This page has been proofread.
83
mǎ-kǒ̤, 1.
- Iǎ-Sú giǎng-ce̿ng iáu gṳ̀ uā, Da̿u tíng ciōng, da̿u si̿-gáing lǒng-cǒng gâ̤ gṳ̌ing-ba̿ng dú gáu nă uòi làu.
- Gu̿-chu̿ nì niōng ko̤̿ hǎng tóng-tíng-à gâ̤ bă-sia̿ng ca̿ uòi gâ̤ hă-sáing, ta̿i gṳ̀ sí sǎi-lǐ, hū da̿u Dá, Gṳ̌ing, Se̿ng-Sěng gâ̤ miâng à.
- Uòi mǎu-lō̤ng gáu-dō nì sū-mū dī, nì dú niōng háu gṳ̀ í-diū ko̤̿ ca̿: uòi iǎ nì-nì góng-góng iáu nì câi cì-dó, cì-dā̤ da̿u si̿-gáing gâ̤ sṳē-mṳě.
Mǎ-kǒ̤ Hŭ-éng.
 |
 |
 |
|
|
Di̿ 1 Cióng.
- Ciōng-Di̿ gâ̤ Gṳ̌ing, Iǎ-Sú Gí-Dŭ hǎu se̿ng-sĭ gâ̤ kǐ-tê.
- Síng-dí Ì-so̿-ngā sṳ́-di̿ gi̿-diū uā, Giâ-gíng uòi hǎng uòi sǎ̤-chṳ̿ gâ nêng da̿u nì tê-chîng, kṳé nì gâ̤ diō̤;
- Da̿u ko̿ng-iǎ iǔ nêng gâ̤ siáng-éng hǎng kǐ lâ̤ uā, Nì niōng kṳé Cṳ̌ gâ̤ diō̤, chi̿-dā̤ gṳ̀ gâ̤ diō̤;
- Cia̿u-diū iŏ̤ng dī Iŏ̤-hu̿ing lâ̤, da̿u ko̿ng-iǎ ta̿i nêng sí sǎi-lǐ, gǒ̤ng gǎi-ŏ̤ cě̤ng-sīng gâ̤ sǎi-lǐ, sī niōng cò ŏ̤ sia̿-tiāu.
- Tóng Iǔ-tuo̿i dī-huó̤ng, iáu Iǎ-lū-să-lǎing sêng-dǐ gâ̤ nêng dú chṳ̆ ko̤̿ Iŏ̤-hu̿ing ŭ-di̿; nēng cù-cī gâ̤ cò, da̿u Iŏ̤-dàng kái-di̿ siū gṳ̀ gâ̤ sǎi-lǐ.
- Iŏ̤-hu̿ing cē̤ng lo̤̿-dǒ̤ mâu gâ̤ í-ciông, iáu-di̿ gǎi-diū pṳê-duo̿i, iè huǎng-tông iáu súing-di̿ gâ̤ póng-tô̤ng.
- Gṳ̀ gǒ̤ng-dàu, uā, Iǔ ciă nêng piāng uòi hē lâ̤, lì-liōng gu̿ iâng-gua̿ uòi, uòi gé̤ng-lé̤ng-diū iáu gṳ̀ tiă ǎi-duo̿i, iǎ sī ēng de̤̿ng-ē̤ng.
- Uòi sī sǎ̤ sṳ̌ iáu nì sí sǎi-lǐ; gṳ̀ ŏ̤ sǎ̤ Se̿ng-Sěng iáu nì sí sǎi-lǐ.
- ¶ Ŭ-cì-sî Iǎ-Sú giǎng Gá-lī-lī gâ̤ Nà-să-là̤-di̿ lâ̤, da̿u Iŏ̤-dàng kái-di̿ siū Iŏ̤-hu̿ing gâ̤ sǎi-lǐ.
