|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 26. | 1 сентября 1924 г. | № 26. |
|
| Волисполкомтнэнень и сельсо- ветнэнень серма. |
Ялгат! Тынь содасынк кодамо чопуда минек эрьзянь велесь. Тынь содасынк зняро вий ощо эряви путомс миненек, штобу эрзятнэнь лифтемс валдо чис. Те культурной тевенть эйсэ васенце таркасо ащи газет. Покш лезэ максы миненек каждой газетэсь. Седеяк покш лезэ максы эрзятнэнень сынсист кельсэ сермадазь газет. Инэзоронь правительствась весе нацитнэнь теикскеленьзэ рузокс, кирьдиль эйсэст чопуда чисэ штобу седе шождынесте улевель управлять сынст эйсэ. Секс инязоронть пингстэ арасельть минцинек кельсэ а кинигат а газет. Октябрьской рево-революциясь* максь весе нациятнэнень свободной эрямо чи. Советской властенть пингстэ кармасть весе нациятнэ сынсист чаркодевикс кельсэ тонафтомо пакшатнэнь (эйкакшнэнь) школава, сынсист кельсэ кармасть нолдамо газетат, кинижкат. Анцяк истямо ки ланкс лисезь, миненек, Союзной республикасанок, весэ нациятне теевить седе курок культурнойкс. Весе нациятнэнь эсист кельсэ нолдазь кинигатнэ, газетнэ молить пек парсте, ловныть эйсэст эрьва кудосо. Анцяк эрзятнэнь ды мокшотнэнь тевест молить беренстэ. Минек кельсэ ней лисить ламо газет, но не газетнэнь ланкс пек аламо подписчикть. Эряви волисполкомтнэнень, сельсоветнэнень те тевстэнь кундамс. Эряви первойгак серматстомо (выписать) эстэст газет. Ней прайительствась максь распоряжения, штобу киненьдяк стяко (безплатно) газетат а кучомс. Те шкамс (те порас) волостнень эзга газет „Якстере-Теште“ кучнильнек стяко (безплатна). Ней октябрь месецень сазь волисполкомтнэнень и сельсоветнэнень газет кучомо акарматанок. Сермадост весе волисполкомтнэ и сельсоветнэ эстест „Якстере-Теште“ ды лия эрьзянь-мокшонь газет. Максодо пример весе эрицятнэнень, толковадо, кодамо лезэ (польза) канды газет эсинек кельцэ сермадозь. Пособляк эрицятнэнень подпискань сермадомо, толкувак кода выписать газет, ков кучомс ярмак газетанть кис.
Коммунистической партнень кемголмовоце (13) промксось мерсь, штобу эрьва кемень кудос улезэ вэйке газет. Партиянть мелезэ эряви ваномс ды теемс.
Весе дружнасто, ялгат, кундатанок те тевентень ды вейцэ весе вийсэ карматано эрзятнэнь лифтеме культурной эрямо чис.
| Ком. партиянь Централь- ной комитетэнь эрьзянь- мокшонь секциянь |
| Секретарь Баранов. |
| Редактор „Якстере-Теште“
Глухов. |
| Промкось ёфтасы эсь валозо. |
Недлянь трокс 7 сентября Московов прумить эрзянь мокшонь тонафтыцят, учителть. Сынст икеле ащить ламо покш тевть, конатнэнь кувалт сынянст сави ефтамс эсист валост. Минь весе лия вишкине нациятнэде кадовинек пек удалов.
Саемс чуваштнэнь эли марицтнэнь. Сынст умок уш школаваст тонафтыть пакшатнэнь эйсэ эсист кельсэ. Революциядо икеле вишкине нациятнэнь татардо башка киндяк эсист кельсэ арасельть а кинигат, а газет. Сынст ламо улить учебникест, школаваст улить сынсист учителест. Минек ютксо тевесь ащи лиякс. Эрзятнэнь ютксо те шкамс (те порас) улить ощо истят превтеме ломанть, конатне молить эсинек кельсэ тонафтуманть карчо. Прумксонтень эряви превс совавтомс истят ломатнень. Тень кувалт эряви ефтамс эсь покш валозо.
Арась минек эрзя-мокшотнэнь ютксо лац кортамот се тевенть маро як-зняро иеть (год) эрзянь-мокшонь пакшатнэнь (эйкакшнэнь) эряви тонафтомо сынсист кельсэ. Веенст мерить вейке ие, лият кортыть кавто. Конатнэнь превсэ эрзянь кельсэ паро ды полезна маряви тонафтомо васенце ступенень школатнэнь эзга. Омбонст мерить эсинек келенть а эряви кадомс омбоце ступенень школатнэнь эзга як. Истят сякой кортамотне прумксонть маро прядовить. Прумксось ней ефтасазо эсь валонзо зняро иеть эрзянь школатнэва эряви тонафтомс эрзянь кельсэ.
Минек велть пек берярнстэ ащи тевесь учебниктнэнь марто. Эрзянь кельсэ улить анцяк кавто учебникт-букварь „Тундонь чи“ ды Васенце иень тонафтума задачникь. Зняро жо книгатнэде мокшонь кельсэ як. Тонафтыцятнень прумксось ней ефтасазо эсь валозо зняро ды кодат эрзянь школатнэнень эрявмо кармить кинигат.
