|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 32. | 25 октября 1924 г. | № 32. |
| Седе вадрясто ютафтодо ютко шканк. |
Пачкодсь соксь ланҥо. Паксянь ды пирень тевть прядовсть. Читьне яла нирькиньгадыть. Велесэ эрицятнэнь кизэнь коряс чаво шкаст (времаст) ламолгады. Кода ютавтылезь те шканть икеле? Чокшнэ лата, анцяк прядовить (оделавить) кардазонь перька тевть а кенерить как ужинамо тейтерть чиить ащима кудос (сидинькас). Од цёрат мельгаст. Тосо ащить атякшонь морамос. Мезень ули, лезэзэ ащима кудова, сидинькава шканть ютавтозь? Од ломатьне мезеньдяк парос тосо а тонадыть. Шканть (времанть) ютафтыть стяко. Седе сыретненьдяк шкаст юты аволь седе парсте. Молить сынь шабраст туртов и чокшнэнзэ перьть келест езыть, побасенкань ефтнезь.
Ней истя ютко шканок ютавтомс а эряви. Коммунистической партиась ды Советской властесь терьди эйсэнек тонафтнеме. Анцяк тонафтнезь пурнави—сэрневи паро эрямо чинек, витлеви каладозь хозяйстванок. Анцяк тонафтнезь минь карматанок содамо, кода седе ламо сюро саемс паксянок лаҥсто, кода паролгафтомс скотинанок. Косо жо велесэ эрицянень тонафтнемс? Ловнума кудосо, изба-читальнясо. Тосо сокицясь муи кодамо: кинига сонензэ эряви. Ловнума кудосо эрьва (каждой) ломанесь газетнэнь кувалт содасы кодат новость улить Советской республикасонть ды весе мастор лаҥсонть. Вана ловнума кудосо миненек эряви ютафтомс ютко шканок. Партиянь ячейкантень ды комсомолцтнэнень эряви ваномс, штобу парсте молест ловнума кудонь тевензэ. Улезэ тосо вадрясто развитой ялга кона содаволь бу кинень кодамо кинига максомс, кинень кодамо совет ефтамс. Улест ловнума кудосо эрявикст кинигат. Кодат кинигат арасть — эрявить Уполитпросветэнь трокс вешемс. Иляст аще ве ено, ве пеле ловнума кудодо учителть, агрономт, ветеринарт. Сынь велесэ самай тонафтозь, образованной ломать. Сынь лекциянь ловнозь сокицятнэнень теить покш лезэ.
Ловнума кудо (изба-читальня) улезэ велесэ весе велень эрицятнэнень самай вечкевикс таркакс. Козой капшаволь эрьва ломанесь ютко шкастонзо.
Парсте путозь ловнума кудо карми покш тев тееме чопуда велетнень эзга.
Аволь стяко Коммунистической партиянь XIII прумксось мерсь, васенце тарка велень культурно-просветительной тевсэ улезэ ловнума кудо.
| Кодамо тев ащи эрзянь-моkшонь студентнэнь иkеле. |
Колмо недля чить пуромкшность Московонь эрзянь-мокшонь студентнэ. Кортасть кода сыненст роботамс эрзянь-мокшонь тевсэ. Васенце собраниясонть Центральной Комитетэнь эрзянь-мокшонь секциянь секретарь Дорофеев ялгась тейсь доклад. Кортась кодат тевть ащить эрзянь-мокшонь студентнэнь икеде. Сон кортась кода седе икелень инязоронь пингстэ покш учебной заведениятнэва тонафтнесть анцяк помещикень, купецень д‘весе буржуазиянь цератне. Робочеень и сокицянь одломать тов малавгак а нолдылть. Ней Советской властень пингстэ буржуазиянь ютксто лисезь тонафтозь од ломатне миненек а эрявить. Ней ВУЗтнэ анокстыть тонафтозь ломать робочейтнень ды сокицятнэнь ютксто. Анцяк истят ломатне весе превест, весе виест макссызь трудицятнэнь паро эрямо чист кис. Советской властесь бажи анокстамо тонафтозь ломать эрьва вишка нациятнэнь ютксто. Эсист тонафтозь ломань марто не вишка чопуда нациятнэ седе курок теевить культурнойкс.
Ней эрзятнэнь ды мокшотнэнь ютксто як ламо од ломать тонафтнить покш учебной заведениятнэва — Вуз-тнэнь эзга. Минек студентнэ анцяк те шкамс а содасызь эсист тевест. Улить истят эрзянь-мокшонь од ломать, конатнэ эрзякс или мокшокс пряст невтить анкця ВУЗ-ов понгомсто. Кода поҥсь тов — эстэдензэ мезеяк уж а маряви. Эрзятнэнь-мокшотнэнь стувтсыньзе. Эсинзэ кельсэ кортамо визьди. Прянзо эйсэ невти рузокс. Анцяк токати сонзэ эйс чистка, кармить мейс как ВУЗ-сто панемензэ, таго тензэ мельс сы, что сон эрзя или мокшо. Чии Наркомпросонь эрзянь-мокшонь бюрос, ЦК-ань секцияс-веши сонзэ кисэ валонь пшкадеме, прянзо идеме. Истят твтненень эряви путомс пе. Истят студентнэнь минь карматанок Вузтнэнь эйстэ панемест.
Эрзянь-мокшонь студентнэнень а эряви стуфтомс, что сынь тонафтнить, анокстыть вий эрзянь-мокшонь ютксо важодеме (роботамо), таштыть вий чопуда эрзянь-мокшонь народонть тееме культурной нациякс.
