|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 20. | 15 июля 1924 г. | № 20. |
| Тандадомс а эряви. |
Рав (Волга) чирева губернятьнень эйстэ кармасть тей сермадомо, што сюротне кармасть коськеме, пиземеть нейгак эще арасть. Скотина дешевалгаць, сюро питнейгаць, а народонь кедть—пильк новольсть, таго пелить сы манынь вачо годось.
Вернасто мерсь вейке эрзя ялга тень кувалт:
— Тандавтозь варака ципокадояк пели.
Тевесь аволь уш истямо страшна, кода ефнесызь. Московсо ули комисия, кона уражаенть кувалт пурнась точной сведеният таркасто, конань парсте проверил.
Тедиде весе республикаванть сюро пурныть зняро жо, зняро ульнесь меля.
Чи валгума и Россеень кунчкава губернятьнень эзга сюротне пек паркстомсть. Молить пиземеть. Сюро видезь мелень коряс больчи.
Сюронь асатомадо пелемс аэряви. Тедиде минь мелень коряс эще больше карматано миеме лишной сюро лия масторов.
Анцяк Рав чирева и обед пеле губернятнень эзга аламодо акарми сюрось эсьтест сатовомо. Весимезэ неурожайсэ захватязь вете миллион пель марто миллон десятина сюро. Те моданть ланксо эриця весимезэ 8 миллион ломань.
Те народонтень Советской правительствась карми лездэме сюросо, видьмесэ и ярмаксо.
Неурожайной таркатнень эзга народ пек тандаць. Кармасть микшнеме скотинаст. Народ думи, што голодесь ули манынь коньдямо. Правительстванть акарми сатомо таго виезо и улить вачодо куломат.
Маны 1921 иестэ вачодо кадовкшность 26 миллион ломань, неурожайсэ захватезь ульнесь 21 миллион десятина сюро. Сестэ минь анцяк оделынек войнанть. Хозяйстванок ульнесь совсем каладозь.
Ней тевесь совсем лиякс ащи. Сибирсэ, Киргизиясо, Уральской облостьсэ и чи валгомо пеле губернятнень эзга уражаесь ули паро.
Россиясо ней пурназь ламо сюронь запас. Те запасось саты од урожайс. Пелемс а эряви.
Если кепедевсть питнетне сюро ланкс, те лисць секс, што народ пек тандаць.
Неурожайной губернятненень кучозь уш ламо сюро, штобу дешевасто микшнемс и акастамс питьнетнень.
Сексня тов кучомо кармить озиминь видметь.
Весимезэ кучить 6½ миллион пондо видьме.
Кармить нолдамо тов ярмак, штобо помогамс беднойнень.
Государства карми соньць рамсеме сюро, штобо дешевасто микшнемсь неурожайной губернятнень эзга. Кармить рамсеме скотина штобо иляст пра питьнетне.
Кооперативнень кармить нолдамо ярмак долкс, штобо сон кармаволь рамсеме сюро и миевель населениентень алка эсинзэ питьнесэ.
| Пелемс а мейсь и а мезде. |
Рав чирева губернятне светстэ кармась некшнеме неурожаить. Аламот эрцить тува пиземеть Ташто сюро видима койсэ тува курок а видсак хозяйстват. Эрявить ташто койтне кадомс. Советской правительствась пурнась истямо комисия, кона карми арсеме кода седе курок туемс од койс. Кармить кучомо тов аграномт. Нолдыть кредит, штобо народось седе курок кадовлинзе ташто койтнень.
Советской правительствась стараи аволь анцяк тедиде лифтемс Рав чирен эрицетнень не урожайстэнть, но лезды кода бу мейле иетьненьгак иляст уль голодть. Анцяк миньстенек аэряви молемс агрономонь и тонавтозь ломанень карчо. Кадомс курокине ташто койтнень и кармамс видеме—сокамо, кода тонавты наука.
А тедидень неурожай денть тандадомс а эряви.
| Мекс налогонть саить весе пашненть коряс, а воль анцяк видезь моданть коряс. |
„Беднота“ газетань редакцияв сюровидицятне кучсть сермат. Сынь пенецить, что государствась саи налогонть авуль истя, кода бу эряволь.
