|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 30. | 8 октября 1924 г. | № 30. | ||||
| ||||||
| Колмо иеть. |
Колмо иеть... Нилеце ие туи, кода кармась лисеме эрзянь кельце газета „Якстере Теште“ Нилеце ие „Якстере Теште“ палы эрзянь чопуда велетнень ланксо. Пани эйстэст чопуда чинть. Невти ки ков эряви ютамс эрзянь сокицянтень. Терьди эрзятнэнь весе лия нациянь трудицятнэнь марто од эрямо чинь строямо. Терьди од пингень кис, коммунизмань кис бороцямо. Ламо ютась шка, ламо минек ялгатнэнень эрявсь путомо вий, знярц эрзянь велетне редявлезь „Якстере Тештенть“. Ловныцянзо ульнесть пек аламо. Сокицятне газетэнь лезэнзэ а неилизь. Кодамояк газет ловномо эсть тонат. Аволь газет ловномо, аволь паро эрямонь строямо тонавсь сокицятнэнь инязоронь властесь. Инязоро тонафтыль эйсэнек анцяк кабакс якамо ды пазнэнь озномо. Кирдиль эйсэнек чопуда чисэ. Ней Советской властень пингстэ велетне кармасть чопуда чистэ лисеме. Эрзянь велеяк панжинзе сельмензэ. Неизе кодамо лезэ максы Советской властесь. Чарькодсь ков терьди эйсэнзэ коммунистической партиясь и кармась мельганзо молеме. Эрзятнэяк неизь кодамо покш лезэ максыть сыненст газет и лия газетнэнь ютксто редизь эсь кельсэст сермадозь газет „Якстере Тештэ“. Васеньцэ кавто иетнестэ „Якстере Тештенть“ пек аламо ульнесть ловныцянзо. Седеяк аламо ульнесть сермадыцянзо. Ней кармасть сермадомо „Якстере Тештесь“ эрьва ендо. Сермадыть Саратовской, Самарской губернясто, Башреспубликасто, Сибирьстэ и лия эрзянь таркатнэстэ. Аламонь, аламонь кармасть ламолгадомо ловныцянзо. Сокицятне кармасть чарькодеме кодамо покш лезэ чопуда чисэст максы сыненст эрзянь ялгаст „Якстере Теште“.
Минь кемдянок, што нилеце иестэнть а кадови вейкеяк эрзянь веле козой а пачкодевель бу „Якстере Теште“, а кадови вейкеяк сермас маштыця эрзянь сокиця, кона а ловноволь бу эсь кельсэнзэ сермадозь газет „Якстере Теште“.
| „ЯкстереТештенть“ колмо иензэ. |
„Якстере Тештенть“ топоцть колмо иензэ. 1920 иестэ колмо ялгат, Евсеев М. К. — васинь редактор, Окин Е. С. и Завалишин, Ф. И. анцяк колмонест сермадызь и нолдызь васинь газетэнть.
Васинь номерэнть седеяк пек трудна ульнись сермадумазо и нолдамозо.
Газетань роботанть явинек кафтов. Окинь ялгась саизе типографиянь роботаньть ды корректураньть. Остатка тевтнень газетань печатамонть кувалма саия мон.
Васинь читнень эйстэ ламо эрзянь тонафтозь ломать и студент раксисть газетанть ланга. Ламо ульнесть „Якстере Тештенть“ а вечкеця ломанинзэ. Сынст койсэ сон пек беряниль.
„Якстере Тештесь эзь пель нернямодост, сынст сялдомаст эйстэ. Сон содас соньцензэ — терьць эрзятнень эйсэ ве таркасо роботамо — сермадомо. Кевкснись эрзятнень, — мезе тенст эряви, кода седе пасрте*.
Чаркодиксовстэ сермадомс. Мезе сермадомс?
Якстере Тештесь ламо лездась эрзятнэнень. Ламо эряви эще лездамс икелев. Ламо эрьва чинстэ эряви ефнемс эрзятненень, месть тейне советэнь властесь сокиця ломатненень, кода пшкаде аволь рузонь ломатнень кис, кода бороци лия масторонь сюпафнень марто.
Якстере тештеньть ней ютазь колмо нетнень эйстэ ламоль роботазо. Икелев седеяк ламо улиме карми. Якстере Тештесь роботадо пелиме а карми. Ней якстере тештесь аволь ськамонзо. Ней улить ламо корреспондентонзо, ламо ловнэцянзо. Нэй сонзэ вечксызь весе эрзянь сокицятне. Ней арась истямо веле, косо бу аволизь сода Якстере Тештеньть.
Чумбрасто эряк, ламо газет нолдак „Якстере Теште“! чумбрасто эрязо Коммунистэнь партиясь и советнэнь властесь!
Васинь редактор Матвей Евсеев.
| Сыргозеде, эрзят! |
Ламо варма пувась, ламо ведь чудесь седе мейле, кода чачь эрзень газетась „Якстере Теште“, а эрзятне эсист тештентень те шкас эсть хватя. Удумаст эзь ява, эсть сыргость, а конат кармасть сыргоземе, сеть удумаст пачк сельмест човить. Неяве сыненст тештесь кода—бути чоподасто.
