This page has not been proofread.
58
- Mǎ-tuo̿i, 22
- 39 Ciū nà-diū gṳ̀, dāi gṳ̀ chṳ̌ bǔ-dǎu hṳ̂ing, huōi-sǐ-tiāu.
- 40 Hṳ̂ing-dóng-gá lâ̤ gâ̤ sî-hē ŏ̤ gōng-ciōng bāing iǒ̤ng dǎ-hṳ̂ing gâ̤ nêng nī?
- 41 Duōi-gá-nêng uā, Gṳ̀ cǒng ŏ̤ miè-tiāu iǒ̤ng ŏ̤ nêng, nà bǔ-dǎu hṳ̂ing cú-gua̿ biē dǎ-hṳ̂ing gâ̤ nêng , guǎ-ciě dǎ̤ gâ̤ sî-hē ciū ŏ̤ í-diū sî-hē hīng guǎ-ciě.
- 42 Iǎ-Sú iáu gṳ̀ uā, Se̿ng-géng gi̿-diū uā, Nâi-sṳ̌ tê-chîng diú-tiāu gâ̤ ciō̤, giâ-gíng ca̿ chio̤̿-gú děng iàu-gěng gâ̤ ciō̤, dī nì gu̿ ēng-nǎing nāng gua̿ à?
- 43 Gu̿-chu̿ uòi iáu nì uā, Hē-lǎi ŏ̤ nà Ciōng-Di̿ gâ̤ gǒ giǎng nì iǒ̤ng-di̿ chiǒng ko̤̿, dé nǎ ŏ̤ sáng guǎ-ciě gâ̤ bă-sia̿ng.
- 44 Nêng lâ̤ gǔing hā iǒ̤ng ciō̤-di̿ ŏ̤ dǔing chà-cho̿-tiāu; lâ̤ iǒ̤ng ciô̤ diàng da̿u sū-nêng gâ̤ séng-dǐ, ciū ŏ̤ nà iǒ̤ng nêng diàng iǎng hó, chṳé ko̤̿-tiāu. ko̤̿-tiāu
- 45 Duōi ci̿-sí iáu Huǎ-lī-so̿ nêng tia̿ng-nī-gi̿ng Iǎ-Sú gâ̤ bǐ-piāng, dǎ̤-dí sī uā gṳ̀ gâ̤ dī.
- 46 Ciū o̿ nà-diū gṳ̀, lâ̤-sī giáng bă-sia̿ng, éng-ṳē bă-sia̿ng chū Iǎ-Sú sī síng-dí.
- Di̿ 22 Chióng.
- 1 Iǎ-Sú í nà bǐ-piāng gâ̤ dī iáu duōi-gá-nêng uā,
- 2 Tíng gǒ bǐ-piāng cì-ciă uǎng-di̿, ta̿i gṳ̀ gṳ̌ing bāing tǎu-chéng gâ̤ ciǔ.
- 3 Sǎ̤ nû-gě ko̤̿ hǎng ǔ chiáng lâ̤ gâ̤ nêng-kǎ lâ̤ iè ciǔ: gṳ̀ dú eng kǎing lâ̤.
- 4 Ǐ hǎng biē gâ̤ nû-gě ko̤̿, gáu-dō gṳ̀, uā, Nì ko̤̿ iáu ǔ chiǎng lâ̤ gâ̤ nêng-kǎ uā, Uòi gâ̤ ciǔ bāing làu: uòi gâ̤ niû, iáu bṳ̂ gâ̤ tê-sáng ti̿-tiāu, běng sū-mū sī dú bāing ǐ-nī: ciū niōng lâ̤ iè ciǔ.
- 5 Nêng-kǎ dú eng chǔing gṳ̀, gǒ̤ nêng ca̿ gǒ̤ nêng ko̤̿-tiāu, cì-ciă ko̤̿ cù-cī gâ̤ châing, cì-ciă ko̤̿ ca̿ sáing-i̿.
- 6 Ǔ biē gâ̤ nêng-kǎ nà-diū nû-gě, diě gṳ̀, dú huōi-sǐ-tiāu.
