| 26 | ЯКСТЕРЕ ТЕШТЕ. | 3 |
Минь СССР-энь од ломатнэ ютатано кетьте-кец весе мастор лангонь од ломатнень маро, секс карматано праздновамо те чисенть, конась примазь 1915 иестэ Бернской конференциясо. СССР-сэ арасть капиталист, властесь минцинек кецэ, кияк эсненэк од ломатнесэ а обиди, эряви-ли тенек роботамс лия масторлангонь од ломатне маро? Эряви капиталось ощо жив свет лангсо. Эряви тенек ве знамя алов арамс. 1919 иестэ Берлинсэ (Германиянь столицазо) кабаккэсэ пурнаве весе мастор лангонь од ламонень промкс, косой тейсть вейке покш организация. Те организациястень путсть лем „Коммун. Интернац Молодежи“, кона эсь знамянзо алов пурны весе масторонь од ломатнесэ. Те интернационалось работы вейсэ колмоце Ком. Инт. маро капиталонть карчо. 1915 иедэ мейле курок ютыть 9 иеть, кода од ломатне праздновить сынцист праздниксэст. Минь тесэ СССР-сэ праздноватано, кияк эсненек а токи. Лия масторга-жо амаксыть олясто праздновамс
чисэнть. Тосо минек ялгасонок маштыть, тюрьмат пештить эснест. Буржуазной правительствась соды, что од ломанень организациятнэ молить карчост, секс икелей-гак анокставтыть полициясонть маштомо эснест, ну яла теке одломатнень тевест тенст алоткафтовить. 1848 иеде мейле ютасть 76 ие, 1907 иеде мейле — 17 ие, 1919 иеде мейле 5 иеть 76 ие од ломать турить капиталонть карчо. Первой иетьнестэ вейкень апак сода мольсть капиталонь карчо 17 ие ютась кода кармасть содамо сынцист ялгасост и кармасть вейце туреме. 5 иеть ютасть кода од ломатне тейсть эстесть К. И. М. ды кеть-те-кец коминтерн маро прянь апак жаля турить верень потиця капиталонь карчо. Аволь васоло се читне знярдо капиталонть минь прядсынек. Анцяк капиталонть чавозь минь свет лангсо карматано праздновамо эсинек од ломанень праздниксэнть маштумафтомо ды тюрмафтомо.
Е. Губанов.
| Аноkстадо теленень kором! |
| (Месть кортыть агрономтне). |
Эзь шачт сюро значит, скотинатнеяк амезьдэ андамс. Коськсть сюротне, коськсть и тикшэтнеяк. Арась зёрна — арась олгояк. Минь содасынек, что черноземной губерьнятнень эзга сюровидицятне скотинаст эйсэ андыть анцяк ве олгто.
Куть и июлень ковонь пиземетнедэ мейле (Рау лангонь губерньятнень эзга пиземетне тукшныть анцяк июльсто) жниватнень ланга тукшны кой—кодамо тикшине. Но те коромонть эйсэ скотинанть можна уле трямс анцяк покровс, а мейле скотинанть эле миик пеле питьнедо, эле куть печкик сывелькс.
Кой-кона губер-нятнень эзга сюровидицятнэнь теленень скотинань трямс а эре коромост. Черноземной губерьнятнень эзга куть и эрьце кой-кода тикшэ, но яло-теке сюровидицятнень коромост арась чинть маро, скотинанть эйсэ кармить. микшнеме. Микшнить эйсензе пеле питьнеде. А кулакне, раужо кренч лацо афтезь кургонь учить дешува скотинанть.
Миемазо скотинанть, знама, пек чождены, но варчинк сонзэ кодамо рамамозо? Но зыянось оште тень эйсе, что сюровидицятне миить авуль лишной скотинанть, а рабочей скотинанть. Лишной скотина истякак черноземной губерьнятнень эзга арась. Сонзэ прядызь вачо петнень эйстэ ды войнастонть. Прядсок дерей скотинанть хозяистват-как разорява.
Секс эряви стараямс, что кодаяк да а прядомс скотинанть, потому что сон истякак аламо. Куть правительствась стара тень кувалт, те ишо аламо. Эряве эрь вейкенень бажамс седе ламине анокстамс телень кором.
