| № 29 | ЯКСТЕРЕ ТЕШТЕ. | 3 |
| Чапаськавтодо берянь тикшестэ кором. |
| Минек велетнева сокицятнэнь аламо тикшест. Сокицятне яла янксить-меляфтыть скотинанень коромонь асатумань кувалт, а эряви аньцяк нузялдомс — кором муеви. Теиде лия масторонь сокицятнэнь лацо. Чапаськавтодо катфа нетькст, свекла лопат, чиньджарамо нетькст, чейть и эрьва мезень берянь тикше. Анокстадо силос. Сестэ скотинанк вачо аштеме а карми. |
| Анокстадо силос. |
| (Коромонь анокстамонь кувалт). |
Силос валось вана мезе: боцька, пиляк, яма, козой можна каямс зернат. Седикеле лия мастордо сюрост кекшнизь латкос (ямас) истяжо, кода минек кекшнизь продразверстканть пингстэ. Мейле силосокс „лемдизь“ се яманть, козой ламбаськавтнесть кором.
Лия масторга, безмалов, эрьва хозяйствасонть анокснить силос. Минек содылть эйстынзэ анцяк образцовой хозяйстватне ды чи валгома пеле губернятнень эзга. Чи валгома пеле эрицятне роботакшность Германиясо, косо сынь тонацть силосонь анокстамо. Ней коромонь аразинть марто эряви анокстамс силос. Силосонть можна анокстамс ямас эли моданть ланкс. Коромонть можна се яманть эйсэ ламбаськавтомс истя, кода аватне салтнить капстат. Яманть эряви чувомс севонев модас. Истяжо эряви кочкамс истямо тарка, козой авуль листь курок ведь.
| Кодамо кором можна ламбаськавтомс. |
Эрьва коромонть можна ламбаськавтомс. Можна картуха, кукуруз, чиньчарамо нетькст, капста ды секла лопат, и лия кой-мезе, конат ведь истяк юмсить. Коромонть юткс можна почодомс сал, сестэ ошо седе пек карми ярцамо скотинась.
Истя жо можна ламбаськавтомс бурьян, кумарав и лия сорной тикше, нудей, чей и лия болотас касыця тикшенть.
Ламбаськавтомодо мейле курук наксадыця коромонть можна ули ванцтомс тундос. Ламбаськавтозь калгодо коромось чевтелгады, тееви таньтейкс и скотинатне пурдазь кармить ярцамо эйсынзэ.
| Мезекс велявты ламбаськадозь коромось. |
Ламбаськавтомстонзо коромонть марто карми улиме истя жо, кода капстатнень марто. Сокось, кона ашти нетькснэнь и лопатнень эйсэ, карми „якамо“, кода „яки“ чапаксось органь каезь. Соконть „якамсто“ коромось лембелгады, чевтеме и тееви тусто чапаксонь коньдямо. Мейле эйстынзэ карми качадомо тантей чине.
Се коромонть скотинась секс пек ярцы, что сонзо эйстэ качады спиртынь кондямо чине.
| Месть эряви тейнемс, чтобу коромось ламбаськадоволь седе парсте. |
Если аватне чапаксонть пуцызь кельме таркас, сестэ чапаксось „якамо„ а карми кшетнеяк парт а улить. Чтобу сокось парстине кармаволь якамо, эряви истя жо, чтобу ямантень авуль тока якшамо. Если коромонтень карми токамо якшамо, то сонзо эйстэ карми качадомо палозь оень чине.
Теде башка, ведь салтозь капстатне анцяк сестэ кармить кувштамо, кода сынст беряньстэ вельтясызь. Истяжо коромонть мартояк. Если сонзо беряньстэ вельтясак ды матрасак если сонензэ карми токамо варма и пуль, сестэ сон пек курок кувшты.
Если аватне капстатнень салтомсто манявить каямо парентень лишной ведь, сестэ капстатне наволгадыть и наксадыть. Истяжо и коромонть мартояк. Если ямантень понги пизиме ведь — коромось тожо навулгады и наксады.
Но ведь коське коромось а ламбаськады, а пиземе ведесь тензэ тожо тевс а моли. Тык эряви теемс истя: коське коромонть, например сюватнень, човорямс картуха нетькс эли капста лопа марто. Сестэ тевесь туи пек парсте.
