| 2 | ЯКСТЕРЕ ТЕШТЕ. | № 27 |
| Весе эрзятмокшот, содадо, што течэ Московс ва- сенцеде прумить эрзянь-мокшонь учительть то- нафтума тевень кувалт. |
| Лия масторга. |
| Капиталистнэнь вейке арьси- маст (думаст) |
Япония и Румыния виевгафтыть яла эсист военной флотост.
Польшань ярмак лангс Булак-Балахович и Петлюра таго пурныть бандитской отрятт Советской Белоруссиянть карчо.
| Империалистической держават- нэ Китаень карчо. |
Англия, Франция, Япония, Америка пурнаволть Китай маро туреме, таго сынь Китаень теевлезь эсист колониякс.
Не державатнэ кучсть Шанхайс военной кораблят.
Войнань пелезь Китайсэ ламо банкат лоткавтызь эсист тевест.
| Коммунист войнань карчо. |
Английской, Французской, Американской коммунистнэнь Центр. Комитетэст кучсть Китайс телеграммат, конань эйсэ сермадыть, што коммунистнэ весе трудящейтненень невсызь буржуазиянть арьцимаст ды весе вийсэ коммунистнэ кармить ащеме войнанть карчо.
| Советэнь масторга. |
Борис Савинковонь маштумадо судонь постановлениянть Президиум ЦИК СССР заменил 10 иень тюрьмасо ащимасо.
| Од республика. |
Васенце ВЦИК-энь сессиясо кортазь улеме карми Молдавской республикань теймадо. Республикасонть эрицятнеде улеме кармить 300 или 400 тыщат.
| Неурожайный таркатнэнень лездамо. |
Украинасто сюронь а чачума таркатнэнень кучозь вейке миллион пондо сюро вицть (видьмекст). Сентябрь ковань кемеце чинтень ощо ули анокстазь заданиянть кувалт 800 тыща пондо.
Украинасо Сельхозбанк нолдась 1.765.000 целковойть неурожайной таркава эриця сокицятнэнень ссудань явшеме.
Сентябрь ковонь 12 чистэ Саратовсо прумить неурожайной таркань комсомолтнэ, косо сынь кармить кортамо, кода комсомолтнэнь эряви неурожайной таркатнэнень лездамс и сюронь а чачума марто бороцямс.
| Моkшонь и эрзянь автономиень kувалма. |
| (Статьясь дискуссионной). |
28 июля 1924 Пенза ошсо Губкомонь РКП (б) Подотелсэ Национальных меншинств ульнись обширной заседания, конань эйсэ постановили тееме комиссия по изучению вопроса, можна ли теемс минцинек автономия. Комиссиесь карми роботамо Губисполкомсо, козо тердить покшт специалист, конат парсте содасызь миник мокшонь и эрзень краинть.
Заседаниядо мейле мон и секретарь Отдела Национальностей ВЦИК тов. Васильев кучинек телеграмма Московов правительствань кевкстеме, кода сынь ваныть неть миник тевтнень лангс. Московсто кучсть ответ монь лемс, как Губуполномоченнойнень при Президиуме ГИК по национальным делам. Ответэсь истямо: чтобу минь Пензасто Московов кучувлинек обстоятельной доклад, конань эйсэ невтевленек бу, косо седе ламо, выше 50 процентов, рузонь коряс эрить мокшот и эрзят (точно по статистике).
Ленин ялгась мерць: Эрьва народось, конат эрить советской сюзонть эйсэ и бути эйстэст седе покш процент рустнэнь коряс, может вешиме эстензэ автономия, бути сыненст стака тевинь ветямось рузунь кельце и рузунь аппаратунть эйсэ. Автономиесь эрзень—мокшонь нужатнень седе нейсынзе. Сестэ мокшонь и эрзень аваськак апак пелть моли советэв. Сон муи тосо мокшонь эрзень ломать. Те Ленин ялганть заветонзо весинень эряви повнямс.