Но месть жо тейнемс, если тикшэтне коськсть, а олго арась? Дайте кунсолосынек месть кортыть опытнэ, конатнень тейнизь коське кизотнень коромонь анокстамонть кувалт:
1. Сюротнень ледемадо мейле эряве жнивантей видеме кодамояк кормовой тикшо эле проса. Июль ковсто безмалов Россиянь келес эрьцить пиземеть. Сексесь черноземной губерьнятнень эзга эрьце кувака и эрьцить, тундонть что розенть ледемадо мейле секс жо модантей можна уле коймезе видемс скотинанень коромкс, например, проса эле яровой вика и лия тикшо. Просань видемазо сех выгодна, потому что сон пек дешува. Видьмексось эряве аламо — 60 шке хунт десятинантей.
2. Можна анокстамс пекше эле лия чуфтонь тенцть. Теемс эряви истя: сексь енов, кода ищо а тюжалгадыть чуфто лопатне керцеме од чуфто таратнэнь, знамо, лопанек и сюлмосемсь теньцтекс. Мейле сынст костямс экше таркасо и тельня андомс эсост скотинат. Мон повняса, минь велацо пекше лопадо андынек тельня ревенэк. Знама, косо арась вирь, акосто уле саемс пекше эле лия чуфто лопатнень. Но косо ламо вирь, дух а эряве сялдомс те коромонть. Сонзо вейсэ пек парсте можна уле трямс скотинатнень.
3. Эряве розь олгонть теемс паро коромкс. Коли сонзо мелкасто керцисак и чефтелгавсак лаки веце, то сон дух а максэ пря товсюро эле лия олгонтей. Значит, розь олгонть эйстеяк можна уле андомс скотина. Но тесэ кой кить думазевить, что розь олгонть эряве ацамс скотина алов.
Скотинатнень алов уле ацамс минень-цюнонь мусор: бурьян, чуфто лопат, конат уш пеерить мадантей, нупонь, коське навоз и лия кой мезе. Скотинань алов ацамксонть кувалт эряве заботямс нейк жо. Те тевенть васов кадомса эряве, потому что сынь телес кенеревелть коськеме парстэ. Постилкатне улест чефтинеть, чтобы седе парсте сотавлизь скотина начконть.
Кой-кона губерьнятнень эзга, косо арась вирь, розь олгонть эйсо кармат андомо скотинат, то пецькась амейсэ уле ушнеме. Но горянтей карме теней пособлямо кооперациясь. Куть телесь ищо васоло, но заботямс уштоманть кувалт ней. Кооперациясь может долкс саеме кодамояк казнань вирьсто пенк и явшомест сюровидицятнэнень.
4. Скотинат улест тельня лембе кардсо, потому что лембе таркасо сон коромонть сэве пек седе аламо. Скотинань кардсо улест яслят, чтобы коромось авуль пеерь скотинатнень пильге алов симдеме скотинатнень ушов а эряве панцемс, чтобы авуль ультенст якшамо.
Эряволь бу уш тенек тонадомс скотинань андомо и коромонь ванстомо, кода андыть лия масторонь сюровидицятне. Улить минек Россиясояк кой-ки ь, конат якить скотинаст мельга пек парсте.
Остатка енов хочу мереме, что тедиде пек стака тенек уле лифтемс тундос скотинатнень. Эрьва сюровидицянтей эряве тень кувалт думазевемс. Эряве нейк жо кармамс заботямо коромонть кувалт, чтобу а истожамс скотинанть.
Истожасак скотинанть — розоряве хозяйстваткак. А хозяйстванть мейле лить-фанть а кепецак.
Сюровидиця.
|
| Месть кортась А. И. Рыков ялгась ачачума иееденть. |
Тедиде пурнатано сюро 2 миллиарт 640 мил. пондо. Мелень сюро ащи запаснэ 150 миллион пондо.
Весемезе-жо Республиканть сюрозо 2 миллиардт 800 мил. пондо. Эрьва эриця пря ланс СССР сэ, коли явшемс те сюронть, токи 20 пондо 8 хунт.