Эрзянь мокшонь школатнэнь эзга пек аламо эсинек учителенек. Косто сынст муемс, кода анокстамс? Московов пурнавозь тонафтума тевень роботниктнэ те тевенть парсте арсесызь ды муить май косто миненек таргамс эрзянь-мокшонь учителть и кода седе парсте путомс тевенть педтехникумтнэнь эзга, штобу седе курок анокстамс эсинек эрявикст пакшань тонафтыцят.
Ней варштадо кода тевесь ащи покш седе сыре ломатнень марто, конатнэ школас тонафтнеме овсе эсть яка, ловномо сермдомо а маштыть. Те тевенть эйсэ мезеньдяк паро а нейдянок. Эрзятнэнь-мокшотнэнь юткова истят ломатнеде велть пек ламо. Эрзятнэнь ютксто сядо ломаньстэ стака муемс 10 ломанть ловномо сермадомо маштыцят. Эрзянь-мокшонь аватнэнь ютксто седеяк ламо неграмотнойть. Эряви сынст веси тонафтомс. Учителень прумксось арсисазо (думасазо) ванусазо те тевенть и муи ки весе чопуда эрзятнэнь ды мокшотнэнь тонафтомс ловнума тевс, штобу Ленинэнь валонзо коряс Советской властень кемеце юбилеентень иляссо кадовт вейкэ як ловномо а маштыця ломань.
Ламо покш тевть ащить эрзянь-мокшонь учителнэнень прумксонть икеле. Кадык эрьва (каждой) Московов кучозь делегатось арсесынзэ (думасынзе) парсте не кевкстиматнэнь штобу тей прумозь весеменень дружнасто тееме тевенть ды ефтамс эсист покш виде кеме валост эрзянь мокшонь ютксо тонафтума тевенть кувалт.
| 1924 иестэ 1000 — 1925 иестэ 5000 сестэ анця те- венек карми молеме лац (вадрясто). |
Ялгат коммунист, комсомолецт, сюровидицят, учительть, велесе чопудань паниця ломать, ки тынк эйстэ мери, что миньцинек кельне сермадозь газет, кинижкат алездыть тынэнк велестэ чопудань чинть панеме? Весе мерьдядо, что ки истя арци, се арци аволь Ленин ялганть лацо. Ленин ялганок мерсь тенек истя: „Газетат, кинижкат ловнозь, анцяк эрьва паро тевс тонафлезь листяно берень эрямосто ды апак пупорькшне карматано строямо коммунистической общества мездеяк а пак пельть карматано эсинек тевень кис ащеме“. Минь эрьзят мокшот валонзо маринек, ды тожо стамбарне тейдяно Ленинэнь ушодозь тевсэнзэ.
Лисить свет ланкс эсинек кельце вете газетат; „Якстере-Теште“ , „Якстере Секция“, „Од веле“.
И лият.
Улить минек ютксо истят ялгат, конат парсте ощо эзизь сода газетатнэнь лезест, конат газетань тев ланкс ваныть сур юткова. Минь стуфтынек эсинек задачанок конат мерить: „Велесе советской тевень теицяньтень эряви каждой чи месне ули лездамс газетас: сермадумасо велень эрямодо, газетань ланкс, серматстумасо. Минек лангсо ащи покш тев — газет ланкс серматстума тев. Яла учутано киньбути пельде те тевенть теиманть. Ки карми миненек лездамо коли минц эсинек туртов мезеяк атейдяно.
Арцемс, теимс эстенек эряви.
Те шкамс минь амарятано кинь пельдеяк: молить ли мельц газетатне велесе сюровидицятнень, мезе мельць атукшни кодамо тосо асатумазо, мезе эряви теемс, чтобу асатуматнэнь витемс. Можот газетатнэ мелькс атукшнить, ламо асатумат тосо — минь тень кувалт мезеяк асодатано, коли миненек тень кувалт мезеяк асермадыть. Конат можот-бу сермадовольть мездеяк, ды виздить — беренстэ сермадыть. Илядо висть. Сермадодо тесе, витсинек и нолдасынек Эрьцить велесэ берень тевть. Не тевтнень анця газетат прядсызь. Эряви сермадомс, а нузялдомс. Улить пелицят сермадомо газетас берень тевде. Тень кувалт редакция мери истятнэнень: „Сермадодо эстедест, таргадо эснест трудиця сельме икелев. Илядо пельть токамодо. Редакциянть улить праванзо, конатнэнь кувалт, сермадыця газетас ялганть обижамонь кис соды ков молемс ды мезе ланксонсост теемс“.
1924 иестэ 1000, 1925 — 5000.
Коли газетанть лезезэ нейсак, — кармат бажамо ваномо кода моли подпискась лангозонзо, зняро лиси эстедензэ, ды кундат серматстума тевс лангозонзо Те шкамс минек газетась „Якстере Тештесь“ каждой нумерэзе лись 1000. Под-
