- 22
Iyong ibobolong can sa hadeng helang
gatas nin leona caiyan cadlagan
ini an pagboot omiba cang tunay
caya bamos k ta ano man madatgñan
Simbag ni D. Juan aco dao pa-ano
pag-iba sa bukid maluluya aco
orog pang may naná ao magña lugad co
sa tinaistais magñagñanang gayo
An simbag nin tolo páno baga iyan
ta ica mi sana an sinasarigan
an bagsic cosog mo na daing cabarang
an leon masocó sa gnaran mo lamang.
Mabining Infanta daing ano-ano
mata itinigñag sa lagñit na reino
huli sa balakid na magña desprecio
sa saiyang agom na baga cordero
Tolos na binotong na ipinag-iba
ta gñaya sa hayop magsirveng paon ca
marahay man gñaai na cacanon ica
ta dai nin sirve lugadon man sana
Magadan man aco, olay ni D. Juan
con sa Dios gñaya na mani cabótan
dai mag seguro halawig an aldao
an nasa irarom napapa-ibabao.
Di baga talastas nindong na-araman
an ki S. Adrianong cahalimbauaan
sarong maraot na tinanom mabuhay
mamumugñang orog nin labing caratan
Dai pinag-isip sa saindang boot
idtong halimbawa na orog catanos
ata gñanagñana an macuring angot
asin daing siring an pag-olog-olog,
Binobotong nindang haros mapadungcal
dacula an ogma caidtong magaa palpal
magdale ca gaya can simong paglacao
gñaning cacanon ca can magna hayopan