Не 2 миллиардт 800 мил. пондотнэсте эсинек трямс (андомс) эряви 2 миллиардт 700 мил. пондо, 100 миллион пондо кадови миеемс лия масторов. Миеме-жо лия масторов карматано анця сестэ, кода минцинек нужанок ютавсыне. Коли бу улевель эрьва таркасо средней урожай, то май ковонь ловумань коряс, сюронок улевель бу 3 миллитар 400 мил. пондо. Лиси, что минь тедиде кантано асатумат 500 миллион пондо. Тедидень ачачума иесь 4 разт 1921 иеденть и промышленностенек алоткавсы роботамодо. Правительствась лезды месне виезэ саты. 1921 иестэ вачо ащиця лома ланкс ютафтынек 9 цел. 80 коп, тедижо 15 цел. 50 коп. Весемезэ ярмак нолдыне вачо таркатнэнень 70 миллион целковой, нолдыне шкастонзо видимат. Тедидень вачо иенть ютафсыне чождынестэ. Сюронок саты, илядо пельть.
| Рыков ялгась Московсто тусь эсь сельмсэнзэ ваномо и лездамо тевенть ланкс козо эзь чачь сюро. |
| Редакция. |
| СССР-энь хозяйстванть тевензэ. |
| Кода молить тевтне велень хозяйствасо? |
1922 иесте урожайсь минек ульнесь аволь пек паро. Сюро сайкшнинек ¾ часть икелень инязоронть пингень коряс. Весемезе модась видезь ульнесель се исте 58 миллион десятина.
1923 исте 69 миллион десятина видезь ульнесь и сюро сейкшнинек 3 миллиарт 200 миллион пондо. 1924 иесте мода весемезе видезь 80% — 1913 иень видезь площаденть коряс, сюро сайдяно (сведениянь кувалт 2 миллиардт 600 мил. пондо).
| Промышленностенть тевензе. |
1922 и васенце 1923 иестэнть фабриканок заводонок нолдылть фабрично-заводской товар 25% икелень инязоронть пингень коряс. Остатка енов 1923 и 1924 иестэнть кармасть нолдамо 48% икелень коряс. Коли сайсынек отдельна зняро мезе нолдыть фабриканок заводонок икелень коряс, то лиси: уголь 60%, нефть 65%, чугун 14%, мартены 22%, хлопчато-бумажной 49%, понань материя 58%, металлургия 51% (кшнынь-сталень заводопромышленность). Те шкамс минек промышленностенть тресьтнэ яла кансть убытка, а тедиде 1924 иесте максть 30 миллион целковой прибыль (барыш). Кувать минек фабрикатнесэ, заводнесе амеснэ уштомс улнесь тедижо тевтне молить лиякс. 1922 иесте нефть добувакшность 20 миллион пондо, 1923 — 322 миллион пондо, тедиде-жо 322 мил. эряви прибавамс ощо 171 миллион пондо. Ней уж уштумань кувалт апиштевтано.
| Электрофикациянь тевтне. |
1925 иестэ панчтыть покш электреческой станцият:
Волховстрой 55 тыща килловатов, Шатурская — 32 тыща килловатов, Нижегородская — 20 т. к., Штеровская — 20 т. к.
Улить работыця станциянок: Каширская — 12 т. кил., Кизеловская — 6 тыща кил. Строить ощо: Тифлиснэ — 13,000 кил., Ташкентсэ 3,000 кил., Эриваньсо — 3,500 кил., Екатеринбургсо — 6 тыща кил., Ярославльсо — 2 тыща кил. и Ново-Николаевскойсо тыща кил.
Тедиде 1924 иесте первой анця сайдяно барыш (прибыль) 53, 500,000 целковой: государст. промыш. и госкапитал максь прибыль 25 миллион, торговлясь 17 мил., кредитной учреждениятне 10 мил., концессиятне 1.500,000 целковой.
| Каждой чи виемдамо. |
Не цифратнень кувалт неяви, что минь хоть стамбарнэ ды яла виемдяно, стявтано хозяйствасонок пильге ланкс. Пильге ланкс стямонок кода бутим аняви эстенек, ну яла верев куздяно, удалов апотатано.
Велень хозайстванок сти пильге ланкс. Верна тедиде вара опеть минек кундымизь вачо ие, но минек ней ули запасонок и мода апак вить а кадуви. Промышленностенек тожо яла верев кузи. Электрофикациянь тевтне молить икелев. Мануфактура яла дешувалгады. Сонзе ощобу можналь дешувалгафтомс ды хлопкась минек миньцинек арась, савкшни рамамс лия масторсто, а тосо питней, секс и мануфактурась питней.
В. Ильич Ленин мерсь: лия* государстватнева чтобу стявтомс эсь хозяйсваст саильть миллионсо ярмакт лия масторсто, а минек СССР-сэ миньцинек вийсэ весе теинек и тейдяно“.
Е. Г.