Сельской хозьйствась войнатнень марто разорявсь, а кепедемазо сонзо пек стака ды еще налогоськак пек покш. Сынь кортыть истя, что налогонть эряви саемс аволь весе модань коряс, а анцяк видезь модань коряс.
Сыненст отвечить истя:
Тедиде путозь налогось доходонь лангс ванозь, конань саи сюровидицесь хозяйстванзо эйстэ, моданзо эйстэ и скотинанзо эйстэ.
Ве районцо сюрось седе шаче — доходоськак седе ламо, омбоцесонть седе беренястэ — доходоськак седе аламо.
Но доходась ашти авуль анцяк ве урожайсонть. Эряви содамс, кодамо губернясо седе питней сюрось. Если сайсынек Архангельской губернянть, то тосо куть урожаесь седе берень, но сюронь питнизэ 1 р. 50 .к. Пензенской губернясо урожаесь ули седе паро, а сюронть питнизэ 60-70 коп. Вана мезе лангс ванць государствась налогонь путомсто.
Если налогонть саить хозяйствань доходонь коряс, то куть весе моданть коряс, куть анцяк еокафтонть коряс, разница кодамояк арась. Нефняно пример.
Сайтям кодамояк район. Доходонть коряс эряви пандомс тенст 10.000 (кеминь тыщат) целковойть, видезь модаст 4.000 (ниле тыщат) десятинат. Если налогонть ладямс видезенть коряс, то десетинанть кис эряви пандомс кафто пель марто целковойть. Сайсынек, что весимезэ модаст 10.000 (кеминь тыщат) десетинат (видезь и апак виде), то десетинанть кис эряви пандомс вейке целковой. Те примерэсь невте, что кодамояк разница арась.
Налогось путозь эрьва райононть лангс истя, косо кодамо хозяйстваст. А если Россиянь келисэ налогонть сайме вейкецтэ, то сестэ, кой—кона райононть можна уливель обидямс. Чтобу а обидямс те эли тона район ось государствась путызе налогонть хозяйствань доходонь коряс, а авуль видезь эле апак виде модань коряс.
Сюровидицятне тесэ могут мереме истя: если разница арась, то мекс жо налогось путозь авуль видезь, а весе моданть коряс? Тень лангс ответ ульнис уж авуль весть. Посевесь те иестэ зняро, а сы иестэ седе ламо эли седе аламу. Ломанесь может сюронть седе ламо видемс, а государствась овсе а стараи, чтобу старательной ломаненть пельде седе ламо саимс налогонть. Весе моданть ловноманзо седе шождыне, наделэнть эрь вейке содасы, улить даже документ, кона веленть мельга зняро мода ашти.
Если налогонть саить весе моданть коряс, то ломанесь карми стараямо видеме веси моданть, налогось сень эйстэ а касы.
Вана мекс налогось путозь веси наделэнть лангс, авуль анцяк видезенть лангс. И еюровидицянень и государстванень паро.
Шишкин.
| Лия масторга. |
| Кода молить тевтне Англо - Советской kонфе- ренциясо. |
Англия веши Советской делегациянь пельде, штобу сынь пандувлизь икелень инязоронь долгтнень.
Минек делегациясь а согласи.
Англиянь буржуень газетась сермады, что если хоть Англия а согласи Советской сторонась долгс тавар максмо, то ведь Советской сторонась синстеместак эрямо карми, лучши стараядо согласямо.
| Германиясо буржуазия требови нолдамс kомм. партиенть, значит маштомс |
4 июля Берлинсе (столицаст Германиянь) полиция тейнесь обыск везде косо эрить коммунист, штобу только кодаяк маштомс коммунистической парненть.
| Турциясо россиянь белогвардеецнен панить. |
Турциясо россиянь белогвардеецнесе панить. Газетаст сермадыть, што не бояртнэ аволь подданнойть Турциянень, аволь С. С. С. Р. Турция минек маро (С. С. С. Р.) эри дружнасто и белогвардеецнень мери: если хотите ульме советской ломанькс, то азюдо тов, а не конатне не хотят молеме С. С. С. Р., то ков хотите азюдо.
