This page has not been proofread.
12
mǎ-tuo̿i, 5.
ba̿i-dǒ̤ng háu nêng, gǒ̤ng tíng gŏ gâ̤ hǎu se̿ng-sĭ, í bă-sia̿ng gŏ̤ iōng gâ̤ bāng.
- Iǎ-Sú gâ̤ miâng-siáng dṳ̌ing da̿u tóng Sṳ̄-lī-ngā dī-huó̤ng: ŭ-di̿ gâ̤ nêng iáu-diū gŏ̤ iōng bāng iáu kǔ-chǔ gâ̤ nêng, nă gṳ̌ mî-diū gâ̤, buǒi kṳ̌-ma̿-hêng, bāng-hóng gâ̤, dú iáu hā Iǎ-Sú mīng-chîng-di̿ lâ̤; Iǎ-Sú ciū ta̿i gṳ̀ í hǎu.
- Iǔ cèng cāi nêng giǎng Gá-lī-lī, Dǐ-gá-bó̤-lī, Iǎ-lū-să-lǎing, Iǔ-tuo̿i, Iŏ̤-dàng ŭ-bíng kái, lâ̤ gáing Iǎ-Sú.
Di̿ 5 Cióng.
- Iǎ-Sú chū-gi̿ng iŏ̤ng cèng cāi nêng, ciū ióng súing: cō-diū làu, hă-sáing dú hā gṳ̀-di̿ lâ̤:
- Iǎ-Sú kṳé chṳ̿ háu gṳ̀, uā,
- Séng-dǐ kéng-hṳ́ gâ̤ nêng sī iǔ hŭ-ki̿; éng-ṳē tíng gŏ sī gṳ̀ gâ̤ gŏ.
- Sióng-séng gâ̤ nêng sī iǔ hŭ-ki̿: éng-ṳē cǒng ŏ̤ kúing gṳ̀ gâ̤ séng.
- Uǎ-ki̿ gâ̤ nêng sī iǔ hŭ-ki̿: éng-ṳē gṳ̀ ŏ̤ dă̤-diō̤ si̿-ga̿i ca̿ sú-ngiè.
- Cèng siǒng ngī gâ̤ dī su̿-siōng bŭ-gṳě, su̿-siōng chṳ̿-diǎu, iŏ̤ng gâ̤ nêng sī iǔ hŭ-ki̿: éng-ṳē gṳ̀ cǒng ŏ̤ bǎu.
- Ta̿i nêng kǒ̤-lǐng, iŏ̤ng gâ̤ nêng sī iǔ hŭ-ki̿: éng-ṳe̿ cǒng ŏ̤ kǒ̤-lǐng gṳ̀.
- Séng-dǐ chéng-giĕ gâ̤ nêng sī iǔ hŭ-ki̿: éng-ṳē gṳ̀ ŏ̤ gi̿ng-dă̤ Ciōng-Di̿ diō̤.
- Ca̿ uǎ-sĭ gâ̤ nêng sī iǔ hŭ-ki̿: éng-ṳē ŏ̤ hǎng gṳ̀ ca̿ Ciōng-Di̿ gâ̤ gṳ̌ing.
- Éng-ṳē ngī gâ̤ dī nă nêng huōi, iŏ̤ng gâ̤ nêng sī iǔ hŭ-ki̿: éng-ṳē tíng gŏ sī gṳ̀ gâ̤ gŏ.
- Nêng lâ̤ éng-ṳē uòi diĕ nì, bĭ-là̤ nì, cù-càu gŏ̤ iōng gâ̤ làing dī lūing-uā nì, nì sī iǔ hŭ-ki̿.
- Niōng ka̿u-uòi, lŏ̤ dă̤-hǎing: éng-ṳē tíng ciōng siǒng nì gâ̤ dī sī duōi gâ̤: ṳ̆ piāng nì gu̿ sáing gâ̤ síng-dí iǎ sī iŏ̤ng-gă̤-sĭ nă nêng bĭ-là̤.
