میلا شالا مار پنجاب دی دھرتی میلیاں دی دھرتی اے۔شاید ای کوئی پنڈ یا شہر اجیہا ہووے جتھے ہر سال کوئی نہ کوئی میلا یا عرس نہ ہوندا ہووے۔ کچھ میلے بزرگاں دے مزاراں تے لگدے نیں جیہناں وچ مذہبی عقیدت دارنگ شامل ہوندااے۔ ے تے کچھ میلیاں دا تعلق موسم نال اے۔ ایہہ موسمی میلے وی ساڈی زندگی داک لازمی حصہ ہیں۔ میلیاں وچ ،شہری ، پینڈو، امیر،غریب، بڑھے، جوان تے بچے اکوتھاں اکٹھے ہوندے نیں۔انج میلے دیاں رونقاں تے خوشیاں دوہریاں ہو جاندیاں نیں۔ میلا شالا مار جیہنوں میلا چراغاں وی کہیا جاندا اے، شالامار باغ دے کول شاہ حسین رحمۃ اللہ علیہدے مزار تے ہر سال مارچ دے مہینے دے آخری ہفتے وچ دھوم دھام نال لگدا اے۔ میلا شالا مار اصل وچ فصلاں دے پکن دی خوشی وچ منا یا جاندا اے۔ کیوں جے ایس میلے مگروں کنکاں دی واہڈی شروع ہو جاندی اے۔میلا شالامار باغ بڑا تاریخی میلا وی اے۔ پرانیاں تاریخی کتاباں تے وڈیری عمر دے لوک دسدے نیں پی پہلے وقتاں وچ ایہ میلا بڑے ٹھاٹھ نال لگداسی۔لاہور دے وسنیک تے میلے دے شوقین میلے توں پہلاں باغ دے اندر چھولداریاں لالیندے سن تے جینے دیہاڑے میلا رہندای ، اوہ وی اوتھے ای رہندے سن ۔ دعوتاں ہوندیاں ، دن ویلے باغ دی سیر کر دے تے رات نوں قوالیاں محفلاں تے میلے دیاں ہور رونقاں ویکھدے ۔ باغ تے مزارا تے روپ چڑھیا ہوندای فواریاں والیاں نہراں دے دوالے تے شاہ حسین رحمۃ اللہ علیہ وے مزارتے دیویاں دی لو ہوندی تے ساراباغ دیویاں نال بھریا نظر میں آؤنداسی۔ ویلے دے نال نال ایہہ گلاں تے ندر ہیاں پر میلا ویکھن والیاں دے شوق وچ کوئی ایڈا فرق نہیں پیا۔ پہلاں میلا باغ دے اندر لگدای، پرہن ایہہ باغ دے باہر لگدا اے۔ایس واسطے کہ باغ دی خوبصورتی وچ فرق نہ پوے تے نالے ہوئے وی لوکاں دے پیراں دی لتاڑی توں بچے رہن ۔
