|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 38. | 13 декабря 1924 г. | № 38. |
| Вейкеяк ломань иляссо кадовт апак тонавт. |
Инязоронь россиядо чопуда государстват мастор лангсо ульнесть аламо. 1914 годсто государствасонок каждой тыща ломаньстэ ульнесть, анцяк 223 ломань сермас маштыцят (грамотнойть). Ламо таркава вишка нациятнэнь ютков эрьва сяда ломанстэ муевилть анцяк кемень, вете грамотной ломань. Секс, кода анцяк робочейтне ды сокицятне нельгизь буржуйтнень кецтэ властенть ды мастор лангсонок теевсь Советэнь власть, Ленин ялганок кармась минек эйсэ терьдеме тонафтнеме ды чопуда чинть марто бороцямо.
Апак тонафтне, культурафтомо минь знярдояк парсте а кепедьсынек хозяйстванок, апак тонафтне минь а лисевдянок паро эрямо чис. Истя кортась Ленин Сонзэ терьдиманзо кувалт Советэнь властесь шкань апак ютавт, виев гражданской турьманть порасто 1919 годсто 26 декабрянь чистэ нолдась сермась тонафтумань кувалт декрет. Те декретсэнть Советэнь властесь мерсь, чтобу. Октябрянь кеменьце иень праздникентень минек республиканок келес иляссо кадовт вейкеяк сермас а маштыця ломань.
Те пестэнь декабрянь комськотовоце чистэнть топодить вете иеть, кода нолдазь ульнесь те декретэсь. Колмо иеть кадовсть Октябрянь кемеце иень праздникентень.
Ламо ощо тев ащи минек икеле. Республиканок келес 17 миллион покш ломань а ловномо, а сермадомо а маштыть. Ютазь вете иетнестэ тонафтнима тевесь мольсь беряньстэ. Мешасть ашо кискатне, конат лепштасть эйсэнек эрьва ендо, конатнэнь марто савсь миненек туреме. Пек мешась сермас тонафтума тевентень каладозь хозяйстванок разрухась. Государстванть виензэ а сатылть те тевентень нолдамс седе ламо средства. Ней миненек тонафтнеме кияк а меши. Хозяйстванок кармась витевеме. Эрьва таркава государствась теи ликпункт. Но государстванть нейдяк ощо вийзэ аламо седе вадрясто кундамс сермас тонафтума тевентень. Те тевенть эстенек а эряви стуфтомс.
Эрьва велесэ теемс ячейка „Общества Долой Неграмотности“, сермадстоссо каждой ломанесь те ячейкантень. Анцяк весемень вейцэ дружнасто роботазь, государствантень лездазь минь тейсынек Ленинэнь заветэнзэ — Октебрянь кемеце иень праздникентень республикасонок а кадтанок вейкеяк сермас а маштыця ломань.
| Мекс Советской властесь бажи народонть тонафтома. |
Советской властесь весе виензэ эйсэ путы народонь тонафтума тевинтень. Ульнись истямо як шка, кода „силой пансть“ велинь народонть эйсэ покшонь тонафтума кудос.
Няро шум-мон повняса-тень кувалт эрцикшнись эрзятнень ютксо, пуромить (1918-21 г.) козеньгак вете-кото ломань-марясак кортыть: ну и свобода эстенек теинек, сюронок эйсэ саить силой, ды тонафнемеяк силой панить. Инязоронть пингстэ куть те насилиясь арасиль-молят амолят тонафненэ кадылидизь. А ней те беда, кодамо шка сас!
Те ауль беда ялгат, и ней уж ламо фатясть, што тонафнимась ломанентень истя жо эряви кода и кшесь (апак тонафне сюрось как чачи беряньстэ.
Улить эщо истяткак, конат те шкас аздасызь тонафниманть лезэнзэ, улить истят ломать, конат кортыть. „Ну мезекс, тенек тонафнемс? сокамо-видеме истя как маштано“!
Ялгат! кона акатсы истя думамонзо се куломазонзо судодонзо васув акарми нееме.
А пак тонафне минь знярдояк а карматанок моданок лангсто саеме ламо сюро. Апак тонафтне а витневи тенек хозяйстванок. Апак тонафне ломанесь а чарькодьсыньзе государственной тевтнень лезэст вадрясто а чарькоди мезень лезэ трудицятнэнень максы свобода.
Секс, ялгат, советской властесь бажи эйсэнек тонафтомо, штобу минь истя жо содавлинек государственной тефнень, кода содасынек минцинек кудо ютконь тевенек, сестэ кияк силой акарми роботамо и минь седе курок витцынек хозяйстванок, ведь силой роботыцясь уш монь койсэ ароботыця.