Капстатнень салтомадост икеле аватне сынст керцисызь тяпкасо, чтобу матраволть седе парсте. Истя жо и коромонть марто. Ямас каямодо икеле эряви сонзо керцемс пшти кшнинь коймесэ, чтобу матравост и ламбаськадовост парстине. Лопатнень и чевте тикшенть керьцемс а эряви.
Ямас каямодо икеле коромонть эряви парстине шлямс. Понгиньдерей коромонть юткс ламо рудаз, човоряви мартонзо и скотинанть потмост карми мейле сэредеме..
Чтобу парсте ламбаськадоволь коромось эряви теемс истя: коромонть парстине урядамс и керцемс, чтобы илязо тока тензэ якшамо варма и ведь.
| Кода эряви андомс силосонть. |
Анокстамодо мейле ламбафтофт коромось кенери 2—3 ковонь ютазь. Штавтомс силосонть якшамодо икеле а эряви.
Вельтявксонть эряви саеме ве пестэ, мейле кшнинь коймесэ коромонть керямс седе крутасто аршиншкань сэрце. Келись эряви саемс истя, чтобу сон сатоволь скотинанень андомс суткань берть. Коромонь жо вельтямс, чтобу илязо понк тозой кельме. Если коромось саезь потмаксос, сестэ эряви штавтомс вельтявксонть ошо аршинонь келес и теемс истя, кода ефтазь икеле.
Скотинатне силосонь коромонтень тонадыть пек курок.
Силостонть пек ярцыть крупна рогатой скотинатне. Пек курок виемить эйстынзэ букатне, скалтнынь прибавави ловсост. Реветне, алашатне ды тувотне ярцыть эйстынзэ авуль пек.
Силосонь андомсто эряви содамс парынестэ вана мезе:
Скотинась тонавтомс те норомонтень эряви састыне.
Пек паро уливель силосонть андомс човор лав и олгонь реска марто.
Вазов и анцяконь вазыяфт скалтнэнь, истяжо васнэнь силосто андомс аэряви.
Ламонь ламонь кайсимс аэряви, кушь улизэ сон и пек паро. Скалонтень можна мансомс 30 хунт, а букантень — ве пондо зрьза чине.
Кувштазь, наксадо и кельмевкс силосонть овсе а максомс.
Если силосонть анокстасак парсте, кода эряви, сестэ сон ули дух а седе берянь тикшенть коряс.
ви валске ризнамс. Весек теезь улить.
Кульцоныть, кода панчсызь кенкшенть, сайсызь эйстэст конань-конань, мекев сынь а велявтыть. Седейтнеяк некак лоткасть чавомадо. Сёвонь поколь пры — маряви аздан мезекс.
Кенкш удало марявить якицят. Месть бути салава кортыть. Саизь синьдеренть, панжизь кенкшенть. Кирвайсть тол.
Весекень чаматне кувалгацть, ваныть толонть пелев. Сельметне пиже толцо палыть. Тандадозь ащить. Таргасть конев. Те коневонть ланксо сёрмадозь, кинень куломс.
— Кальдин! — сергець казак. Кармасть сеереме. Кона кона остаткадо марясы лемензэ. Илязо уль монь лемем тесэ сёрмадозь, арсесь Вася. Комсь вейксэе ломань уш лисить карстонть.
— Никитин! — сярьгедизь Васянь. Пургине лацо марявсь вайгелесь. Талакаць Вася. Сельмензэ икеле кармасть киштеме тюжа, раужо ды якстере толнэть. А сыргави Вася таркастонзо.
— Тон кшуманьцянь? — пшкаць тензэ Панкратов, — Мон ёвтан тететь-авать тортов... Прощай!..
Вал эзь мерев Вася. Лисць карстонть. Пекстызь мекев кенкшенть.
Тей уш ней знярдояк а соват. Пиризь казакт, ветясть эйсэст веле ушов. Максть тенст кшнинь койметь.
Уды велесь. Кияк а маряви. Анцяк сынь ютыть веле кунчкава.
Листь веле ушов. Лоткавтызь. Анокстасть тенст тарка. Кармасть чувомо эстест калмо... Чопуда. Чи валгома пеле цють палыть пельнетне, курок мади сынст валдост. Валдонть марто мадить сыньгак те калмонтень. Менельсэ палыть тешне мазый толнэсэ. Анцяк тешне нейсызь, кода сынст ледсызь ды валясызь те калмонтень, конань сынць чувсызь.