Эрзят! яваст удуманк! Варштазеведе седе парсте „Тештенть“ лангс. Сон аволь истямо чопода, кодамо неяви удыцятнэнень ды сельмень човицятненень.
„Тештесь“ невти весе чопода таркатнень, невти, кода эрямс, кода важодемс (роботамс). Сон ливти чопудасто ды нужасто, конатнень поцо эрить эрзятне. Аэряви анцяк сондо стувтнимкс.
Весемеде икеле те тевнть лангс варчнаст тонавтыцятне ды тонавтницятне, невтест эрзятненень сондо парондо. Весемеде икеле сыненст эряви сермадомс „Якстере Тештентень“, ловномс эйсындэ чопода эрзятненень ды невтемс сондо паро енксондо.
Монь мелем „Якстере Тештенть“ вейке тыщасто сы иенень кустимс вете тыщас. Эрзятнеде аволь вейке тыща ломань,
Вейкеяк сермас содыця эрзя сы иестэ илязок кадовт „Якстере Тештевтеме„!
Жедяев.
| Чумбра чи „ЯКСТЕРЕ ТЕШТЕНЬТЕ“! |
Улить минек велиса газет „Беднота“, Крестьянская газета „Безбожник“, журнал „Крестьянка“ ды „Якстере Теште“. Пек ент неть газетатне. Думаят: мякс ней эрзя як кармась содама косо кода тяв тяить? А вана мякс, ней минек правительствась эсиник и покшнэ весе сокицят ды роботыцят конатнинь миник нужанок ды горянок эсист нужа горя лацо неявить и сынь стараить.
Кода бы минь парсте эрявлинек. Весе парт газетатне, ну Якстере Теште газетась, сех якстересто ашти миник эрзянь ломаньтинь и сех валдосто свети, минек чопуда чиса эриця эрзятнининь. Миник кажный эрзя, авась, бабась, эйкакшось чаркодцы мязи корты миник Якстере валдо Тештесь и кода эйсонок тонафты эрямо.
Мон и ламо эрзят, кучтан Якстере Тештень Редакциянте привет и ойместо сядейсто жалаятан сыненст чумбра чисто эрямс.
Истя жо весе сермадыцятнэнень евтатам чумбра чи и парсте эрявульть и миник чопуда народонть кис бу стараяволть.
Паро и чумбра чи весе ялгатненень, конат миник кис бажить, кода бу паро эрямо муимс.
Ежовонь Вася.
С. Алово, Пенз. губ.
| Коммунистической партиясь д‘ советнэ. |
Коммунистической партиясь старае, бажи штобу Советнэ ряц вадрясто роботавольть. Вадрясто роботась Советсо сестэ аньяк туи, кода эйсонзэ роботыть коммунист, комсомолецт, бедной и середняк сюровидицят, кудов нолдазь красноармеецт, батракт и бедной семиянь трудиця ават и тейтерть. Анцяк не ломатне ветить вадрясто роботаньть и советеньть теить вечкемакс весиминь туртов,
Волостнень ней покшолгафтызь, а таркань таркань волостнень таркас тейсыть районт. Волостнень исполкомтнэнь и сельсоветнэнь ули сынцист бюджэтэст, сынцт ули и доходост и росходост. Ней волисполкомсо, сельсоветцэ и райисполкомсо тевесь седе стака и седе пек ответственной. Сень кувалт што роботась советцо кармась улеме седе стака и ответственной коммунистической партиясь заботи, штобу велива, волостька и районга членкс уливельть коммунистт, вадрятт роботникть, конат алкокс маштыть парьсте роботамо. Но истя-жо партиясь миненек невти штобо советц уливильть кочказь и трудиця бедной сюроводицятнень ютксто честной беспартийной паро роботникт, конат аштить советской властеньть, и коммунистической партияньть кис, конат алкокс Ленин ялгань заветонзо астуфнисызь.
Но эрзэнь и мокшонь велива улить ощо учитильть, агрономт, докторт и лият, сынст кувалма тожо эреви стараямс штобу сынь седе вадрясто ды усерднасто роботавольть конат эйстост кеместэ аштить Советонь властенть ды партьтияньть кис, сетнень как эревить кочкамс советц.
Ячейкатненень эреви роботамс истя, штобо сынцт перька уливильть организовазь веси бедной сюровидицятне кудов нолдазь красноармеицнэ, батракнэ и сознательной середнякнэ. Аньцяк сестэ можна ули кемемс што тедиде советц улить кочказь истят ломать, конат алкокс здоровгавцэзь советнэнь и а улить кочказь кулакт, кулаконь кругом палцицят, торговецт ды самогононь паницят.
Сэ велитнень, волстнень и райисполкомтнень эзга, косо эрить човор — вейцэ и эрзят-мокшот, татарт и рузт члэнокс советц кочкамс эреви эрьва народонть пельде, штобо уливильть ванцтозь процентнэ эрицятнень коряс.
Весиминнень эреви кундамс седе куроксто работамо, аэревить стувтос эрзень валтнень: „мези видят, сень и нуят“.
И. Поздяев.
г. Томск.
