AGUI-AGUI NI
Da. FLOSERFIDA
ASIN NI
DON JUAN TINOSO
Halangcao na Virgen Abogada nuestra
dating maugayon na parasorog sia
tabagñan mo gnani halipot cong ciencia
caining ioosip na sarong novela
Pinaglalaom co an pagcaherac mo
Virgen na nagnidam sa Verbo divino
tagñaning manoltol an isusurat co
na pakinabagnan nin capua tauo.
Cup caya pignani o magna tugang co
aco minahagad dikit oa selencio
paghinaniog gñani camahalan nindo
can sarong breta na sasabihon co
Duman sa ciudad sa Reínong Ungria
bantog na D. Diego can nabubuhay pa.
haloyon nang aldao na nabalo sia
asin iguang aki apat na princesa.
An matua gnani gñaran Dña. Juana
icadua naman ining Dña. Laura
inihong icatolo an gnaran si Flora
asin an icaapat Dña. Floserfida.
Nagpaorog orog cagayonan ninda
siring sa bitoon o sarong cometa
cun caya pa gnani sinda an daraga
papagñanitohan paghilgnon nin mata.
