangayat na ha maraot.
-Bravo, bravo!- naggugliat hin nasisindak an ka- dam'an.
-Maupay, tungód kan Sandoval. Bravo, tungod han pangayat,- sinmabat in mga pirá nga tingog.
-Nga nangayat lugod ha aton! nagsiring hi Pecson diri hin-aayunán. -Unina?
Hi Sandoval nahapaukoy didá ha butnga han iya himaya, kundi dará han piskay nga kinaiyá han iya tulin ngan han iya dugó hin kaorador, nakapamurubuot dagos.
-Unina?- nagpakianá; -unina, kun waray han mga pilipino magpasipara pag-ato, ako, hi Sandoval, ha ngaran han España, kakarawaton ko an pangayat, kay itó nga politika usa nga pangimbuwa han mag-upay nga katuyuanan nga unob iya ginhuptan para ha ka- upayan han mga lalawigan, ngan kay an sugad nga nagtatalapas han katungdanan nga igintapod ha iya ngan nagpapahusa han dako nga kagahuman, diri angay alinsakubon han tuna nga natawhan, bisan han pag-ugop han bisan hino nga bungtuhanon ha España!
An kasindak han mamarati naginmakalilisang. Gi- nakós ni Isagani hi Sandoval, sinmubád an ibá; hinna- bihan an tuna nga natawhan, an pag-urusa, an pagka- burugto, an pagkaunob; an mga pilipinhon nasiring nga kun mawaray na ibá nga tawo ha España kundi puro la Sandoval, ngatarán mauubos ka-Sandoval dinhi ha Pilipinas; nagdidingga an mga matá ni Sandoval nga haros pakakasidngon nga kun hadto nga dalikyat pi- nangayat hin bisan la hino, bangin sinmakáy hin bisan la anó nga kabayo ngan pinmapatay ha ngaran han Pilipinas. An mahagkot la nga tubig an binmaton:
-Maupay, maupay nga gayód, Sandoval; bisan ako makakahimo ako hin pagyakan hin sugad hitó kun peninsular ako; kundi, kay diri man, bisan an katungá hadto in akon ginluwás, bisan ikaw masiring na nga ako pilibustero.²
Nagtitikang na hi Sandoval hin usa nga diskurso
