This page has not been proofread.
56
- Mǎ-tuo̿i, 21
- 14 Dāing-di̿ iǔ hǎi-ciě gio̤̿-ciě lâ̤ Iǎ-Sú mīng-chîng, Iǎ-Sú ta̿i gṳ̀ í hǎu.
- 15 Duōi ci̿-sí iáu nāng-sṳ́ nêng chū-gi̿ng Iǎ-Sú ca̿ iǒ̤ng hí-gǐ gâ̤ dī, ǐ chū-gi̿ng iǔ gṳ̌ing-ciě da̿u dāing-di̿ hǎng kǐ lâ̤ uā, Duōi-pǐ gâ̤ gṳ̌ing-só̤ng, giǔ nì giù; gṳ̀ séng-dǐ ciū nǎu-nū kǐ lâ̤.
- 16 Iǎ-Sú uā, Iǒ̤ng gṳ̌ing-ciě uā gâ̤ dī, nì tia̿ng-nī-gi̿ng , ēng-nǎing? Iǎ-Sú uā, Tia̿ng-nī-gi̿ng: se̿ng-géng uā, Uòi nà gṳ̌ing-ciě iáu iè nâing gṳ̌ing-ciě gâ̤ chṳ̿ uā sí-huó̤ng hǎu cu̿ing-mǐ gâ̤ dī; iǒ̤ng cì gṳ̿ dī nì gu̿ ēng-nǎing nāng-gua̿ à?
- 17 Iǎ-Sú ciū giǎng gṳ̀ ǔ-di̿ ko̤̿-tiāu ; chṳ̌ sêng ko̤̿ Bǎ-duōi-nǐ, da̿u ǔ-di̿ hṳě-mâng.
- 18 Dī nī góng cǎu-tê nì sêng gâ̤ sî-hē , Iǎ-Sú ciū bǔ-gṳě.
- 19 Chū-gi̿ng diō̤ bíng iǔ cì-công mǎu-huá-guǎ chiū, giǎng gṳ̄ing lâ̤ chū, hiū-di̿ mǎu guǎ-ciě tǎu, dú sī niò̤; ciū iáu chiū uā, Giâ à ko̤̿, nì ě̤ng-ṳ̌ing cuo̿i mài sáng guǎ-ciě; mǎu-huá-guǎ chiū dāi-diū ciū kú-tiāu.
- 20 Hǎ-sáing chū-gi̿ng cèng gǐ-ī gō̤-uā , mǎu-huá-guǎ chiū gōng-ciōng-di̿ dāi-diū ciū kú-tiāu?
- 21 Iǎ-Sú a̿ing uā, Uòi ì-cài iáu nì uā, Nì lâ̤ iǔ se̿ng-séng, mǎu mī-cie̿ ngǐ-séng, ēng-ò̤-cǐ ŏ̤ ca̿ iǒ̤ng mǎu-huá-guǎ chiū gâ̤ dī, ciū-sī iáu iǒ̤ng cì-pi̿ng súing uā, Nì niōng nǎ Cṳ̌ dé kǐ lâ̤ diú hā huǒi-di̿, ciū ŏ̤ iǒ̤ng-gǎ̤-sǐ ca̿-chěng.
- 22 Iǎ-Sú gǐ-dǎu gǐ-dǎu gâ̤ sî-hē, mǎu-lō̤ng giǔ sū-mū-dī se̿ng, ciū dú ŏ̤ dǎ̤-diō̤.
- 23 Iǎ-Sú da̿u dāing-di̿ háu nêng gâ̤ sî-hē, duōi ci̿-sí iáu bă-sia̿ng dǐ-bíng gâ̤ chîng-bo̿ lâ̤ mōng Iǎ-Sú, uā, Nì ka̿u sū-mū gṳ̌ing-ba̿ng ca̿ iǒ̤ng duói dī? Iǒ̤ng gṳ̌ing-ba̿ng sī sū nêng nǎ nì?
- 24 Iǎ-Sú a̿ing uā, Uòi iǎ mōng nì cì gṳ̄ dī, nì lâ̤ iáu uòi uā, uòi ciū iáu nì uā uòi sī kāu sū-mū gṳ̌ing-ba̿ng ca̿ iǒ̤ng duói dī.
- 25 Iǒ̤-hu̿ing sí sǎi gâ̤ lǐ sī giǎng nī-di̿ lâ̤? sī giǎng tíng-di̿ lâ̤ à, iǎ sī giǎng nêng -di̿ lâ̤ nī? Ǔ duói nêng càng-
