This page has not been proofread.
Iǒ̤-hu̿ing, 1.
219
- 51 Dō̤-di̿ ta̿i gṳ̀ giǔ hǔ-ki̿ gâ̤ sî-hē, ciū piě-tiāu gṳ̀, nǎ Ciōng-Di̿ ciě iòng tíng ko̤̿.
- 52 Duōi-gá-nêng ciū ba̿i Iǎ-Sú, cèng ka̿u-uòi-uòi-di̿ da̿u-tê ko̤̿ Iǎ-lū-sǎ-lǎing:
- 53 Sî-sî kǎ̤-kǎ̤ da̿u dāing-di̿ cu̿ing-mǐ Ciōng-Di̿.
IǑ̤-HU̿ING HǓ-ÉNG
- 1 Dǐ buo̿i-chǒ iǔ Dàu, Dàu iáu Ciōng-Di̿ câi cì-dó, Dàu ciū-sī Ciōng-Di̿ ǐ-búing.
- 2 Iǒ̤ng Dàu dǐ buo̿i-chǒ iáu Ciōng-Di̿ câi cì-dó.
- 3 Běng sū-mū dī buo̿i-chǒ dú sī ka̿u-diū iǒ̤ng Dàu ca̿ gâ̤, ca̿ là gâ̤ dī, dú mǎu cì-iōng ēng sī ka̿u-diū iǒ̤ng Dàu ca̿ gâ̤.
- 4 Dàu dǐ-bíng iǔ sáng-miāng; iǒ̤ng sáng-miāng ciū sī ca̿ nêng gâ̤ guáng.
- 5 Iǒ̤ng guáng géng-giâ da̿u ú-o̤̿ng dǐ-bíng; ú-o̤̿ng ǐ ēng-nǎing dǎ̤-diō̤ iǒ̤ng guáng.
- 6 Iǔ ciǎ nêng si Ciōng-Di̿ hǎng lâ̤ gâ̤, miâng hǎng Iǒ̤-hu̿ing.
- 7 Iǒ̤ng nêng lâ̤ ca̿ gúing-ce̿ng, ciū-sī ta̿i iǒ̤ng guáng ca̿ gúing-ce̿ng, o̿ si̿-gáing nêng éng-ṳē gṳ̀ dú ŏ̤ se̿ng.
- 8 Iǒ̤-hu̿ing ēng sī iǒ̤ng guáng, sī lâ̤ ta̿i iǒ̤ng guáng ca̿ gúing-ce̿ng.
- 9 Iǒ̤ng céng gâ̤ guáng lâ̤ si̿-gáing cia̿u tóng-tíng-à gâ̤ nêng.
- 10 Iǒ̤ng guáng da̿u si̿-gáing, si̿-gáing buo̿i-chǒ sī ka̿u-diū gṳ̀ ca̿ gâ̤, si̿-gáing gâ̤ nêng ǐ ēng dǎ̤-dí gṳ̀.
- 11 Gṳ̀ lâ̤ cù-cī gâ̤ dī-huó̤ng, cù-cī gâ̤ nêng ǐ ēng kǎing ciě-duòi gṳ̀.
- 12 Kǎing ciě-duòi gṳ̀ gâ̤, ciū-si se̿ng gṳ̀ miâng gâ̤
