| 4 | ЯКСТЕРЕ ТЕШТЕ. | № 32 |
| ТОНАВТНИМЕНЬ ТЕВТЬ. |
| Панжинк школань кенкшкэнь тейтерьнень, аванень. |
Казаньсэ ней ули эрзень секция. Те секциясь ламо лезэ тейсь эрзень ломаньнень.
Те иенть секциясь кучсь тонавтнеме партийной школав кемгатово ломань рабфаков ды колмо покш школав. Седикели секциявтомо минек эрзят аламо понгонесть тонавтнеме.
Мон ней школасо тонавтнян ды ванан эсь ялган ланкс. Пек лиякс сынь кармасть велявтомо. Ертызь крестост, сермадстызь пряст комсомолокс. Колганов ялгась пурнась юткстост кружок „Друзей газеты“, косо тонавтнить сермадомо. Ансяк аламо ютксонок эрзень ават, теитерть.
Ялгат, эрзет, невтинк кенкшенть тейтернень ды аванень. Нолдадо сынст эйсэяк тонавтнеме.
Гаврилов.
| Месть тейни Казанень эрзянь секция. |
Казанень эрзянь секциясь думси пек парт. Сон стараи, чтобу эрзянь од народось улевель седе тонафтозь.
Партшколас эрзятненень максыльть кемгавтово тарка, а Казанень эрзянь секциясь майшсь саеме комсь таркат. Казанень секциясь весе виензэ путы минек кис. Татреспубликань эрзят, кирьдеде связь Казанень секциянть марто. Кучодо сермат. Сермадодо газетс косто мезе мариде, мезьде арситядо, думситядо. Сермадодо подробна.
Калмыков.
| Пора чарькодемс. |
Минек велесэ улить ламо эрзянь од церат и тейтерть, конатнэнь эйстэ можна теемс парт общественной д‘советской роботникть. Но сынь — те шкамс эзизь кадт церкувас якамонть. Сынь пек ещо кунцолыть сыре ломатнень эйсэ. Мон бу меривлинь тенк, од церат, попонь тонавтуманть прястонк ертынк и кармадо седе ламо ловномо кинигат и газет. Якадо седе сеедстэ библиотекас, ловнума кудос. Сестэ тынь карматадо ламо содамо, сестэ чарькодсынк мейсь тынк эйсэ тонафты попось пазнэнь ознамо ды церькував якамо. Пора тыненк чарькодемс и кармамс тонавтнеме.
Никонов.
| Велень сермат. |
| Илядо стувт „Якстере Тештенть“. |
| (В.-Толкай, Бугурусл. уез., Самарск. губ.). |
Миник Педтехникумонть тевендэ пек парт. Те иестэ нолдась эрзень учительть. Сетнень таркас седеяк ламо састь тонавтниме эрьва пельде.
Эрзянь техникумсо ули комсомол. Сон эрьва чине касы, эрьва чине кемиксты. Ве шкане ульнисть мик 50 комсомолецт. Эйстэст сисемтнень панизь. Сынь комсомолокс пряст сермадукшнызь покш училищав (университетэв) понгомань кис.
Анцяк вана мезди берень тевизэ — „Якстере Тештенть“ стувтызь, кияк а сермады мезияк.
Простямизь, ялгат! Тень эйстэяк а чатьмунян. Техникумсо тонавтни Вершинникова. Мазыйстэ кортыцякс лови эсь прандо, пейди амазый серманть лангсо.
Иля пейде, Вершинникова. Эрь тонць кармака мазыйнистэ лездыме „Якстере Тештентень“.
Алилко.
| Эрзетне руснэнь икильдизь. |
| (Алова веле, Пензенск. губ.). |
Тесэ эрить ванькс эрзят, орчамосткак эрзень, коисткак эрзень. Минь тонадынек марямо, буто весе руснэ миник коряс седе пек лаксизь. Тень карчо эрзенть валундояк а муивить. Истя тевтне ащильтькак. Ну ней вана кува, кува тевтне лиякс молить.
