| 4 | ЯКСТЕРЕ ТЕШТЕ. |
| ВЕЛЕНЬ ХОЗЯЙСТВА. |
Наукась ве таркасо а ашти. Учоной ломатне безмалов эрьва чине теит од открытият. Амнрикасо умок уш чуфтонть эйстэ кармасть тееме сахаронь сироп. Германиясо олгонть эйсто теить истямо кором, что сонзо можна андомс скотинанень лавонь таркас.
Ученойтне умок уш содызь, что олгонть эйсэ пек ламо питательной веществат. Но зыянось ульнесь се, что неть веществатне беряньстэ пийкшность скотинанть пексэ. Учонойтнэ пек куватьс вешнесть, кода олгонть теемс истямокс, чтобу сон пиевель скотинанть пексэ.
Аньцяк 1919 иестэ те маенть муизе германской учоной Бикман. Те способось — щелок, нощелокось авуль истямо, конасо минек аватне лопафнить муськимат. Сондензэ мерить едкий натр. Кода те учоной Бикман истямо щелоксо лопафтозь олгонть кайсизе ревенень, то олгось колмоксть седе питательной ульнесь. Сонзэ можна ульнесь ровнямс жмыхинть ды лавонть маро.
Минек Россиясояк можна улевель олгонть маро истя теемс, анцяк те едкий натрась пек питней. Но минек Россиясо муйсть лия способ, кона пек седе дешува ды конань можна муемс эрьва таркасто. Минек масторсо олгонть эйсэ кармасть лопафтомо извескасо.
Вана месть сермады агроном С. Калашников тень кувалт.
Олгонть эряве мелкинестэ керьцемс ды пештямс кодамояк парьс. Саемс коськс извеска, каямс лангозонзо ведь. Мейле сонзэ эряве вецалгафтомс истя, чтобы 13 хунт извескас, эряволь 10 ведрат ведь. Эрьва пондо олгонтей туе извескась 13 хунт, знама, ведь маро човор. Те извеска веденть эряви олгонть ланкс нолдамс сееде ситань пачк, чтобы кевнетне кадоволть ситанть ланкс.
Олгонть извеска вецэнть эряве кирьдемс 36 част, эрьва 3 часонь трокс олгонть эряве човорямс. Лембе таркасо олгось седе курок лоподи. 36 часто мейле се веденть эряве валомс. Мейле парентей каялк ванькс ведь ды парстине шлямс олгонть. Шлямстонзо эряве парстине човорямс. Олгонть эряви шлямс 5—6 вецэ. Мейле уш можна уле каямс скотинанень. Знама, мелеть пек моле, но если арась коромот, лиякс теемс а кода.
Мекс же извескадонть мейле олгось тееве пек питательнойкс? Мон уш кортынь, что олгонь эйсэ улить ламо питательной веществат, конатненень мерить клетчатка. Эрьва 100 хунт олксонть 42 хунт клетчатка. Клетчаткась седе питательной крахмалонь коряс. Анцяк олксонть клетчаткась вельтяфт истямо калгодо лукшнесэ, что те лукшонть маро скотинанть пексэ клетчаткась кодаяк а пидеви.
Тевесь туе лиякс, если олгонть лопавсак извеска вецэ. Извеска ведесь те калгодо лукшонть ваткасэ ды сэстэ олгось чефтеми, тееви, как чефте тикшень кондямо. Мейле сон шождынестэ пидеве скотинанть пексэ. Сест олгось карме улеме пек питательной.
Чтобы варчамс правда ли те лопафтофт извеска вецо олгонть ламо лезэзэ секе жо Ярославской станциясо ульнесь теефт те тундосонь отыт.
Веенст реветненень ульнесь кайсефт эрьва чине пель хунт жмыха кафто пель маро хунт анцяконь извескасо лопафтофт олкт. Омбонцнэнень ульнесь кайсефт пель хунт жмыхат 2 хунт тикшот до 1 хунт олго.
Куть омбонцт реветненень коромонть кайсисть седе паро ды ламо, но реветне виемкшность вейкетстэ. Лопафтофт олгодонть реветне ярцасть парсте. Обитка эсть каднэ. Мелест эйстэнзэ дух эсть молькшнэ.
Знама, те опытось ульнесь анцяк первой, сразу пек парсте тевенть а тейсак. Тоенов сынь седе парт кармить улеме.
Ламо ишо тенек наукась кой-мезе ефтэ, анцяк сонзо эряве кунсоломс.
Шишкин.
| ВЕЛЕНЬ СЁРМАТ. |
| Тееде Ванстума кассат. |
| (Трудовые сберегательные кассым). |
Минек советской ярмакне эрьва чине яла седе калгудомить. Те ярмаконь калгодомась — кирдеви только роботыця народоньть эйсэ.
Тевесь оно мейсэ. Кода ярмакне кемелгадыть — сестэ государствась стараи седе аламо нолдамо ярмак.
Кода ярмакне — седе аламгадыть, сешкане тосударствась пек скупой нолдамс од ярмак. Государствась стараи, кода бу неке ярмакнень эйсэ нуждась витемс, конат уж нолдазь.
Те тевенэтень лездыть ванстума кассатьне (трудовой сберегат. кассат).
Неть кассатьне трудицятнэ кетцэ весе государстваньть келес-примить ванстомо ярмакт. Кассась неть пурназь ярмакнэнь максни государстваньтень — теемс оборот.
Те тевеньть эйсэ авуль анцяк государствантень ули лезе но ярмаконь путницетнененьдяк ули польза государства панды сынест процент. Штобу государстваньтень и эсь народоньтень улезэ лезэ, эряви лишной ярмакнэнь путомс ванстума кассас.
