This page has not been proofread.
43
Mǎ-tuo̿i, 16.
- 30 Iǔ cèng cāi nêng hā gṳ̀-dī lâ̤; iáu-diū giō̤-káu gâ̤, hǎi-ciě, ǎ-ciě, ba̿-la̿-ciě, gu̿ iǔ cèng cāi bāng-nêng, bo̿ng hā Iǎ-Sú káu-bíng-di̿; Iǎ-Sú ciū ta̿i gṳ̀ í hǎu.
- 31 Ǔ cèng cāi nêng chū-gi̿ng á-ciě uā dī kǐ lâ̤, ba̿-la̿-ciě hǎu-tiāu, gio̤̿-káu giǎng diō̤, hǎi-ciě chū-dǎ̤ gi̿ng; ciū cèng hí-gǐ, gṳ́ ě̤ng-iāu nǎ Ì-să̤-liĕ nêng gâ̤ Ciōng-Di̿.
- 32 Iǎ-Sú hǎng hǎ-sáing lâ̤, uā, Uòi kǒ̤-lǐng iǒ̤ng cèng cāi nêng, éng-ṳē gṳ̀ hā uòi iǒ̤ng-di̿ iǔ sáng góng làu, giâ-gíng mǎu mî-di̿ ŏ̤ mǎu-nāu-uǒi.
- 33 Hǎ-sáing uā, Da̿u ko̿ng-iǎ gâ̤ sù-cài uòi-huo̿i-nêng nī-di̿ iǔ ǔ cāi biǎng nǎ iǒ̤ng cèng cāi nêng iè bǎu nī?
- 34 Iǎ-Sú uā, Nì iǔ hǐ-tī biǎng? Gṳ̀ a̿ing uā, Iǔ chǐ-tī, gu̿ iǔ gǐ-tê ngṳ̂-ciě.
- 35 Iǎ-Sú hǎng duōi-gá-nêng cō hā diá-di̿;
- 36 Ciū nà-diū ǔ chǐ-tī biǎng, gǐ-tê ngṳ̂; uā do̿-ciā iě-kṳé biǎng dé nǎ hǎ-sáing, hǎ-sáing bṳ́ing nǎ duōi-gá-nêng.
- 37 Duōi-gá-nêng dú iè bǎu làu: lâing-cho̿ diōng-diū gâ̤, chéng kǐ lâ̤ dó̤ng-mǔing chǐ-ciǎ lě.
- 38 Iè gâ̤ nêng, á-niông-nêng, gṳ̌ing-ciě ēg so̤̿ng, iǔ si̿-cháing nêng.
- 39 Iǎ-Sú hǎng ǔ cèng cāi nêng su̿ing-tiāu, ciū iòng ṳ̌ing, lâ̤ gṳ̄ing Muǒi-duōi-là gâ̤ sù-cài.
- Dī 16 Cióng.
- 1 Huǎ-lī-so̿ nêng iáu Sǎ-dú-gái nêng lâ̤ chi̿ Iǎ-Sú, hǎng gṳ̀ giǎng tíng ciōng hǐng ciǎ sěng-tóng gâ̤ dī nǎ gṳ̀ chū.
- 2 Iǎ-Sú a̿ing gṳ̀, uā, O̤̿ng-bíng-ciě, tíng-di̿ chṳ̌ o̿ng hâ, nì ciū uā, Mêng-diáu ŏ̤ câng.
- 3 Cǎu-tê, tíng-di̿ chṳ̌ o̿ng hâ, gu̿ iǔ ú ě̤ng, nì ciū uā, Géng-diáu iǔ hóng-hṳ̄. Gǎ-hǎu gâ̤ nêng, tíng-ki̿ nì dú ŏ̤ chū-dǎ̤ chṳ̌; iǒ̤ng sî-hē sěng-tóng gâ̤ dī da̿u mài chū-dǎ̤ chṳ̌.
- 4 Tóng-gáing cèng ŏ̤ gâ̤ si̿-ga̿i o̿ chū sěng-tóng gâ̤ dī;