Ули миник велисэнек учильня I ступени, косо тонавтнить вишка эйкакшт, од ломать. Тосо жо тейнить спектаклят, собраният, ловныть лекцият. Ули библиотека, читальня. Весе тевтне молить гайсэ.
Вакссунок ули руз веле. Сынст мезесткак арась. Сынь сакшныть миник велив спектакляв, лекцияв. Сынь истя кортыть: „Руст мезияк а тейнить, а эрзят кармасть тонавтнеме лия масторонь лома лацо“.
Курук минь икильдясынек руснэнь, карматам эрямо сынст коряс седе парсте. Ней минь уж лисинек чопода чистэ. Советской властесь ветясамизь паро эрямонтень.
Радаев.
| Эрятам—аштам. |
| (Пея, Нижегор. губ. Лукояновск. у.). |
Районированиядо мейле покш кармась минек волостесь. Понгсть ламо эрзя велеть.
Пек покшт эрзя велетне, а культурной робота кодомояк эрзетнень юткова арась. Фонарь марто а муят эрзень газета. Ули волостьсэ библиотека, роботы эйсындэ руз. Сон а думияк сермацтомо коть вейке газета „Якстере Теште“. А пек тендэ эряви эрзя юткова культурной роботась.
Волполитпросветсэ эрзень газета тожо арась. Истят покшт велеть: Атингеева, Салдаманова, Щандрова аволь эрзякс, рускскак эсть некшне спектаклят.
Атингеевасо ули ячейка РКП (б), но сон местькак а тейне, уды ащо.
| Лечавсь эйкакшозо. |
| (Черемшан веле, Бугульм. кантона). |
Минек шабранок пакшазо кармась сэредме.
Пакшась ульнесь вейкине. Эсть сода месть мартонзо тейнемс. Церась мери кандоманзо докторнэнь, авась орожиянень ды попнень.
Мейле авась саизе пакшанть янтарь ланкс.
Тосо пакшанть шлизь ды симдизь кельме ведьте. Ведесь мери святой — пичкавсы.
Пакшась кельмесь ды курок кулось.
Эрзят, шкась сась кадомс манчиматнень.
Лия ломанесь эщо бу эряволь, — орожият куловсызь.
Никонов.
| Пазонтеньгак озны, шайтянунтькак сельмис а сельгине. |
| (Усть—Мурза веле, Петровск. у Сарат. губ). |
Мурза велисэ ули коммунист — Окенькань Гавря мереть эйстынзэ. Пазунтень апак чекак ярцамояк а озы — пеле козийказо мурнисы, ды сон сонцькак пазунь помниця. Комсомолтнэ ефтнесэзь — инечистэ попонть карчо ливсь кше сал марто, кудосонзо молебен служавсь. Сыре атетне эйстынзэ мереть: „Те вана ломань, пазунть а стувтнисэ“. А седе отнэ мереть: „Ай да Гавря! Пазунтеньгак озны, шайтянунтькак сельмис а сельгини“.
Сыре атетнинень сон а вечкеве анцяк плутовамонзо кувалма. Монь койсэ истямонть партиясто умук бу эряволь панемс, сон анцяк позори партиенть.
Ютыця.
| Сермадодо ялгат. |
Ульяновскойсэ, Ленинэнь шачома городсо ули губсовпартшкола, конасоньть тонавтнить ламо эрзят. Сынь аволь умок састь тозой кудосто и весе эрзя велень свежа новостне прясост. А эйстост вейке—як эзь сермат „Якстере Тештес“, мельц как аледи эрьзянь газетось, конань сермадыцянзо пекь аламот. Кинь мельсэ эряви минекь газетаньти улемс?
Весемеде икеле эрзянь тонафницянь, конатне аньцяк састь каникулстэ, конатнень мельсэ эсть стуфтов знярц велень эрьзянь недочотне ды вадря тевтне.
Мон терьдян эйсэнк, партшколецт „Якстере Тештес“ сермодомо.
Куторкин
Издатель: Центр. Издат. Народов СССР. |
|
| ||||||||||||||||||||||||||||||||||||||||||||||||||||||||||||||||||||||||||||||||||||||
| Главлит № 21.688. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
