| 4 | ЯКСТЕРЕ ТЕШТЕ. | № 37 |
эряви учомс ярмакт — казнасо те тевс арасть ярмакт. Секс беднойтнень анолдыть од таркав.
Кона пурны од таркав, сетненень эряви теймекс Переселенческой Кооперативной Товариществат. Кода теймекс неть товариществатнень — евтыть сеть ломатне, конат кучозь Наркомземстэ. Печатозь устав, те уставсонть парсте евнтнезь, кода эряви неть товариществатнень теймекс. Эрьва туицянень од таркав паро истямо устав кирдемс. Ноябрянень те уставсь печацто лиси. Кармить эйсэнзэ микшнеме эрьва таркава.
Тедиде иесь берянь токатець, икелепелев аволь анцяк неке 14 тыщатнень арнить ускомодо Самарской, Саратовской губерняв, арцить ускомодо седе ламо.
Икелепелев аволь анцяк Рав лангсо кармить эрямо, нолдамо кармить Сибиревдяк, Дальной Остоковгак. Тосо улить ламо апак займак таркат, икелькс анукставт.
Зняро семият нолдыть Сибирев, зняро ярмак семиянтень эряви мартонзо саймекс, те ланга серматанок тундо енов.
Д.
| ТОНАВТНИМАНЬ ТЕВТЬ. |
| Соронь тикшесь таргамка |
Казансэ, минек курсантнэ ютксо улить истят ломать, конатнэнень эрзятнэ эрявсть анцяк школас сермадмосто, а ней кортнить, что эрзянь секциясь монень мезияк эзь теи и мон акарман тонафтомо эрзянь кель. Мезеяк а роботыть эрзянь тевсэ. Ялгат, истят ломатненень казенной кшесь емавтомс а эряви.
Пици палакс.
| Уштынк учильнянк. |
| (Ташто Дема веле). |
Минек ташто Дема велесэ ули учильня. Октябрянь васинь читнестэ кармасть тонавтамо, а учильнясь кавто иеть апак уштнек. Пакшатнэ ащить чубасо, чапкасо, а Иванкин ялгась те лангс а ваныяк буто те тевесь аволь сонзэ. Пенгеть ащить цела кардаз, анцяк уштнек
Забота яла эряви.
Ялгат! истя пакшанк а тонавтовить, киненьгак, эряволь бу тень кувалт мелявтомс.
Каткин.
| Тейтерень авань робута. |
Минек марто эрзянь тейтерть хоть тонафтнить аламо, но сетаки неяви охотаст ды робутаст эрзянь кияванть. Сынь якить эрзянь собранияс, сермадыть статьят эрьзянь стенной газетас, якить эрьзянь лозунгань ресовамо, ловныть яла эрьзянь газетат. Шумбра паро чи равноправной тейтерьнень.
Гаврилов.
| Школанок кинигавтомо. |
| (Самарской губернясо, Бугурусланской у. Абулинской волосцэ ули эрзянь веле Верх. Курмей). |
Велесэнть ули школа 1-й ст. Революциянть васенце иетнестэ те школанть, эсист народось весе грабизе. Эсть кат а книгат, а вальмат. Но ней народось хватясь, што сынь тейсть пек берянстэ мекс грабизь школанть. И вана вейке собраниясо весе велень эрицятнэ вейке валсо мерсть: Давайте пурнасынек школанок и тонавсынек эсинек эйкакшонок. И алкукс, кода мерсть и истя тейсть.
Кармасть пурнамо сюро, пурнасть 200 пондт розь. Сивецть плотникть и сентябрянь месецэнтень школаст теевсь совсем. Анокстасть кавто кубт пенгеть, сивецть сторож. Вана школась кармась роботамо. Пакшатнэ гурьбасо чиить школав весс ащить весиласто.
Тевесь как буто должен молемс пек парстэ школась валдо и лембе, учителесь паро и эрзянь пакшатнэ парстэ сонзэ чаркодить. Но школанть ули ощо вейке покш нужазо, арасть кодаткак кинигат, доскат и конев. Учителесь тейнесь запрост эрьва кува и УОНО и ВИК и инспекторнэнь, но эрва косто получась отказ. Мейле сон пурнынзе пакшатнэнь тетяст и кармась кортамо тенст, чтобо сынь рамавольть пакшаст туртов кинигат и конев. Сынь карчо пшкадсть: минь школанок пурнынек, пенгеть раминек, сторож сивединек и пандтанок налог, конасто часть моли школав, секс минь кинига ды конев лангс ярмакт а макстанок.
Ютыть чить и недлят а кинигат ды конев яла арась косто сынст ней саемс, аздан.
Тремозов.
| Кода эряви сермадомс га- зетань кучумань кувалт. |
| В Главную Контору
Центрального Издательства Народов Москва, Никольская, 10 |
| Посылая при сем________р._______к. прошу высылать мне газету „Якстере Теште“ на____________месяц. |
| Мой адрес: |
|
Почтовое отделение _______________________ _________________________________________________ Губерния _____________________________________ Уезд ___________________________________________ Волость ______________________________________ Деревня, село _______________________________ Имя ___________________________________________ Отчество _____________________________________ Фамилия _____________________________________ |
| Те бланканьть кэрикь, сермадт чаво таркатнень эзга месть эрявить ды канвертсэ кучикь.
Газетань питнесь седе вадря кучомс почтовой маркасо. |
| Сермань парго. |
Гавриловнень. Казань, Губсовпартшкола. Статьят „Религиянь берянезэ“ нолдасынекь газетс январень месецстэ.
Комсомол Николаевнэнь. П/о Шадрино. Райком РКП(б), Барнаульского у., Алтайск. губ.
Ялгай! Алтайской губернясо корреспондентонок арасьть, кияк тосто тоньдеть башка а сермады. Сермат эрзятнень эрямо-чист кувалт, пасиба теть ефтатано, аньцяк сермат аволь стихасо, а прозасо.
Кучезь стихотвореният а печатасынекь.
| КОМСОМОЛ. |
| Сезиньк берянь тикшэнть ума лангсто. |
| (Ламбаська веле Лукяновск. у. Нижег. губ). |
Ули минек ламбаська велесэ ячейка Р. Л. К. С. М. ответственной секретаресь эйсэнзэ В. М. Гаврилов. Секретарькс сон ячейкасо умок и тевенть вети пек вадрясто.
Истя вадрясто, што комсомолецтнэ кармасть урьвакснеме ды венчамо церьковасо.
Дисциплина сомолецтнэнь ютксо кодамояк арась. Гаврилов ялгась ламо тевь васня сайсь кединзэ лангс ды конаньгак тевинть парсте эзизе тей истя кортнить кой-конат сомолецтнэ. Ней сон совась Ламбаськин с.-х. кредитной товариществас, арси кооперативной тевенть марто налксеме. А пек умок истямо история мартонзо лисць арсесь самогон марто бороцямо.
А тевесь лисць лиякс, самогонось сонзэ пильге лангсто правтызе.
Ней чистэ кантлесызь кудов кедьте пильгеде. Сонзэ пельде паро тевть а учовить.
Эряви сонзэ сомолсто тулкадемс ды аравтомс паро сомолец секретарькс, конась бу аравтоволизе роботанть паро кис. Истя комсомолецтнэ анцяк тевенть гадясызь.
Басковский.
Издатель: Центр. Издат. Народов СССР. |
|
| ||||||||||||||||||||||||||||||||||||||||||||||||||||||||||||||||||||||||||||||||||||||
| Главлит № 21.693. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
