| 4 | ЯКСТЕРЕ ТЕШТЕ. | № 27 |
таркасонть видефтэсь карме улеме сееде, а омбоцесонть — чуро.
Если зернанть видьсак апак иза ума лангс, то сынь понгить конат бороздатнень лангс, конат бороздатнень юткс, то зернатне прыть ды изамсто вальцевить авуль вейкитстэ.
Пек алов вальцефт зернатне могут овсе а лисеме, потому что сынст виест а сатэ. А лангс вальцефт зернатне а лисить секс, что сынь понгить пек коське модас, а если сынь и лисить, то пек позда. Значит, анцяк лисить зернатне пелест, и моданть сайсэ тусто тикше, кона вельтясэ и остатка сюронть.
А если истя, то паро урожаенть кувалт а месть думамскак.
| Кодамо лезызе рядовой сеялкасо видеманть. |
Рядовой сеялкась зернатнень вальцесыньзе вейкетстэ. Сон вальцесыньзе истя, что сыненст понги и ведь начкось, и варма кошткесь, и чинь лембесь. Если модась чефте, то зернатнень эряве вальцемс седе алов, а если модась калгодо, то седе лангс, ата тензэ ведь начкось и варма коштось а понгить. Рядовой сеялкасо седе ровнасто видевияк.
Пек покш лезэ кандэ рядовой сеялкасо видемась пиземе аэриця таркава, косо тунда, видема шкасто, моданть лангс появакшнэ церепка пельксэнь коньдямо слой.
| Светстэ ли эряве видемс. |
Если сюротне кармить улеме пек сеедеть, то сыненст а карме сатомо чинь валдось, сынь кармить бажамо чиньтей, олгось карме улеме човине и сюрось мади моданть лангс. Прафт сюротне а максыть покш урожай и паро налив.
Пек чуросто видемась тожо тевс а моле. Сестэ уманть лангс появе ламо тикше и вельтясыньзе сюротнень.
Черноземной губернятнень эзга, косо савкшнэ ванцтомс ведь начконть, эряве видемс седе чуросто. Светстэ видефт сюрось курок таргасы ведь начконть, а мейле сон коське.
Якшамо ено губернятнень эзга, косо тундось эрьци седе якшамо, а модатне седе береть, видемс эряви седе сеетстэ. Если видеме лисят седе позда, то видемс эряви тожо седе сеетстэ. Если модась паро и парсте сон сокафт изафт, удобряфт и видьмексось паро — видемс эряви седе чуросто. Если модась берянь и беряньстэ уходяфт и берянь видьмексось — видемс эряви седе светстэ.
| Зняро понт эряви видемс десятинантень. |
Рау лангонь губернятнень эзга косо сеетстэ эрцить коське кизэть, видемс эряви седе чуросто. Саратовской опытной станциясо рядовой сеялкасо виднесть десятинантень 3—4 понт розь.
Урожаенть сайнесть кеце виднефнень эйстэ десятинастонть 92 пондо розь, а рядовой сеялкасо видьнефтнень эйстэ — 114 понт.
Авуль черноземной губернятнень эзга видемс эряви седе сеетстэ, — десятинантень эряви видемс 8 пондо розь.
Шишкин.
| Ицялунь kредитно—сельсkо—хозяйственной това- риществань тевинзэ. |
Эрьва ки соды, что сякой паро тевись миник чопода эрзя ютксо карчовасты ламо апаро валт.
Истя ульнись и миник товариществань теймистэ. Эрзятне эсть кемть товариществань лезынтень и кортасть: „Мезеяк а лиси“. А сеть, конанень кооперациесь кинь трокс арась, сеть эрзятнень превстэ ливтить и пилизэст тошныть:
— Мезе лиси? Сыненст а месть тейнимс, сынь и таргасть эстенст тев, а тынк пельде ваткить пай, теить микшнима и кармить эстенст наживамо сюпав чи, ата и овсе ярмакунк лепштасызь зепезэст, а тынь хлопаядо блошкатнень эйсэ.
Ну товариществань теицятне годявсть тожо камакшт, эсть вант мезе лангскак, пурнасть 40 ломать и те иесстэ февралинь 24 чистэ тейсть „Ицялунь кредитно—сельско—хозяйственной товарищества“. Паинть теинек 5 целковойть и совамо питненть 50 коп. Кочксиник правления, ревизионной комиссия и товариществань совет. Правленияс кочксивсть ломатне пек парт, содасызь те пингень задачатнень.
Товариществась васинь тевкс эстензэ аравтызе: пурнамс беднойтнень кругомганзо, макснимс ярмакт долкс, добувамс и максумс сельско-хозяйственной машинат, культурной вицть и минеральной удобреният члентнынень и остатка бедной ломатненень.
