ಕಕ್ಕೆಲೆಗೊಂಜಿ ಪ್ರಶ್ನೆ
കക്കെലെഗൊംജി പ്രശ്നെ
ವಿಶ್ವನಾಥ ಕುಲಾಲ್, ಮಿತ್ತೂರು
വിശ്വനാഥ കുലാല് , മിത്തൂരു
ಕಾಕಾ ಕಾಕಾ ಕಪ್ಪುದ ಕಕ್ಕೆಲೆ ಪ್ರಶ್ನೆಗ್ ಉತ್ತರ ಕೊರ್ಲೆ. ತೆಲಿಪುನ ಬಾಲೆದ ಸವಾಲ್ ದಾದ ಒಂಜೊಂಜೆನೆ ಕೇನ್ಲೆ !
കാകാ കാകാ കപ്പുദ കക്കെലെ പ്രശ്നെഗ് ഉത്തര കൊറലെ തെലിപുന ബാലെദ സവാല് ദാദ ഒംജൊംജെനെ കേന്ലെ !
ಕಪ್ಪು ಕಪ್ಪು ಕರಿತ ಬಣ್ಣೊನು ಕಕ್ಕೆಗ್ ಕೊರ್ನಕುಲೇರ್ ? ಕಪ್ಪು ರಂಗ್ ಇತ್ತ್ಂಡ ದಾನೆ ಮನಸ್ ಬೊಲ್ದುದ ಪೇರ್ !
കപ്പുകപ്പുകരിത ബണ്ണൊനു കക്കെഗ് കൊര്നകുലേര് ? കപ്പു രംഗ് ഇത്ത്ംഡ ദാനെ മനസ് ബൊല്ദുദ പേര് !
ಬೊಲ್ಪುಗೆ ಬತ್ತ್ ದ್ ಕಾಕಾ ಪಂಡ್‌ದ್ ನಿದ್ರೆನ್ ಮಲ್ಪುವ ಹಾಳ್ ! ಪುಲ್ಯ ಆಂಡ್ ಪನ್ಪುನೆ ಎಂಕುಲು ಅಪಗನೆ ಲಕ್ಕ್ಂಡ ಗೇಲ್ !
ബൊല്പുഗെ ബത്ത്ദ്കാകാ പംഡ്ദ് നിദ്രെന്മല്പുവ ഹാള്! പുല്യ ആംഡ് പന്പുനെ എംകുലു അപഗനെ ലക്ക്ംഡ ഗേല് !
ತೆನಸ್‌ನ್ ತೂಂಡ‌ತಿನ್ಪುನ ಬುಡ್ದ್ ಕೂಟೊನು ಲೆಪ್ಪುನೆ ದಾಯೆ? ಪಟ್ಟ್‌ದ್ ತಿನೊಡು ಪನ್ಪಿನ ಎಂಕುಲೆ ಪುಟ್ಟುಡು ಬತ್ತಿನ ಗುಣಯೆ !
തെനസ്ന് തൂംഡതിന്പുന ബുഡ്ദ് കൂടൊനു ലെപ്പുനെ ദായെ ? പട്ട്ദ് തിനൊഡു പന്പിന എംകുലെ പുട്ടുഡു ബത്തിന ഗുണയെ !
ಎಂಕ್ಲೆನ ಲೆಕ್ಕನೆ ನಿಕ್ಲೆನ ಇಲ್ಲ್‌ಲಾ ಮಲ್ಲವೆ ಉಂಡಾ ಭಾರೀ? ಕಜವು ಕಡ್ಡಿನ್ ಪೆಜ್ಜಿ‌ದ್ ಕನತ್ದ್ ಕಟ್ಟ್‌ವ ಎಲ್ಯೆಡ್ ಕಾರಿ !
എംക്ലെന ലെക്കനെ നിക്ലെന ഇല്ല്ലാ മല്ലവെ ഉംഡാ ഭാരീ ? കജവു കഡ്ഡിന് പെജ്ജിദ്കനത്ദ് കട്ട്വ എല്യെഡ് കാരി !
ಕಕ್ಕೆಲೆ ಪುಂಡುನ್ ಲೊಕೊನೆ ಮೆಚ್ಚುಂಡು ದಾದ ನಿಕ್ಲೆನ ಮೇಲ್ಮೆ? ಪಸಂತ್ರೊದೊಟ್ಟುಗು ಎಡ್ಡೆಪ್ಪುದ ಜೂವನ ನಿಷ್ಟೆಗ್ ಸಂದಿನ ಪೆರ್ಮೆ !
കക്കെലെ പുംഡുന് ലൊകൊനെ മെച്ചുംഡു ദാദ നിക്ലെന മേല്മെ ? പസംത്രൊദൊട്ടുഗു എഡ്ഡെപ്പുദ ജൂവന നിഷ്ടെഗ് സംദിന പെര്മെ !
50
ಜೋಕುಲೆ ಉಜ್ಜಾಲ್
