Anot pa man logod na pagamponon ca can simong catambay angel de la guardia sa biglang pagsubang torohoc nin mata naguin caragnahan cordial sa dusa
Ikinaguinhaua nia may casakitan ining pagdoloc mo sa sacong higdaan an sarong diamanteng panong cagayonan di ikinaati ining camogtacan
Boot nin Infanta totoong namongnan sa galang na siring voces na nagsaysay daog pa si Marteng panong cagayonan respetong guinamit na totoong leal
Sa bagay na idto pinagrimpos sara sa puso nia asin ta napaaram na ining ortelano pinagsabihan pa ini an iaolay na togon saiya
Icang tatao na naman ortelano olay nin Infanta paaram saindo digdi sa laguerta bolong hanapon mo an pobreng magurang bogtaking rimedio
Saca hominale Infantang maboot puso nin Principe dai napaontoc sa aldao sa bangui daing pagcatorog pagcamoot nia sa daghan rinimpos
Ay! sacuyang palad sain masagcod ca nin magna pagtios macuring horasa maraot na signos o salang planeta sa capaa palad na papalaen ca
Fortunang magayon ta minadoloc na sa bacong panahon magtios ca gnona ay Infantang pɔon Dña. Floserfida anong guiguibohon con bacong palad ca
Ay ama cong poon an caangetan mo iyong guinicanan caining sakit co itogot man logod nin Dios Eterno sa sacó pacamtan an capatauaran mo