И товариществась истя машсь тевинь ветямо, что нили месецень перть сонцинзэ члетнынень явшись заем ярмакт 4579 целковойть. Добувась сякой товар 10.300 целковой лангс.
Товариществась обслуживать 12.000 едакт. Тейсь кавто пункт. Вейке сельско-хозяйственной прокатной и омбоце зернань урядамо. Курок теи случной пункт. Августунь 15 чистэ ланчи хлебопекарня и чайной. Думае тейме кирпицинь и дегодинь паньма заводт.
Товариществась роботы вейсэ Ицялунь ловнома кудунть марто, лезды тензэ. Пособли и лият учреждениятненень, а волостной полит. просвет. пунктонтень эрьва месецтэ тейни ярмакунь отчисленият.
Сонць товариществась получи газетт: „Экономическая жизнь“, „Беднота“ „Кооперативное дело“, „Нижегородская коммуна“ и 4 экз.“ Крестянской газета*. Товариществась состоит пайщиком банкава и членкс губернской и уездной союзга.
Ве валцо меремс, миник товариществань тевинзэ пек парсте молить и бедной эрьзятне тензэ кемить, эзынзэ молить и кшныть сонзо, пасиба тензэ евтнить, а сюпавтне эрьва кода ругаить.
Ащиде, эрзя ялгат, курук мертяд-истя: „Миненек кооперациядо башка кодаткак торгашт аэрявить“.
Ицялунь эрзя.
| ВЕЛЕНЬ СЁРМАТ. |
| Истят велетнэ аламо. |
| (Вишка Толкай, Бугуруслан. уезда, Самарской губ.). |
Вишка Толкай пек покш велись. Те велесэнть народозь пек икилий тусь тонафнимань ды культурань кувалт Бугурусланской уездэнь лия велинь коряс. А воль умок тев туизь волостинть Полуднев велистэ. Сонзе пожалуй-бу авулизь туить, но Р. К. П. (б.)—энь ячейкась яла хлопочась тень кувалт. Кодак меньгак покш тев — председателеньтий эрявкшнось яла ардумс Вишка-Толкаев коммунистэнь ячейкантей кортамо кода седи парсте эряви теемс тевись. Лия председателись бу аволь арт-как, но те председателись член Р. К. П. (б.) Василий Костин пек паро и эрьва кодаму бедной ломань мару парсте баси, ды колияк берянь тевть а тейни — а таргияк Вана те паро коммунист — мерить эстедензэ. Ули Вишка-Толкайсэ ищо комсомолонь ячейка, конатань 22 членензэ и 12 кандидатонзо. Велесенть ули клуб, клубонть эйсэ ули библиотека. Ули ощо ловнума кудо, конань эйсэ заведующейсь Петров — пек паро церась. Ули эрьзянь техникум косо-тонафнить эрьзяи церат-тейтерть. Телинть сынь тонафнить, а кизенть паксясо сокить, видить ды нуить. Ищо ули кооператив, ды кредитной товарищества, конань тожо ламо членензэ. Курук панжить ощо вейке тонафтнима тарка — таго сюровидицянь од ломатнинь кармить тонафтомо агрономонь тевс.
Эрьзят мокшот, кувака локшот теиде Толкай велей лацо. Те велесь тоже ведь коли бутим ульнесь чопуда эрьзя веле, но кода Р. К. П. (б.) кармась ведямо эсненек, лисинек и ютатанок паро эрямос.
Эрескадо до Р. К. П. (б.) перька пурнавомо, сон тынкак ливтядызь паро эрямос.
Комсомолец А. И. Костин.
| Сынст кондякс эряви теемс. |
Самар ошцо ули эрзянь пакшань кудо. Косо пакшатне колынгеменьшка.
Кудось лац путозь руководительтне вадрят и тоже эрьзят. Се кудосонть пакшатне весе пионерт и парьцте тонафнить. Кудосонть уле теизь эсист робутань выставкаст, косо миницюнот аштить столанга, стенава и вальмаланга. Ули тосо же Ленинынь уголокост. Чекшнень-чекшнен тонафнить эрьзякс морамо сякой морот и декламацият, а чить якить роботамо сякой учрежденияс знярояк иень — ютазь тосто лисить вадрясто тонафтозь эрьзянь пакшат. Кели бы истят кудот седе ламо улевельть эрзянь велива минек чопудачись курок ютаволь!
„ВАП“.
Издатель: Центр. Издат. Народов СССР. |
| |||||||||||||||
| ||||||||||||||||||||
| Главлит № 21.697. Москва. | 1-я типография Центр. Изд-ва Народов Союза ССР. Никольская, 10. | Тираж 1000. |