И вот ялгат сась теле, вейкияк час илядо юмафт стяк, моледе читальняв клубов, ловнодо кинигат, кулцунодо доклатт и лекцият, мезе аздатадо кевкстеде содыця ломанень. Улить истят ломатть велисэяк, (учитель агрономт) конат тенк толковасызь, ней свободанть. Анцяк тонафтнезь минь листянок чопуда чистэнть. Витнесынек хозяйстванок, кемелгавтсынек Советэнь властенть.
Ф. Шабалов
| Аньцяк тонафнезь бороцясы- некь карчонок молицятнень. |
| Кода аравтомс модань тевень учреждениятнень эзга тевень ветицят сюро-видиця ютксто. |
| Сокасто саезь аравтомс модань тевень ветямо. |
 |
| Наркомзем Р.С.Ф.С.Р. А. Смирнов. |
Наркомземень комисаронь серма, весе губернской ды областной Земуправлениятнень заведующейтнень, ды Наркомземень таркава уполномоченнойтненень.
Модань тевень учреждениятнень (Земуправлениятнень) икеле ащи покш задача, кодабу тозой аравтомс истят роботникть, конат парсте оадысызь сюро-видицянь тевтнень, конат курок эрьва модань тевенть чарькодсызь.
Секс Наркомзем мери панемадо нетне учреждениятнень эйстэ седикелень помещикень ды бояронь цератнень, конат эцесть тозонь служамо.
Эрявить аравтомс тозой тевень ветямо сюро-видиця ломать, конат сюро-видезь трить пря. Кода мерить, сокасто саезь, аравтомс модань тевень ветямо.
Центрасо те тевенть умок истя аравтыть. Ней таркаваяк эряви кундамс витеманзо.
1) Аравтомс модань тевень ветямо бедной сюро-видицят, конат якить сюпавнень сиведезь роботамо, эли яксить прянь трямо промыслав.
1) Нетне ломатнень аравтомс практикас самай уш модань тевс. А эрявить арафнемс канцеляриява. Сынь улест сермас содыцят, конат икелев ульнесть кодамояк велень тевсэ (кооперациясо, советсэ) ульнекшнесть городсо, служасть красной армиясо.
А эрявить пурнамс весе анцяк партийнойть. Пароль седе ламо аравтомс беспартийнойть, конат эсь пряст невтизь те революциянь шкастоньть.
3) Нетне ломатне улест тевень содыцят, тевень чарькодицят, общественной тевень вечкицят. А эрявить аравтомс истят, конат вешнить эсьтест паро таркат, нузякст ды анцяк кельсэ тевень теицят.
4) Аравтомс нетне ломатьнень истямо тевга, косо сынь тонадовольть парсте тевень ветямо, косто сынст можналь аравтомс лия трудна ды покш тевс. Васня максомс тенст тев виест коряс. Икелевгак аравтомс землеустроительной, лесной, Губернской ды Уездной земельной комиссияс, сельско-хозяйственной отделга, Уездной земельной отд. заведующейнень помощникекс. Севть тевень содыцетнень, конат умок уш роботыть, аравтомс истямо тевга, косо эряви роботамс сюро видиця ютксо.
5) Нетне сокасто саезь ломатнень, конань улить толкост, аравтомс покш тевень ветямо. Секс эряви аравтомс омбоце помощник Земуправлениянь заведующейнэнь. Аравтомс седе деловой беспартийной ломань.
Те тевесь эряви седе курок теемс, сестэ седе курок витевить эрьва модань ды сюро-видицень тевтне.
Илязо уль те тевесь теезь анцяк конев ланкс. Эряви ваномс аравтосьнень роботаст мельга, седе курок тонадост тевень ветямо. Иляст листь эйстэст болтут (келень езыцят).
Эрьва ковсто (месецстэ) васинь чинть кучодо тей спискат истят ломатнень, конат аравтозь тевень ветямо, ды кода моли роботаст, кодат сынь ломатне.
С коммунистическим приветом
| А. Смирнов. | |
| 14 ноябрянь чистэ 1924 иестэ. Москва. |
|
| ОД КУЛЯТ. |
| Красин ялгась франциясо. |
Францияв сась СССР-энь полномочной представителезэ Красин ялгась.
Ноябрянь 6 чистэ Красин ялгась содавтызе франциянь правительстваньть прявтонзо Эрионь. Лиякс меремс Эрио максць Красин ялганьти аудиенция (Прием). Те аудиенциясоньть корнтесть сень кувалт, кода бу уставамс СССР марто Францияньти дружнасто эрямо.
| Германиясо. |
Не читнень эйстэ Германиясо прядовсть реихстагов кочкамотне (выборт). Не кочкамотнэнь эйсэ германиянь комунистнэнень 3 миллиот трудицят максызь эсь вальгеест.
