|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 35. | 23 ноября 1924 г. | № 35. |
| Ки чумо kооперативень берянь тевензэ kувалт? |
| Колмо богатырть ветить эйсэнек ком- мунизмас — коммунистической партиясь, профсоюзт и кооперация. | |
| ЛЕНИН. |
Велестэ ламо кучить сермат кооперативест роботамонь кувалт. Веенст сермадыть кода вадрясто роботы сынст кооперативест. Товар частной лавкадо седе дешува. Эрьва мезень эрявикс товар эйсэст ули. Кооперативень лавкась панжозь шкастонзо. Велень эрицятнэ весе молить рамамо кооперативс, Частной лавка лянгс кияк а варштыяк. Лия велева кооперативест роботы пекь берянстэ. Минек кооцеративде, сермады Сам. губ. ялганок велесэнек мерить. „Теребиловка“ потребиловкань таркас.
Эрявикс товар эйсэнзэ арась. Микшни частной лавкадо питнейстэ. Истямо кооператив, конечна мезекскак а маштови. Лезэ эйстэнзэ арась. Мейсь ве таркасо кооператив работы вадрясто, омбоце велесэ кооператив работы пекь берянетэ. „Теребиловка“ мерить эйстэнзэ? Кить тень эйсэ чумот. Эсь прянок анцяк сави чумондомс. Кооператив весе велень вейцэнь тевь. Ки серматстызе эсь прянзо кооперативс се чумо кооперативень берянстэ роботтмонзо кис. Весеменень вейцэ эряви ваномс тень кувалт. Беряньстэ роботынь дерей коопэратив, васня эряви чумондомс комячейканть ды комсомолонь, мейсь сынь сур юткова ваныть те тевенть лангс. Комячейканень ды комсомолнэнь эряви ваномс, чтобу кооперативсэ роботавольть коммунист, конатнэнь тевест кис отвечи весе ячейкась. Аравтомс кооперативс бедной честной ломатнень беспартийнойтнень эйстэ. Кооператив кармась беренстэ роботамо. Товар микшни частной лавкатнэде питнейстэ. Сокицят ютыт кооператив вакска кодамояк эчке пеке лавочникнень. Комячейканень, шкань апак ютавт эряви неемс, мейсь кооперативень тевензэ лавчомсть. Можот накладной росходтнэ покшт — эряви сынст вишкалгавтомс. Можот, ломатне кооперативс понгсть берять — эсист зепест кис анцяк маштетить, эряви сынст ертомс ды аравтомс лия ломать.
Кооперациянь тев — покш тев. Кооперация маро минь меньстясынек прянок частной торговецэнь, спекулянтонь петляст эйстэ. Ки рами товар частной микшницянь кецтэ, се ломанесь сюпалгавты эчке пеке кулаконь, микшницянь. Ки моли рамамо кооперативс, се паролгафты эсь прянзо. Кооператив со пурназь прибылесь мекев туи эсь лангозонок. Кооператив не ярмакнэнь ютавсынзе эрьва мезень велень паро тевс. Кооператив тонавтсамизь минек кода эряви теемс вейцэнь общественной тев. Секс Ленин кортась, кооператив максы миненек вий седе курок само коммунизмас.
| Пандядо удомс. |
Московсо тонафтницят ерзянь, мокшонь студент!.. Ламо уж эстеденк ульнесель сермадозь, а яла секция мелезенк ледни пек чуросто. Или пек умок уж туиде велетнестэ и мельсэнк а ящи што тозо лияцть темнойстэ (чопуда) ялганк или ерзянь кельсть как стувтынк (пек тонадыде русскс), да уж эрзянь печать ланкс авачтатадо як? Мезекс мееле тынь тонавтнитядо если чопудасто аволь тарицякс? А если тынь карматадо тонавтнемеде мееле робутамо эрзя велесэ, да лия масторонь валсо карматадо кортамо тосо, ки тынк чаркадеменк карми? Если анцяк тынсь, то седе польза аули. Наукань ерзяс можна велямс анцяк сон тенст чаркодеви... А минь содатанок наука печатьтеме а наука и сон ванькс анцяк кортамсо кувать акарми ерямо, а печать кирьцазо... Теде мееле неяви, што печать, ерзянь печать покш максы помога и может сон анцяк таргамост если минь сонзэ кирьцынек и асраматясынек, а сонзэ маро а срамасынек, а тувтсынек печатень, кирди ерзянь секциянь истя анцяк миненек можем эрзянь нациясь кепедеви. Улить тонавтницят конатне мерить ерзян кель — сон амаштови и самой лияць (отсталой) кель, но сень котелзо берякс пикси и вара мейсь: содавсь сене, што ерзянь кель берянь, а се тензэ што ерзянь кельсь миненек важной и сонзэ кувалма минь можем паньме берянь ерямонь, езь содавт. А если минць акарматанок ерзянь келинь содамо минь аерзянь тонавтыцят и седе паро кель (паро ерямонь кель асаивдянок) и ерзянь келцть как коласнек. Вара мейсь а еряви прянок апак висьть невтемс. Минь тонавтницят кекшевдянок нациядонок, но нациянь чопудась и лияцксос тенек а кекшеви, а седи пек яла прясонзо невти, Вара мэйсь и мерян: невсенек прянок — кекшсенек темнотань невсенек валдо чинь, Кекштянок минсь — кекшсенек валдо чинь, невсенек чопудань макстанок воля понень, чопуданень проклянясамизь братнск ловсамизь „вергизынь кеце ревекс“. Лучи позда да карматанок прянок невтнеме и кундатанок нациянь кебдямо!
И вот ялгат: Ки кекши прясунзо се атарги чопудасто тетянзо, аванзо, братунзо и пусть сень пряс прыть весе чопудасо ерицянь сюдуматне и сельветне. Трус нумоло се конась кекшни прясонзо. Ялгат, тердян евсенк робутамо валдо чинь тейме!
А. Куторкин.
| А эряви сяворькшнемс эрзетне эйстэ. |
Эрзянь велесэ тевтне пек берянстэ аштить.
Эрзень аламо школаст, аламо ловнома кудост.
Эрзетне ютксо эщо ламо попонь кемицят.
Ламо ташто чине качады эрзень велесэ.
Пакшатне эйстэ аламо якить школав тонавтнеме.
Эрзень тейтерьтнеде кортамскак а месть, седеньгак чопуда чисэ эрить. Эрзя велесэ сюпавтнень эщо ламо виест. Сынь аламонь аламонь парсте лепштить беднотанть эйсэ. Тень кувалт секс-как велень беднотась машнети советской властенть ланкс.
Эрзя велесэ беднотась лепштязь ашти. Тосо сыньдест налогонь пандомсто лиясто льготат как а тейнить.
Мекс истя? Секс, сюпавт эщо нейгак велявтнить велень тевтнень эйсэ. Ламо эщо кой, кува сынь аштить советсэ. Сюпавпнэнь маро эряви весе, вейсэ бороцямс.
Эрявить велев ламо тонавтозь ломать, конат маштовольть ливтеме эрзетнень валдо ки ланкс.
Ней минь тонавтнитяно. Эрзят кучимизь эсь юткстост, сынь учить минек эйсэ, знярдо карматано тенст лездэме. валдо кинь невтеме.
Секс миньденек а эряви чиремкшнемс эрзетнень эйстэ. Се ломанесь берянь ломань, кона ломань сявдикс ланксо тонавтни, мейле ве пелев сявори эрзетнень эйстэ.
Истят ломатьне панеме эрявить юткстонок, сынст лезэст а ули.
Истят ломать улить минек ютксо.
Эрзянь курсант Гаврилов.
| ОД КУЛЯТ. |
| Лия масторга. |
| Румыниясо. |
РУмыниянь сюро-видицятне кармасть робочейтнень марто ве превс кундамо.
Правительствась вешки. Сон пели, аволть карма сюровидицятне таго карчонзо молеме. Сень кувалма правительствась кучсь велева эщо ламо полиция.
| Болгариясо. |
Болгариянь правительствась таго лепши трудицятнень эйсэ. Сон таго арестовась ламо робочейть ды, сюровидицят.
| Испаниясо. |
Испаниянь правительствась арестовеньзе весе Центральной Комитетонь Коммунистической партиянь члентнэнь ды Революционной Профсоюзонь прявтнэнь
| Советень мосторга. |
| Весе Россиянь Профсоюзонь котоце с‘езд. |
Ней Московсо моли весе минекь масторонь профсоюзонь котоце с‘езд (прумкс).
Те с,ездоньти састь лия масторсто профсоюзонь представительть: Англиясто, Норвегиясто, Чехо-Словакиясто и лия масторсто.
| Сюронь ачачома таркава пачтить видметь. |
Наркомземось максць приказ, пачтямс сюронь ачачома районтнэнень яровой видметь. Ноябрянь 10-це чиньти пачтясть 200 тысьця пондо. Не видметнень явшисызь сыровидицянень Пензань, Саратовонь, Самаронь ды Воронежской губернява.
| Сокицянь кудонь (дом Крестьянина) роботникть тейнесть с‘езд. |
Московсо ульнесь сокицянь кудова роботыцятнень с‘ездост.
Те с'ездоньтень сакшность весе Россиястоньть представительть, штобу седе вадрясто уставамс сокицянь кудонь ветямо тевеньть.