1921 иестэ ульнись Самарцо мокшонь и эрзень пуромкс, конасо пуцть пурнамо сведеният и нефтемс можна-ли эли нельзя теемс эрзень и мокшонь автономия. — Сестэ те тевесь эзь листь. Эсть пурнавт сведеният. Ней те тевенть одс лифтинек лангс и эряви весеменень дружнасто кундамс эйзэнзэ и теемс, месть кортась Ленин ялгась национальной вопросонть кувалт.
Самай покш условиятне автономиень кувалт, конатнень эйстэ эряви содамс весе мокшонь и эрзень ломатненень, вана кодат:
Васенце, чтобу намеченной территориенть эйсэ эрзятне мокшотне уливелть седе ламо рустнэнь коряс.
Омбоце — эряви нефтемс, кода рузонь азоротне теиксылть эйсынек рузокс, лемдимизь насильна, учителть пуцть руст, урядникть руст и весе ульнисть руст, а минь истяк эрзякс ды мокшокс кадувинек.
Колмоце — улить ли истят таркат, косо эрзят мокшот седе ламо рузунь коряс или минь эрьватаркава пек разбросаннойть руз юткова.
Нилице — миник келесь а рузунь, минцинек кельне минь весе тевтнень седе парсте тейсынек, характерэськак миник сень коряс ладявсь аволь рузунь кондямо. Весе эрямонок моли лия формасо.
Вана не тевтне эрявить ливтимс лангс и варчамс эйзэст. Эряви не тевтнень миненек невтемс правительствантень. Сестэ минь содатанок, что Советской властесь максы мокшонь—эрзень автономия. Тынць те статьянть ловномадо мейле седе пек думаядо и думтнень (арсиматнэнь) сермадынк седе парсте общей собраниясо протоколц и кучиик эсинь губернень эрзянь мокшонь секцияс.
Еще седе пек эряви, чтобу кажной Мокша эли эрзя содавуль, косо эресть сонзо племанзо. Те порас не тевтнень миненек эзизь евтне. Училищава эряви требовамс мокшонь—эрзень (мордовская) история. Картанть лангсто нейсак, косо пек ламо эресть эрзят и мокшот и тень кувалт минь ератам (хотим) тееме мокшонь—эрзень (мордовская) автономия.
Автономиянтень совить Пензенской губернень уездт: Спасский, Темниковский, Саранский, Рузаевский, Городищенский, Инсарский, Наровчатский. Нижегородской губернясто совить частью истят уездт: Ардатовский 1-й, Арзамасский, Сергачский и весе Лукояновский уездэсь. Симбирской губернясто — Алатырский, Ардатовский 2-й, Корсунский частью и Инзеский район. Саратовской Губернясто — Кузнецкий, Петровский и частью Хвалынский район Аламо волость и велеть совить Рязанской и Тамбовской губернясто.
Кинень эряви содамс точна — нейсэ карта лангсто, косо ащить не уездатне.
Если минь неть тевтнень невсэнек научно-обосновательно, сестэ по правилам конституции Советский Союзось карми тенек лездыме те тевенть эйсэ.
Ялгат! Илядо пель тынцинк автономиядо. Экономически сон седе стака а ули. Миник коряскак седе бедной племат ульнисть ито тейсть сынцист автономият.
Тейтянок Ленин ялгань заповедензэ, коммунистической партиень програманзо и Советской властень линиянзо по национальному вопросу!
А. Лямкин.
| Эрзянь—моkшонь эрямо чист. |
| Модась а саты. |
Эрьва кува кортыть, что эрзятнень ды мокшотнень модаст аламо. Боярунь модатне веси еатуцть рузунь велитненень, конат аштисть боярунь имениятнень ежова.
Ней эрзят—мокшоп думить, косто бу саимс мода эли кода бу туимс од паксяв. Велистэ кучнить ломать модань хлопочамо, но не „хлопочицятне“ пурныть велистэнть ламине ярмакт, симсызь не ярмактнень ды велявтыть кудув, а модась яла а прибави.
| Эрзят—мокшот молиде Советэв. |
Пенецеть, что эрьва советэнь учреждениява аштить руст, вейкияк гороцо служиця эрзя а муят. — „Рустнэ беренетэ ваныть меленек“ — корты монень ве атя пуромкссо. Секе пуромкссонть кармасть басямо тень кувалт и тевись лиссь истя, что эрзятне сынць чумут, сынь сынць кодаяк а молить Советэв работамо ды церасткак а кучить тов.
