ಆಂಡ, ಕೇಶವ ಬಟ್ರೆನ ಮಟ್ಟ್ ಡ್ ಬಹುಶಃ ಆರನ ಕಲೆ, ಸಾಹಿತ್ಯದ ಸಾದನೆ ಏತ್ ಮಲ್ಲೆನೋ,ಆತೇ ಎತ್ತರೊಗು, ಅತ್ತ್, ಆಯಿಡ್ದ್ ಲಾ ಮಿತ್ತ್ ಗ್, ಆರೆನ ವ್ಯಕ್ತಿತ್ವ, ಸ್ವಭಾವೊ ಇತ್ತ್ಂಡ್‌ಂದ್ ಧಾರಾಳವಾದ, ಅಲ್ಮಾನ ದಾಂತೆ ಪನೊಲಿ. ಆರೆನ ಸಂಪರ್ಕೊಗು ಬತ್ತಿನ ಬಹುಶಃ ಪ್ರತಿ ಒರಿಯನ ಅಭಿಪ್ರಾಯ ಉಂದೇ. ಆರೆನ ಶಿಷ್ಯರ್, ಒಟ್ಟುಗು ಕೆಲಸ ಮಲ್ತಿನಕ್ಲು, ಯಕ್ಷಗಾನೊಡು ಆರೆ ಒಟ್ಟುಗು ಇತ್ತಿನಕ್ಷು, ಬಂದುಲು, ಮಲ್ಲ, ಎಲ್ಯ ಸಾಹಿತಿಲು, ಕಾರ್ಯಕ್ರಮ ಮಲ್ಪಾವುನಕ್ಲು, ಊರ್ದಕ್ಲು, ನಿರೆಕೆರೆ, ಇಂಚ ವಾ ಪಂಗಡೊಡು ಕೇಂಡಲ, ಆರೆನ ವಿಷಯೊಡು ಎಡ್ಡೆ ಅಭಿಪ್ರಾಯ, ಮಾತ್ರ ಅತ್ತ್, ಮಲ್ಲ ಗೌರವ ಇತ್ತ್ ನ ತೋಜಿದ್ ಬರ್ಪುಂಡು. ಆರೆನ ವಿಷಯೊಡು ಟೀಕೆ, ಆಕ್ಷೇಪ ಇತ್ತ್ ನಕುಲು ಬಹುಶಃ ಒಂಜಿ ಕ್ಯೆತ್ತ ಬಿರೆಲ್‌ದಾತ್‌ಲ ತಿಕ್ಕಯೆರ್.
ಒರಿ 'ಎಡ್ಡೆ ನರಮಾನಿ' Gentleman' ಪಂಡ ಎಂಚ ಇಪ್ಪುವೆಂದ್ ಪಂಡ್‌ದ್, ಇಂಗ್ಲಿಷ್‌ ಕವಿ ಹೆನ್ರಿ ನ್ಯೂಮನ್ ತನ್ನ ಒಂಜಿ ಬರವುಡು ವ್ಯಾಖ್ಯಾನ ಕೊರೆರ್. ಅವು ಇಂಚ:
...."ಆಯೆ ಯೇಪಲಾ ಒರಗ್ ಬೇನೆ ಮಲ್ಪಯೆ.... ಬಾಕಿದಕ್ಕೆ ಇತ್ತಿ ತೊಂದರೆಲೆನ್ ದೂರ ಮಲ್ಪುವೆ... ಬೇತೆ ಬೇತೆ ಸ್ವಭಾವೊದಕ್ಕೆ ನೊಟ್ಟುಗು ಹೊಂದೊಂದು, ತಾನ್ ಯೇರಡ ಪಾತರ ಪನ್ನಿನೈನ್ ನಂಪು ದೀವೊಂದು, ಪಾತೆರೊಡು ಯೇರೆಗ್ಲಾ ಬೇರೆ ಆವಂದಿಲೆಕ್ಕ ಇಪ್ಪುವೆ... ಪಾತೆರಕತೆಟ್ಸ್ ತಾನೇ ತೋಜಂದಿಲೆಕ್ಕ ಇಪ್ಪುವ ಉಪಕಾರ ಮಲ್ಪುನಗ, ತಾನ್ ಉಪಕಾರ ದೆತೊನ್ನಾಯಲೆಕ್ಕ ಇಪ್ಪುವೆ. ತನ್ನ ವಿಷಯೊಡು ಪಾತರ್‌ನಗ, ಕಡುದ ಉತ್ತರ ಕೊರುಜೆ.... ಲಡಾಯಿ ಇತ್ತ್ಂಡಲಾ ಎಲ್ಯ ಮನಸ್ತ್ ತೋಜವುಜೆ... ತಾಳ್ಮೆಡ್, ಕಿರಿಕಿರಿ ಮನಂದ, ಮಾತೆನ್ ಅರ್ತ ಮಲ್ಲೊನುವೆ. .. ವಾದ ಮಲ್ಪುನಗ ಬಾಕಿದಕುಲು ಪದಂಬು ಪಾತರ್‌ಂಡಲಾ ತನ್ನ ಸಾದಿ ಬುಡಯೆ.... ಆಯೆ ಸರಿ ಇಪ್ಪು, ತಪ್ಪುಲಾ ಇಪ್ಪು, ಆಂಡಲಾ ಆಯಡ ಅನ್ಯಾಯ ಇಜ್ಜಿ. ಗೌಜಿ ಗಲಾಟೆ ದಾಂತೆ, ಕ್ರಮವಾದ್, ಚುಟ್ಟುಡು, ಸ್ಪಷ್ಟವಾದ್, ಸೀದ ಪಾತೆರ, ಉರಾಯನ ತರತ್ತ ಉಳಾಯಿ ಪೊಗುದು ಅರ್ತ ಮಲ್ಲೊಂದು, ತನ್ನ ಅಭಿಪ್ರಾಯೋನು ಅಕ್ಷೆನ ತರೆಕ್ ಸರಿಯಾದ್ ಪೊಗ್ದಾವೆ.... ತಪ್ಪುಲೆನ್ ಅರ್ತ ಮಲ್ತ್ದ್ ಕ್ಷಮೆ ಕೊ.... ನರಮಾನ್ಯನ ಗುಣ, ದೋಟೊಲೆನ್ ತೆರಿವೆ... ಮಲ್ಲ ಮನಸ್ಸಡ್ ಆಲೋಚನೆ ಮಲ್ಪುವ, ತಾನ್ ಒಂಜಿ ಸಂಗತಿನ್ ಒಪ್ಪಿಜಿಡಲಾ ಅವೈನ್ ಮಲ್ಲ ಮಲ್ತ್ದ್ ಅತಿರೇಕ ಮುಜೆ.... ತನ್ ಒಪ್ಪಿಗೆ ದಾಂತಿನ, ಅಂಡಲಾ ಏತೋ ಜನೊಕ್ಕು ಬೋಡಾಯಿನ ಕೆಲಸೊಳೆಗ್, ಸಹಕಾರ ಕೊಲ್ಕೆರೆ ತಯಾರುಪ್ಪುವೆ.... ಬೇತೆ ಬೇತೆ ದರ್ಮೊಲೆನ್ ನಂಬಿಕೆಲೆನ್ ಗೌರವೊಡು ತೂಪೆ.... ಆಯನ ದೃಷ್ಟಿಡ್ ಓರೆ ಒರ್ದ ಇಜ್ಜಿ..." (ತೋರ ಮಟ್ಸ್‌ಡ್ ಮಲ್ಲಿನ ಅನುವಾದ) ಈ ಕಬಿತೆಗೆ ಒಂಜಿ ಜೀವಂತ ರೂಪವಾದಿತ್ತಿನಾ ಕೇಶವ ಬಟ್‌ಂದ್ ಓ ಪಂಡ ದಾಲ ಬಣ್ಣಾಟಿಕೆದ ಪಾತೆರ ಆವಂದ್.
ಆರೆಡ ಇತ್ತಿನ ಮುಖ್ಯ ಗುಣೋಕ್ಕುಲೆಡ್, ಶಿಸ್ ಒಂಜಿ. ಸಾಲದ ಕೆಲಸ ಆವಡ್, ಇಲ್ಲದವು ಆವಡ್, ಯಕ್ಷಗಾನದವು ಆವಡ್, ಸಂಸ್ಥೆದ ಆವಡ್ - ಪೊರ್ತುಗು ಸರಿಯಾದ್ ಮಲ್ತ್ದ್, ಆ ಬೋಡಾಯಿ ಏರ್ಪಾಡ್ ಮಲ್ತದ್, ಕುಡ ಆಯ್ತ ಬೆರಿ ಪತ್ತುನೆ ಕೆಲಸ (follow up) ಮಲ್ತ್ದ್ ಕೋಡಿ ಮುಟ್ಟಾವುನ ಆರೆನ ಕ್ರಮ. ತನ್ನ ಏತೇ ಬಂಜ ಆವಡ್, ಉರಾಯಗ್ ತೊಂದರೆ ಆವರೆ ಬಲ್ಲಿನ್ನುನವು ಆರ ಒಂಜಿ ವ್ರತೊ.
19
