ಪಾತ್ತೊಳುಂದ್ ಎನ್ನ ಅಭಿಪ್ರಾಯೊ, ಆರೆನ ಕೌರವೆ ಪಂಡ, ಭೀಷ್ಮರಡ ವಾದ ಮಲ್ಪುನ, ಗಂಡೈರೆ ತೂಪಿ ಕೌರವೆ ಅತ್ತ್. ಆಯ್ ಕಾರ ಸಾಧಕೆ, ಉಪಾಯಗಾರೆ, ಧೂರ್ತ, ಅಜ್ಞಾ, ಅಚ್ಚಾಂದ್ ಪಂಡ್‌ದೆ, ತನ್ನ ಸೂಜಿ ನಡಪ್ಪವುನಯೆ. ಪಾರ್ಥಸಾರಥೋಡ, ಕೃಷ್ಣಡ ನೇರ ಮುಖಾಮುಖಿ ವಾದ ಮಲ್ಪಂದೆ, ಓರೆಡ್ ಕತ್ತರಿ ದೀಪಿ ರೀತಿಡ್ ಪಾತೆರವೇ ಸರೀಂದ್ ಆರೆನ ಚಿತ್ರಣ, ವಿಭೀಷಣೆ, ಅತಿಕಾಯ ಮೊದ್ಲು ರಾವಣಡ ಪಾತೆರಗ ತಾನ್ ಮೆಧ್ಯೆ, ತಾನ್ ಮಗೆ ಪತ್ನಿ ಎಚ್ಚರಿಗೆನ್ ಬುಡಂದೆ ಪಾತೆರೊಡು, ಬಜೀ ವಾದ ಮಂಡನೆ ಮಲ್ತ್‌ಂಡ ಯಾವಂದ್‌ಂದ್ ಆರೆನ ದೃಷ್ಟಿ, ತನ್ನ ಅರ್ಥಗಾರಿಕೆದ ಧೋರಣೆನ್, ಅರ್ಥೋಡು ಕನಪುನ ಪ್ರಯತ್ನ ಆರಡ ಏಪೊಲ ಇತ್ತ್ಂಡ್. ಸುಧನ್ವ ಭಕ್ಕೆ ಮಾತ್ರ ಆಂಡ ಯಾವಂದ್, ಆಯೆ ಜವನೆ, ವೀರೆ ಅಂದ್ರಾ ತೋಜೊಡುಂದ್ ಆರೆನ ನೋಟ. ಆರೆನ ಅರ್ಥಗಾರಿಕೆಗ್ ಗಟ್ಟಿಯಾಯಿನ ಸಿದ್ಧಾಂತ ಆರಡ ಇತ್ತ್ಂಡ್. ಈ ನೋಟ ಇನ್ಸ್‌ನಕ್ಸೆಗ್‌ ಆರೆನ ಅರ್ಥ ಮೆಚ್ಚುಗೆ ಆವೊಂದಿತ್ತ್ಂಡ್. ದಿ| ಎಂ. ಗೋಪಾಲಾಚಾರರ್ನ (ಅರ್ಥಧಾರಿ, ವಜ್ರ ಶಿಲ್ಪಿ) ಪಾತೆರೊಡು "ಮಂದಾರದರೆನ ಅರ್ಥ ಪಂಡ, ಆಯ್ತ ಬಿಗಿ ಬೇತೆ, ಶೈಲಿ ಬೇತೆ, ವಾದ ಅತ್ತೆ, ಮಂಡನೆ, ಚಿತ್ರಣ ಆರೆನ ವಿಶೇಷ" ಮಂದಾರರ ಯಕ್ಷಗಾನ ಕಾರ್ಯಕ್ಷೇತ್ರ ಮುಖ್ಯವಾದ್‌ ಕುಡಲದ ಸುತ್ತಮುತ್ತ, ಮೂಲ್ಕಿ, ಮೂಡಬಿದ್ರೆ, ಬಂಟ್ವಾಳ ಪ್ರದೇಶೂಳೆಡ್. ವಾಮಂಜೂರುದ ಸಂಘ ಆರೆನ ಕಾಯಂ ಕೂಟ. ಅತ್ತಂದೆ, ಮಂಗಳಾದೇವಿ, ಮಹಮ್ಮಾಯಿ, ಕಾಳಿಕಾಂಬಾ, ಕದ್ರಿ ದೇವಸ್ಥಾನೊಲೆಡ್ ಇತ್ತಿನ ಸಂಘೋಳೆಡ್ ವಿಶೇಷ ಕಾರಕ್ರಮೊಲೆಗ್ ಪೋವೊಂದಿತ್ತೆರ್. ದಿ| ಪೊಳಲಿ ಶಾಸ್ತ್ರಿ, ಶೇಣಿ, ಸಾಮಗೆ ಇಂಚಿತ್ತಿನನ್ನು ಇತ್ತಿ 'ಮಲ್ಲ ಕೂಟ'ಲೆಡ್‌ಲಾ ಆ ಅರ್ಥ ಪಂಡ್‌ದ್, ಯಶಸ್ವಿ ಆತರ್, ಆಂಡಲಾ ಆರೆಗ್ 'ಮಲ್ಲ ಕೂಟೊ'ಡು ಅರ್ಥ ಪನ್ನುನೆಟ್ಸ್ ಉಮೇದ್ ಇತ್ತೀಜಿ. ಮಂದಾರೆ ಒರಿ ಎಡ್ಡೆ, ಯಶಸ್ವಿ ಅರ್ಥದಾರಿ ಅಂದಾಂಡಲಾ, ಆರಡ ಜನಾಕರ್ಷಣೆದ ಅಂಶ ಕಡಮೆ ಇತ್ತ್ಂಡ್. ಆತ್ಮೀಯವಾಯಿನ, ಎಲ್ಯ ಸಭೆಟ್ಸ್, ಆರೆನ ಅರ್ಥ ಮೆರೆಪಿನ ಜಾಸ್ತಿ ಆರೆನ ನುಡಿಕಟ್ಸ್, ಪಾತೆರದ ಪೊರ್ಲು, ಅರ್ಥದ ಸಾದಿ, ಅರ್ಥದಾರಿಲೆಗ್ ಮಂದಟ್ಟಾಯಿನಾತ್, ಪ್ರೇಕ್ಷಕರ ಮಿತ್ತ್ ಎಡ್ಡೆ ಪರಿಣಾಮ ಮಲ್ತ್‌ಜೆ, ಆರೆನ ಅರ್ಥ ಪಾಂಡಿತ್ಯಪ್ರಧಾನವಾಯಿನವು ಅತ್ತೆ, ವಾಕ್ ಪ್ರಧಾನ, ನಾಟಕೀಯವಾಯಿನವು. ಯಕ್ಷಗಾನದ ವಿಚಾರೊಲೆನ್ ಪಂಡ್‌ದ್ ಕೊರುನೆಟ್ ಬಟ್ ಬಿರ್ಸೆ. ಪಾಲೊಗು ಆರನವೇ ಒಂಜಿ ಕ್ರಮ ಇತ್ತ್ಂಡ್. ತಾಳ, ಛಂದಸ್ಸು, ರಾಗ, ಸಾಹಿತ್ಯದ ವಿಷಯೊಡ್ ಆರೆಗ್ ನಿಘಂಟ್ ತಿಳಿವಳಿಕೆಲಾ, ಅವೈನ್ ಸರಿಯಾಯಿನ ಚೌಕಟ್ಸ್‌ಡ್ ಪನ್ಸುನ ಸಾಮರ್ತಿಗೆಲಾ ಇತ್ತ. ಶಿಷ್ಯರೆಲ್ಲಾ, ಬಾಕಿ ಕಲಾವಿದೆರೆಗ್ಲಾ ಆರೆನ ಜ್ಞಾನೊಡು ಗೌರವ ಇತ್ತ್ಂಡ್, ತಾಳಮದ್ದಳಡಾವಡ್, ಕೂಟ, ಸಂಘದ ಬಾಕಿ ಸಂಗತಿಲೆಡಾವಡ್, ಆರೆಗ್ ಲಡಾಯಿ, ವೈಮನಸ್ಸೇ ಬತ್ತಿನ ಸಂದರ್ಭೋಲೇ ಇಜ್ಜಿ. ಕಲೆತ್ತ ಕೂಟೊಡು, ದಿಂಜ ಕಾಲ ಮಾತೆರೆಡ ಸ್ನೇಹಾಚಾರ ಒರಿಪಾವೊಣ್ಣನವುಲ ಸುಲಬ 26