Советэнь праватне киньгак а обижить. Бути эрзятне а кармить эсь юткстост кучнеме Советэв работыцят, сестэ кадык эсь лангузуст пенецить.
| Паро койть. |
Эрзя—мокшонь велитне пек покшт, лиясту городтояк седе покшт. Паксяст васуло. Алашаст аламу. Васуло паксенть сокамс-видимс стака, но эрзятне а думить велистэнть явумс.
Эрзянь—мокшонь семеятне покшт, годявкшныть семиясонть 45 ярцыцят. Покш семея вейцы роботы, виезэ сонзо покш, нужа а неи. Явумс истямо семеястонть пелить, ськамонзо явузь ломанесь карми нужа поцо пищивтимь.
Вишка семеятне пуромкшныть вейцы работамо: сокить, ледеть, пивцыть, эрьва кодат велинь тевть теить.
Эрьва эрзя—мокшонь велисэ тейнить „помочть“ бедной ломаннень. Бедась анцяк вана косо: не помочсэ симить самагондо.
| Сыре тейтирть. |
Манастырьга эрить весимеде ламо эрзянь ды мокшонь сыре и од тейтирть. Но манашкатне веливаяк пек ламу. Улить истят велить, косо сыре тейтиртниде кавксо сядот.
Сыре тейтиртне роботамо а вечкеть, сынь шатыть-азгундить эрьва кува. Веси монастырьтнень якасызь, молить Киевов, Иерусалимев, Саровов. Эрьва ков шайтят эйснест канить.
Эрзянь койсэ свадьбасу, поминыскасу, лемдимасу эрявить андумс веси сыре тейтиртне. Истя покш велисэ эрьва чине мезияк ды годяви: арась свадьба — улить поминкат, поминкат арасть — улить лемдимат. Мези илязо улть, а сыре тейтиртнень секе тевист: ярцыть-семить ды туить кудув удумо. Робота пельдест а кевкснить. Эрямуст шождыне, вадря.
| „Попонь продналог“. |
— Эрзяду паро ломань ней арась — кортыть поптне.
— Мезинь кис кшныть эйсынк? — кевкстия мон ве эрзень.
— Кода сынь а кшнасамизь, — мере эрзесь, — минь попонтень макстам паро мода, антам эйсынзэ племенной айгуронь лацо. Эрзять кандыть тензэ ярмакт, сюро, алт, коцт. Кинь мезизэ ули, сень и канды.
Руз велива ней а пек уж попонтень максыть, а эрзят пандыть „попонь продналог“.
| Эрьва бродяга — эрзянь инязор. |
Сы кодамояк манашка эрзянь эли мокшонь велис и мере: „Мон инязоронть тейтиризы Мария, сынь евтамо тыненк, кода минь эрятам“. Сыре тейтиртне кекшсэзь седе васув, чтобу комсомолецтне авулизь мук, и кармить пурнамо, ки мези максы „инязоронь тейтиринстэнь“. Кода пурны ламине, те „инязоронь тейтирись“ сырги лия велив эрзянень эли мокшонень.
Истят тевть ульнисть Ламбаськи велисэ, Нижегородской губ. Сакшнусь тов тагу кодаму „Мария“. А Ицяло велис, тожо Нижегородской губ., появакшнусь Николай Николаевич. Сон урацькак (кулось) тосо и калмизь сонзо инязоро лацо.
Эрзят-мокшот эрьва бродяганень кемить и кандыть тензэ эрьва месть. Бродягатненень теке анцяк и эряви.
Советэнь правительствась умок уж маштызе инязоронь народонть, а эрзя велива яла появакшныть „инязорт“.
| Эряви автономия. |
Арась ней истяму эрзянь эли мокшонь вели, косо бу а кортавулть автономияду. Кортыть эйстынзэ сякойкс.
— Автономиянть марто кармавтадызь кавто налогонь пандумо — корты сюпав.