Минек студентнэнень те покш тевентень пряст эряви анокстамс парсте. Минь те шкас вадрясто а содасынек эрзятнэнь ды мокшотнэнь эрямо аштима чист. Эряви миненек весеменень вейсэ тонафтомс эсинек келенек, эряви содамс кодат улить миньцинек моронок, евксонок. Тонафтомс кода седе икеле эрясть эрзятнэ ды мокшотнэ. Эрзянь-мокшонь эрямо-аштима чист парсте тонафтозь, минь карматанок содамо кода эсинек народонть ютксо эряви роботамс. Кода эрзятнэнь-мокшотнэнь теемс культурнойкс ды седе курок пачкодемс миненек коммунизмас. Истя кортась Дорофеев ялгась.
Студентнэ весе ефтызь мелест роботамо эрзянь-мокшонь тевсэ.
Пурнасть эсь юткстост бюро, кона карми студентнэнень нефтеме кода эряви роботамс. Студентнэ тейсть колмо кружокт (куракшт). Вейке кружок — эрзянь-мокшонь келень тонафтумань ды эсинек кельсэ сермадумань куракш. Омбоце кружоксо (куракшнэ) студентнэ кармить тонафтомо седе икелень эрзятнэнь и мокшотнэнь эрямост ды орчаост (одижаст). Колмоце куракшось политико-просветительной.
Московонь студентнэ тевенть ушодызь. Минь кемдянок лия городсо (ошсо) эрзянь мокшонь тонафтницятнэ московонь ялгадост удалов а кадовить.
Чумбра чи улезэ эрзянь-мокшонь студентнэнень. Покш тев ащи тынк икеле. Шкань апак ютавт кундадо тевс!
П. Г.
| Седе ламо улевельтькак истят велетне ды истят ялгатнэде, тевенек туевелть. |
Саратовской губернясо ули Старо-Захаркинань волость. Те волостьсэнть Ташто Дема велесэ эри минек корреспондент Петр Кочетов. Эри берянстэ. Мезезэяк арась а лишмезэ (алашазо), а скалозо. Эрияк попонь кудосо. Улить анцяк кемень яксяргонзо - утканзо. Те Кочетов ялгась революциянть печтызе красной армиясо. Армиясто нолдызь кудов - чопуда эрзянь велес. Сон тесэяк муйсь эстензэ тев. Понксь кедезэнзэ „Якстере Теште“.
«Якстере Тештень» корреспондент П. П. КОЧЕТОВ.
Нейсазо „Якстере Тештесь“ эрзятнэнь эйсэ тонафты — терьди паро эрямо чис. Кармась газэтэнтень лездамо. Кармась сермадомо эрзянь велень эрямодо. Сермады омбоце ие. Вансы „Якстере Тештенть“ берянстэ молить тевензэ аламо пндписчикензэ. Ризны Кочетов ялганть седеезэ „Якстере Тештенть“ кис. Думси кода бу максомс сонензэ помога. Кармась кортамо эсь велень атятнэнь марто. Ловны „Якстере Тештенть“ атятнэнень, ефни кодамо сон максы сыненст лезэ. Кочетовнэнь те тевсэнть пособлясть велень комсомолецт. Велень эрицятнэ нейсызь ялгатне паро тевс эйсэст тердить. Кармасть сермадстомо газет.
Ташто-Дема велесэ эрзятнэ выписали эсьтест кона вейке годс (иес) кона пельиес (пелгодс) 68 номерат „Якстере Теште„. Мейле Кочетов ялгась мольсь тусь якамо Старо-Захаркинань лия эрзянь велетнень лаҥа. Лия велетнень эйсэ як ломатне нейсызь, што Кочетов ялгась терьди эйсэст паро тевс и ламо ломать сермадстовсть эсьтест газет.
Старо-Назимкинань эрицятнэ выписали пельиень срокс 20 номерт. Наумкина велесэ 66 ломань каждой эстензэ сермадстовсть „Якстере Теште“ цела годс. Усть-Мурзасо сермадстовсть 52 номер. Ташто Захар велесэ 25 эрзят выписали эсьтест 25 номер „Якстере Теште“. Старо-Захаркинань Вик‘сэ роботоцятнэяк эсть кадовт газеттэме. Сынь дяк сермадствость эсьтест ниле номер „Якстере Теште“.
Улевелть как седе ламо истят эрзятнэде — тевенек туевелть вадрясто.
Эрзят, ванодо Старо-Захаркинань велетнень лаҥс и сынст лацо койшад содомо кода эрить ломайне эрява торлова
| Лия масторга. |
| Стаkа эрямост соkицятнень буржуазной Польшасо. |
Польшасо эрьва таркава сокицятнэ стака эрямост кувалт кармасть тейнеме востаният. Сокицятнэнь енов ламо чиить польской армиянь солдатнэ. Сокицятнэ помещикнэнень куваяк киланга а максыть ардомо — чавить эйсэст.
Польшань жандармериясь остроктнэнь пещинзе сокицятнэнь пекслезь. Ламо тюрьмава озавтозь комсомолецт.
| Англиясо пурныть од парламент. |
Англиясо ютыть парламентэнь перевыборот. Англиянь коммунистической партиясь коммунистнэнь ютксто парламентэнь членкс аравсь кавксо кандидат ды сермадсь сёрма, конасо терьди англиянь робочейтнень максомо вальгеест коммунистнэнь кис.
