—Kundi, senyores,— naguliat hi D. Custodio han pakabati han magkalainlain nga panhipausa; —say ta gamita an kilala na nga buhat. Ano pa in malupig han mga bublangan? Dagko, mag-upay an kahimo ngan ambot kun ano in gamit hiton bug-os nga simana. Kun iisipon ta an talinguha pagpuo han bisyo, inin akon proyekto angay karawton: mahagagamit nga usa nga ikinasimana nga pagpuraw ngan paghinis han hang-awan han bisyo, han huygo, sidngon ta na.
—Lugaring kay danay may bulang ha sakob hitdn simana, —nagmugo hi P. Camorra. —Ngan diri angay nga iton mga kontratista nga nagbabayad ha gobyerno....
—Amo la?... ada, hitd nga adlaw waray iskwila!
—Hombre, hombre!— nagsiring an Kapitan Heneral linalaw-ayan. —Ito nga makaarawod nga buhat diri mahananabo hamtang ako an maggogobyemo! Nga sasadhan an mga liburan kay maghuhuygo! Hombre, hombre! siyahan maiwas ako!
Ngan hi S. E. linalaw-ayan gud man.
—Kundi, minahal nga Heneral, gabay masadhan hin tinag-usa kaadlaw diri hin tinagpira kabulan.
—Inmoral ito!— sinmumpay hi P. Irene nga labi pa nga linalaw-ayan ha kan S. E.
—Labi nga inmoral nga an mga bisyo may ada mag-upay nga balay ngan an pag-aradman waray... Panagtigaman daw kita, senyores, ngan ayaw kita padara han mga pag-ugop-ugop han mga inawilan nga batasan. Nagdidiri kita han pagtanom han apyan dinhi ha aton mga hinsasakupan kay dara han aton pagtahod han mga tawo, kundi natugot kita nga managtabako han apyan ngan an aton nasisigapno asya an kadiri kadid’i han bisyo ngan napuputo kita....
—Kundi panumdom nga ito nakakahatag han gobyerno hin uupat kagatos kalim’an kayukot kapisos nga diri gin-gugul’an, —binmaton hi P. Irene nga nagtitikalasgod ikinaadlaw ha pamunuanan.
—Igo na, igo na, senyores!— nagsiring hi S. E. ha pag-utod han balingkutay; —may ada ko mga paagi nga nahuhunahunaan bahin hini nga butang ngan say ko pinakakalibangan an dapit nahananabi ha pagtutdo han bungto hin hibaro. May ada pa?
An. Sekretaryo sinmiplat hin daw may kabaraka kan