— Мекс эзимизь машт тюремстэ? — арсесь Вася. Весе пакшакс пингезэ лець мелезэнзэ, кода касць, мейле стадат вансь, весе ледсть мелезэнзэ.
Лиясто стувсы чувоманть, удалдо пулакшос лощасызь, таго карми чувомо. Весе кашт мольсть, анцяк гайгить коймтне, кода лощавить кевс. Кашт моли весь, кашт молить казакне.
Касы ды касы калмось. Алов ды алов туить чувицятне.
— Секе тев бу чувомс, анцяк кадовлимизь эрямо — арси Кальдин.
Чи лисима пельксэсь кармась валдомомо.
— Довольно! — Сергець казак. Масторонь келес тусь вайгелесь.
Пандя. Весе тевтне теевсть. Аэряви мезеньгак кис ней ризнамс. Калмось эстяст чувовсь. Саизь коймтнень. Аравтызь удало пельде калмонть чирева. Аламо кадовсь эрямс. Колоньгемень ломань курок лоткить эрямодо.
— По преступникам... Пальба... Взводом... Взвод! — пижакаць офицер. Кувакасто гайсь вайгелесь. Гайги масторось.
— Седе курок бу... Седейс бу токавлимизь, эли бу пряс.
Комсь вете иензэ ютасть Васянь икельга. Ендол лацо ледсь весе пингень эрямозо. Сельмензэ икелев появась велесэ кудост.
— Отставить! Пижакаць весе масторось. Кальдин цють эзь пра. Кармась чекамо.
— Взвод! — А повни Вася. Сон уш а эри. Кулось умок, ды эзь эряяк.
— Отставить! — Пильгало маряви модась. А неявить ружиятне... Яла теке весе кулость. Ащить калмсо. Лепшти эйсэст модась. Севонь чине. Пижнемс — кие марятанзат?
Саизь Вася мезень чувовксонть эйстэ. Кармась ашолгадомо.
Масторонь келес качамо лацо келемсь валскень валдось. Пувамо кармась варма. Вельмисть одов весек.
Марявить ламо сыцят. Ламо пильге марто моли мезе бути мастор ланга. Ледсть ружиясо. Кие бути пижакаць апаро вайгельсэ. Таго марявить ламо сыцят.
Сыть тей. Неявить ружият. Ветить ялгаст эйсэ, конат кадовкшность кардонтень. Сынь истяжо кулыть, мекев вельмить. Аравтызь. Пижакадоволь Вася:
— Илядо пель сынь анцяк тандавтнить...
Истяжо сергець каманда. Сергець пургине. Кирвайсь масторось. Човорявсть весе вайгельтне качамонть марто...
Эсть кенерь куломо — вализь. А кепедсызь сынь ланкстост моданть.
Ашолгаць. Конат кадовсть — молить одов эрямо. Ки ланксо муизь Панкратовонь, ашти маштозь.
Оргоць — эзь мень. Сювордазь суронзо. Сельмензэ кежейстэ ваныть.
— Кодамо сон велень? — кевкстизе Вася Кальдинэнь.
— А содаса, стувтыя.
Таго теке кардось, анцяк чамсь. Удыть.
Иень ютазь Вася годявсь се велентень. Якась се таркантень. А содави валявксось. Курок сокасызь калмост.
Анцяк морыть ланксост виев варматне, лайшить эйсэст телень бурятне.
Те пингева ламо истя пряст путызь. Ютыть иеть, стувтовить лемест. Вейке а стувтови — сынст тевест, конань минь оделынек.
Ф. Чесноков.
| Илядо ёмавт кодамояк тикше лопа. Весе тевс нолдадо. |
| Кода анокстамс силосонть. |
Силосонть можна анокстамс ямас эли вицто мода ланкс. Плотна севонев модас, козой бу авуль сота ведь, чувомс яма, кода нефтефт рисунканть лангсо. Яманть эряви чувомс 2½—3 аршинонь сэрьце, 4—5 аршинонь келисэ. Кувалмонзо чувомс — зняро анокстат силосонть. Яма стенатнень и потмаксонть ваднемс севоньсэ.
Яма стенатнень эряве теемс седе крутасто. Крайтнень и уголтнень эряве кругловойгафтомс.
