ವಿದ್ವಾಂಸೆ ಲೆಪ್ಪಾದ್ ಗೇನ ಪುಟ್ಟಾಬುನಂಚಿನ ಕಾರ್ಯಗಾರ ಮಲ್ತ, ಜೋಕುಲೆ ಸಾಹಿತ್ಯ ಎಂಚ ಬರೆವೂಡು ಪನ್ಪಿನ ಬಗ್ಗೆ ಹಿರಿಯ ಅನುಭವಿ ಕವಿಕುಲೆಡ ಮಾಹಿತಿ ಕೊರ್ಪಾಯ. ತುಳು ಸಾಹಿತ್ಯ ಭಾಷೆದ ಪೊಲಬು ಮಲ್ಪಾದ್ ಕೊರುಂಡು. ಪೆರ್ಮೆದ ಸಾಹಿತಿಲು ಆಯಿನ ಡಾ. ಗಣನಾಥ ಎಕ್ಕಾರ್, ರಘು ಇಡ್ಕಿದು, ಪ್ರದ್ಯೋತ್ ಹೆಗ್ಡೆ, ಸಂಗೀತ ನಿರ್ದೆಶಕೆರ್ ಆಯಿನ ವಿ. ಮನೋಹರ್, ಗೇನ ಪುಟ್ಟಾಬುನಂಚಿನ ಕಾರ್ಯಗಾರೊಗ್ ಸಕಾಯ ಮಲ್ತೆರ್. ಜೋಕುಲೆ ಸಾಹಿತ್ಯ ಮ್ಯೂಸಿಕ್‌ ಎಂಚ ಸರಿಯಾದ್ ಬರೆವೊಡು ಪನ್ಪಿನ ಕಾರ್ಯಗಾರ ಮಲ್ತ. ಜೋಕುಲೆಗ್ ಬೋಡಾದ್ ಜೋಕುಲೆ ಚಾತುರ್ಪು‌ದ ಪಂಥ ಮಲ್ತ. ಜೋಕುಲೆ ಪದೊಕುಲೆನ ಬರೆಪಾವುನ ಬುಕ್ಕ ಐನ್ ಸಂಪಲಿಪುನ ಬೇಲೆದ ರೂಪುರೇಷೆ ಮಲ್ತ. ಅಂಚ ಜೋಕುಲೆನ ಪ್ರಾಯೊಗು ಸರಿಯಾದ್ ಜೋಕುಲೆ ಪದೊಕುಲೆನ್ ಮೊಡೆಪಾದ್, ಇತ್ತೆ ಪ್ರಚಲಿತೊಡು ಇಪ್ಪುನ ಇಂಗ್ಲಿಷ್, ಕನ್ನಡ ಪದೊಕುಲೆನ್ ತುಳುಕ್ಕು ಭಾಷಾಂತರದ ಮಲ್ಪುನ, ಜಾನಪದ ಪದೊಕುಲೆನ್ ಸಂಪಲಿಪುನ, ದುಂಬು ಇತ್ತಿನ ಪದೊಕುಲೆನ್ ಸಂಪಾಲಿಪುನ ಬೇಲೆ ಮನ್ತ. ಐಕಾದ್ ಗೂಗಲ್ ಫಾರಂ ದೀದ್ ಐತ ಮುಖಾಂತರ ಪದೊಕುಲೆನ್ ಸಂಪೊಲಿಪುನ ಬೇಲೆ ಆಂಡ್. ಸಂಪೊಲಿತ್ನ ಪದೊಕುಲೆನ್ ವಾರೊಗು ರಡ್ಡ್ ಸರ್ತಿ ಸಮಾನ ಮನಸ್ಕೆರ್ ಒಟ್ಟು ಸೇರೊಂದು ತಿದ್ದುನ ಬೇಲೆಲಾ ಆಂಡ್. ಈ ಬೇಲೆ ಬಾರಿ ಶ್ರಮದಾಯಕ ಬೇಲೆ ಆಯಿನೆರ್ದಾವರ ಈ ಬೇಲೆಗ್ ಸಹಕಾರ ಕೊರಿನ ಮಾತೆರೆನ್ಲಾ ಈ ಪೊರ್ತುಡು ನೆಂಪು ಮಲ್ತೊಂದು ಸೊಲ್ಮೆ ಸಂದಾಯ ಮಲ್ತೊನುವ. ತನುಕುಲೆನ ಕೆಲಸೊದ ಒತ್ತಡದ ನಡುಟ್ ಪೊರ್ತು ಮಲ್ತೊಂದು, ಪ್ರತೀ ವಾರೊಲಾ ಆನ್ಲೈನ್‌ಡ್ ಸೇರೊಂದು ಬತ್ತಿನ ಪದೊಕುಲೆನ್ ತಿದ್ದ್‌ದ್ ಎಡ್ಡೆ ಮಲ್ಪುನ ಬೇಲೆಗ್ ತಾಂಗ್ ಕೊರಿನಕುಲು ನಮ್ಮ ಪೆರ್ಮೆದ ಕಬಿಕುಲು, ಬರಹಗಾರೆರ್ ಆಯಿನ ಕುಶಲಾಕ್ಷಿ ಕಣ್ವತೀರ್ಥ, ನಳಿನಿ ಕುಲಾಲ್, ಸುಧಾ ನಾಗೇಶ್, ಲತಾ ಕುಲಾಲ್, ವಿನೋದ ಪ್ರಸಾದ್ ರೈ ಕಾರಿಂಜ, ರಾಜಶ್ರೀ ಟಿ. ರೈ, ಚಂದ್ರಾವತಿ ವಸಾಯಿ, ಯಶೋದ ಮೋಹನ್, ರೂಪಕಲಾ ಆಳ್ವ, ಮಂಜುಳ ಐ.