Неть ванетума касатьне улить эрьва—почтвасо, эрьва городцо.
Кие ярмаконзо пуцыньзе кассас — сень сынь улить ванстозь, ды получи ощо кисэст процент и пек помоги государстваньте, сестэ седе кемелгадыть ярмактне и седе дешовалгадыть товартнэ.
В. Ир-ев.
| Весе кооперативс! |
| (Ташто Дема веле Петровск. у. Сарат. губ.) |
Августонь ковста тейсть миник велис кооперативэнь общества, но кооперациятнень васня аламо совасть. Адавно, аволь умок велинь прумксцо постановили веси веленек совамс кооперативс членкс. Васня совась беднота. Сех пек пособлясь „Оскань“ бедной ломатне. Максть кооперативентень заем розь. Петань киря максь 30 пондо, Сошкань Микита 70 пондо, Фенькань Тора 30 пондо, Буткай Васька 40 пондо, Сошкань Борис 25 пондо и Кашань Миша 25 пондо. Вана остатка ялгатнэ ванодо „Оскань“ ялгатнень ланкс.
Кона кадовсь сасысть, капшак сувамо членкс!
Е. Салмин.
| Васьня отказась, а мейле согласясь. |
| (Алува Городищань уездонь, Пензань губернянь). |
Сентябрень 22 чистэ минекь велень од ломатне, од церынетне прумсть, теемс организация Р. Л. К. С. М.
Сермацтызе эсь прянзэ Салтанов Иванонь 15-це иесэ церынезэ Тихон. Кода марясть кудосо, кармасть мурниманзо. Авазо грозясь, амаксомс тензэ а понкст—папарт, а кши. А тетязо натай чавизе ды кудостоньть панизе, — ве вя Тихон удась ушоса. Но Тихон алясь кеме, кода эсть мурнэ эйсонзо, кода эсть грозя теизэ, комсолцто эзь тук. Меельцекь пелевь тетязо—як лоткась карчо молеме.
Сентябрень 27 чистэ сась сон Комсомолонь ячейкас ды корты: „Ялгат, улинь деряй Тихононь мелезэ Комсомолокс сермадомо, сермадынькь: мон маринь, комсомолтнэ берянь тевть атеить, сынь паро эрямокиньть ломатненень невтить.
Ней Техоннень кадовсь аньцяк авазо кортазь лацемс.
Велень Эрзя.
| Пароль бу кудонок валдофтомс электричествасо. |
| (Петровск. у., Сарат. губ.) |
Ташта—Дема велинь ломатнэ кармасть вэсэ тэфне ланкс ванума лиякс. Мелят максызь велинь утумуст народной кудукс, кона ней тэйвсь совсем. Атятне неизь, что пек пара кудусь, особенно, кода собранияв промкшность и весэ аштисть тосо озада. Авуль пек давно тэйсть кооператив вэлинте и атятне кооперативинть лавкакс максызь омбоце вэлинь утумунть. Ней кармасть лама кортама, кода ба миник веленте теемс электрофикация.
Улить вэлисэнек кавта ведень меленцят ведьгевть. Козонь можна бу путомс динамо-машина и теимс эйстэнза электрической освещения, но ведькевтне авуль миник кедь ланксут „тэвись истя атеиви. Кодак карматана дружнаста роботамо то сеньгак тэйсыник.
Петр Наумов.
| Кода Ташто-Славкинасо истожизь васоло паксенть. |
Те эрзянь велесонть, кафто годто икеле сокама-видема тефне авуль неинцитне ульнтсть.
Сынь истяк кадовомс те шкас а ульмалтькак.
Вот месть сонзо марта тейсть не кафта остатка ютазь иетнень эйстэ.
22 иесте вяси вялинь атетне думасть теемс эстя, штобо паксяст улилть седе малава; ато яла тест сокамо якамс эрявкшнось кевятие вайгель-пе. Штобо больше аякамс зняронь дарка-сокама, вялись явсь ниле модань обществав. Те тевенть атятне теизь аволь апак думак, а кувать синтристь эйсонзо.
Ней кажны содасэ кодама те, явоманть эста парось: Аеряве вяйке веле пестэ омбоцев сокама молемс и ютамс кавксо вайгель пет лишнойть.
Почти кажный кудонть пире удалонза сатоць ума, кона можна навозямс.
Зняро весимеза эрьва (каждой) обществанть модазо, вяси сокиця-видиця атетне парсте содасызь.
Веси атятне те тевенть эйсто пек мельс тусь еще секс: икили ломаненьта, лиснись кавксонь-кавксонь сажен мода а ней кямининь-кяминь.
Н. Максимов.
| Эрзят-ялгат! |
| Иленк стуфт эсь газетонк Весеме- нень эряви ловномс „Якстере Тештесь“. Сермадстодо, а кона машты сёрмадо- мо, сёрмадозо эрьзянь эрямо чидоньть. |
| Редакция. |
| Кода моли подпискась „Якстере Теште“ газетэнть лангс. |
| Седе ламо улевелтькак истят эрзятнэде. |
Московсо тонафниця эрзянь студент В. Иркаев тейсь подписка колмо месецес 13 номер „Якстере Теште“ лангс. Не газетнэнь кемголмово адресэс кучинзе велесэ эриця эрзятнэнень.
Марьина Рощань эрзятнэ. Московсо Марьина Рощасо эрить эрзят угольщикть. Сынь ве чистэ сермадстовсть эстест 60 номер газет „Якстере Теште“.
Издатель: Центр. Издат. Народов СССР. Ответственный редактор: П. Глухов. |
| ||||||||||||||||||||||||||||||||||||||||||||||||||||||||||||||||||||||||||||||||||||||
| Главлит № 21.688. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
