|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 37. | 9 декабря 1924 г. | № 37. |
| Ялгат! Буржуень тюрьмава лия масторга вачо чисэ майсить тынк братонк — Илинк кат вачодо куломо. Лездэде тенст. | ||
| Илимизь истувт ялгат! |
| А стуфтсынек ялганок. |
Ноябрь месецень 30 чистэнть топоцть кавто иеть, кода теевсь весе масторлангонь робочейтнень лездамонь Общества — МОПР!
Кавто иень робота нефтизе кодамо покш лезэ максы те Обществась робочейтненень капиталистнэнь карчо туриманть тевсэ.
Анцяк минек Советэнь Республикасо властесь робочейтнень ды сокицятнень кецэ. Лия масторга властенть кирдить эсь кецэст буржуйть, капиталист. Сынь олясто лекстямс а максыть трудиця ломатненень. Зняро робочейть сокицят лия масторга ащить пекстазь тюрьмава, буржуйтнень карчо пшкадимань гис, трудицятнэнь паро эрямо чинь гис бороцямонь кувалт.
Капиталистнэ, не верень потиця верьгистнэ, повсить, леднить робочейтнень ды сокицятнэнь эйсэ. Анцяк не читнестэ Эстониянь капиталистнэ судясть 149 робочей. Вейкень эстэдест (Ян Томп) ледизь судямонть прядовмодо икелев, 148 ломань пингест эрямозот пекстызь тюрьмас, калмизь живстэ. Капиталистической государстватнесэ острогтнэ пешкедсть робочейде ды сокицядо. Ки максы сынест тюрьмасо чождынестэ лекстямо, ки семияст туртов максы помощь? Анцяк МОПР, конань членкс совить весе масторлангонь робочейть ды сокицят. Миньденек башка кияк а максы помощь робочейтнень ды сокицятнэнь, конатнэ журить буржуйтнень, капиталистнэнь карчо.
А стуфтсынек лия масторонь эсинек ялганок. Соватанок весе МОПР‘ань ячейкас членкс. МОПР максы помога аволь анцяк сетненень, конатнэ ащить тюрьмава, аволь анцяк сынст семияст эйсэ кирьди. МОПР максы вий лия масторонь робочейтненень ды сокицятнэнень бороцямо капиталистнэнь карчо, кравтомо сявдикс ланга весе верень потицятнэнь ды тееме эсист масторсо Советэнь робочеень сокицянь власть.
Минек Советэнь Республинань келес илязо кадовт вейкеяк робочей ды сокиця МОПР‘ань ячейкас апак сермадст.
| Ниле миллион ломань совасть МОПР-ань членкс. |
| Весимезе теезь колоньгемень вете тыща ячейкат. Пурназь кавто миллион целковой ярмак. МОПР-сь лездась сядо тыща тюрьмас пекстазь революционернэнь. МОПР-ань тевеесь витезь колоньгемень кавто масторга. |
Кавто иес МОПР-ась пурнась эсь перьканзо покш армия, кона лезды тюрьмас пекстазь революционертнэнень.
Весимезэ совасть МОПР-ас членкс ниле миллионт ломань. Советэнь масторсо членэкс ащить нилеце пель миллион ломань, Германиясо — кавто сядт ведкемень тыща ломань, Испаниясо — кеветее тыща ломань, Швейцариясо — ниле тыща ломань. Весимезэ лия масторга МОПР-ань члетнэде вете сядт тыща ломань.
Членэнтнень пельде МОПР-ась пурнась кавто миллион целковой ярмак. Остатка месеценть пурназь взност — кавто сядт ведьгемень тыща целковой ярмак. Колоньгемень кавто масторга МОПР-ась лезды тюрьмас пекстазь революцманертнэнень. МОПР-ась лезды тенст ярмаксо, пшкади кисэст судямстост.
Сядо тыща революционернэнь Немецкой, Итальянской, Болгарской, Польской, Румынской ды лия масторонь тюрьмава ащицянень МОПР-ась лезды.
Кавто иес МОПР-ась кучсь тюрьмасо ащиця революционернэнь омбоце пель миллион целковой ярмак. Весе буржуазной тюрьмава ащиця робочейтне ды сюро—видицятне кемить МОПР-анть ланкс, МОПР-ась эрьва мейсэ вити эрямо чист эйсэ.
МОПР-ась лезды аволь анцяк тюрьмасо ащицятненень, сон лезды сынст пакшаст ды козяйкаст туртов. Анцяк Германиясо МОПР-ась эрьва месеценть явши пособия колмо тыща тюрьмасо ащицянь козейкаст туртов, ды кавто пель марто тыща пакшанень. МОПР-ась тейсь пакшань кудот, приютт.
МОПР-ань комитетсэ пурназь пек паро адвакат, конат пшкадить революцианертнэнь кис судямстост.
МОПР-ась Октябрьской революциянть пакшазо, сон аволь анцяк лезды тюрьмасо ащиценень, сон пурнась эсь перьканзо ламо миллионт рабочейть ды сюровидицят, конат вейсэ пурнавозь весе масторонь капиталонть изнясызь.
| ОД КУЛЯТ. |
| Лия масторга. |
| Эстониянь робочейтне ердыkсэлизь верень потей властеньть. |
Ноябрень 1 чистэ Ревельцэ (Эстониянь столицясэ) эстониянь робочейтне терявць (тейнесть попытка) буржуень властеньть ертоманзо.
Ашолгадомадо икеле сынь занякшнызь главной государственной учреждениятнень. Улицятнень эзга мольцть сраженият: леднесть пулеметцо, ертнесть бомбат.
Востаниясь мольць а куваць. Робочейтне буржуйтнень карчо эсть цидярт вейксоце часоньти сынст изнизь.
Правительстваньть пельде чавсть 20 ломань, трудицятнень кис ащицятнень пельде 25.
Арестовасть 100 робочейть, 20 лецть.
Ней знярц Эстониянь верень потицятне изнясть. Анцяк куваць а сави тенст трудицятнень лаҥкс нарьгамо. Курок сы те шкась, знярдо порохост лоподе, штыкост ношкаметь. Сестэ сави тест максомс трудицятнень ответ весе апаро тевест кис.