ಜಿ., ಮಮತಾ ಅಂಚನ್, ಮಲ್ಲಿಕಾ ಜೆ. ರೈ, ವಿಜಯಲಕ್ಷ್ಮೀ ಕಟೀಲು. ಮೊಕುಲೆಗ್ ಮಾತ ವಿಶೇಷವಾದ್ ಸೊಲ್ಮೆ ಸಂದಾವೊಂದುಲ್ಲೆ. ಈ ಬರವುಲು ತುಳು ಲಿಪಿಟ್ಟ್ ಕೊರುಂಡ ಮೂಲೊಡೆ ತುಳು ಲಿಪಿಲಾ ಕಲ್ಪುನ ಅವಕಾಶ ನಮ್ಮ ಜೋಕುಲೆಗ್ ತಿಕ್ಕುಂಡು ಪನ್ಪುನ ಮಾತೆರ್ನಲಾ ಅಂಗಲಾಪು ಆದಿತ್ತ್ಂಡ್. ಈ ಮಲ್ಲ ಬೇಲೆನ್ ತುಳು ಲಿಪಿಟ್ಟ್ ಟೈಪ್ ಮಲ್ತ್ದ್ ಸುಲಭ ಮಲ್ತ್ ಕೊರಿನ ಲತಾ ಕುಲಾಲ್, ವಿನೋದ ಪ್ರಸಾದ ರೈ ಮೊಕುಲೆಗ್ ಸೊಲ್ಮೆ ಸಂದಾಯ ಮಲ್ತೋನುವ. ಈ ಪದೊಕುಲೆಗ್ ರಾಗ, ಸಂಗಿತ ಸಂಯೋಜನೆ ಬೆೇಲೆ ಮಲ್ತೊಂದಿಪ್ಪುನ ಎಲ್ಲೂರು ಶ್ರೀನಿವಾಸ ಆರೆನ ತಂಡೊದಕುಲೆಗ್ ಬೊಕ್ಕ ನೃತ್ಯ ಸಂಯೋಜನೆ ಮಲ್ತೊಂದಿಪ್ಪುನ ವಂದನ ಟೀಚರೆಗ್ಲಾ ಸೊಲ್ಮೆ ಸಂದಾಯ ಮಲ್ಪುವ. ಉಂದು ಪುಸ್ತಕ ರೂಪೊಡು ಬರ್ಯೆರೆ ಡಿ.ಟಿ.ಪಿ. ಸಹಕಾರ ಬೊಕ್ಕ ಮುಖಪುಟ ತಯಾರ್ ಮಲ್ತ್ ಕೊರ್ನ ವಿಶ್ವನಾಥ್ ಶೆಟ್ಟಿಗಾರ್, ಸಿದ್ಧಕಟ್ಟೆ, ಪೊರ್ಲುದ ಮುಖಪುಟ ಚಿತ್ರ (ಪೈಂಟಿಂಗ್) ತಯಾರ್ ಮಲ್ತ್ ಕೊರ್ನ ಎಲ್ಯ 7 ವರ್ಸ ಪ್ರಾಯದ ಗುರುಚರಣ್ ವಿ. ಶೆಟ್ಟಿಗಾರ್, ಸಿದ್ಧಕಟ್ಟೆ (೧ನೇ ಕ್ಲಾಸ್), ಪೊರ್ಲುಡು ಮುದ್ರಣ ಮಲ್ತ್ ಕೊರ್ನ ಶ್ರೀಮಂಜುನಾಥ ಪ್ರಿಂಟರ್ಸ್ ಹನುಮಂತ ನಗರ ಬೆಂಗಳೂರು ಬೊಕ್ಕ ಈ ಬೇಲೆಗ್ ಉಮೇದ್‌ದ, ಪಣವುದ ಬೆರಿಸಾಯ ಕೊರಿನ ಚಾವಡಿದ ಪುರುಷೋತ್ತಮ ಚೇಂಡ್ಲಾ, ಆಶಾನಂದ ಕುಲಶೇಖರ, ಉಮೇಶ್ ಪೂಂಜ, ರಘುವೀರ್ ನಾಯ್ಕ್, ಕೆ.ಎನ್. ಅಡಿಗ, ಯಾದವ್ ಎಸ್. ಕಲ್ಲಾಪು, ಯೋಗೀಶ್ ಶೆಟ್ಟಿ, ಮಾತ ತುಳುವೆರೆ ಚಾವಡಿದ ಸದಸ್ಯೆರೆನ್ ನೆನೆತೊಂದು ಸೂಲ್ಮೆ ಸಂದಾಯಾ ಮಲ್ತೊನುವಾ. ಉಂದು ಅಂತ್ಯ ಅತ್ತ್, ಈ ಬೇಲೆ ಪರಿಪು ಆದ್ ದುಂಬುವರಿಯೋಡು. ದುಂಬಗ್ ಈ ಮಾತ ಪದ್ಯೊಲೆಗ್ ಆಡಿಯೋ, ವೀಡಿಯೋ, ಅನಿಮೇಷನ್ ಆವರ ಉಂಡು. ನೆಕ್ಕ್ ಜೋಕುಲೆ ಉಜ್ಜಾಲ್
xi
