ಉಪಕಾರೊದ ನೆನಪು ತುಳು ಬಾಸೆಡ್ ಮಲ್ಲ ಕಬಿತೂ (ಮಹಾಕಾವ್ಯಳನ್ ಬರದ್, ತುಳು ಬರಪಾಟಿಗೆಗ್ ಪೊಸ ಬೊಳು ಕೊರಿನ, 'ಮಂದಾರ ರಾಮಾಯಣ'ದ ಕವಿ, ಕಲಾವಿದೆ ಮಂದಾರ ಕೇಶವ ಭಟ್ ಈ ವರ್ಸ ತೀರ್‌ದ್ ಪೋಯೆರ್. ಉಂದು ತುಳು ಸಾಹಿತ್ಯಗೊಂಜಿ ಮಲ್ಲ ನಷ್ಟ. ಆರನ ಜೀವನ ಬೊಕ್ಕ ಬರವುದ ಒಂಜಿ ಪರಿಚಯೊದ ಬೂಕು ಪ್ರಕಟ ಮಲ್ತ್‌ದ್ ಆರೆನ ನೆಂಪುನು ಒರಿಪಾವೊಡುಂದ್ ತುಳು ಸಾಹಿತ್ಯ ಅಕಾಡೆಮಿದನ್ನು ಮಲ್ಲಿನ ನಿರ್ಣಯದ ಪ್ರಕಾರ, ಈ ಎಲ್ಯ ಬೂಕುನು ಬರೆತೆ. ಉಂದು ಒಂಜಿ ಎಲ್ಯ ಪರಿಚಯ ಹೊರತ್ ವಿಮರ್ಶೆ ಅತ್ತೆ. ಈ ಕೆಲಸೂನು ಎಂಕ್ ಕೊರು, ಎಂಕ್ ಅತಿ ಆಪ್ತ ಆಯಿನ ಕೇಶವ ಬಟ್ರೆನ ಆತ್ಮಗೊಂಜಿ ಎಲ್ಯ ಅಗಲ್‌ನ್ ಈ ರೂಪೊಡು ದೀಪಿ ಅವಕಾಶ ಕೊರಿನ ಅಕಾಡೆಮಿದ ಅಧ್ಯಕ್ಷರ್‌ ಡಾ| ಬಿ.ಎ. ವಿವೇಕ ರೈಕ್ಲಗ್, ಬೊಕ್ಕ ರಿಜಿಸ್ಟ್ರಾರ್ ಡಾ| ಪಾಲ್ತಾಡಿ ರಾಮಕೃಷ್ಣ ಆಚಾತ್ರೆಗ್ ಎನ್ನ ಸೊಲು. ಈ ಬೂಕುಗ್ ಬೋಡಾಯಿನ ಕೆಲವು ಮಾಹಿತಿಲೆನ್ ಕೊರಿನ ಶ್ರೀಮತಿ ಜಲಜಾಕ್ಷಿ ಕೇಶವ ಭಟ್, ಮಂದಾರ ಮಾಧವ ಭಟ್, ಪ್ರಾ, ಕೊಂಚಾಡಿ ಸೀತಾರಾಮ ಭಟ್, ಪ್ರಾ. ಸುಚೇತಾ ಜೋಷಿ ಮೊಕ್ತನ ಸಹಕಾರೊನು ನೆನೆತೊಣುವೆ. ಮಾಹಿತಿಲೆನ್ ಕೊರಿನತ್ತಂದ, ಬರವಣಿಗೆನ್ ತೂದ್, ತಿದ್ದೊದ್ ಕೊರಿನ ಮಿತ್ರ ಶ್ರೀ ಅ. ಬಾಲಕೃಷ್ಣ ಶೆಟ್ಟಿ ಪೊಳಲಿ ಮೆರೆನ ಸಹಕಾರೂನು ಪ್ರತ್ಯೇಕವಾದ್ ನೆನೆಪುವೆ. ಬೆಸೆಂಟ್ ಪದವಿ ಪೂರ್ವ ಕಾಲೇಜ್, ಕೊಡಿಯಾಲ್‌ಬೈಲ್, ಮಂಗಳೂರು -575 003 1.1.1998 ಡಾ. ಎಂ. ಪ್ರಭಾಕರ ಜೋಶಿ
