| 2 | ЯКСТЕРЕ ТЕШТЕ. | № 19 |
| Эрзят! кооперативсэ вий. Сон касы копейкасто. Пурнадо копейкатнень, ка- студо те виинть. |
неде 1½ милион ломань. Если сайсынек, что эрьва семиясонть ульнесь 4-5 ломань, то ито кооперациястонть рамсилть товаронть анцяк 7-8 миллион ломать.
Войнанть остатка енов кооперациясто кармасть рамсиме товаронть 40 миллион ломань. Цыфрась куть и покш, но ведь минек Россиясо сестэ ульнисть 160 миллион ломань. Значить, 120 миллион ломань рамсилть товар купецтнень кецтэ.
Да ведь икеле кооперациянть лангс кооперативной роботникне ванцть авуль истя. Ленин ялгась сынст лангс пек пеетькшнэсь, что сынь, кода властесь еще ульнесь буржуазиянть кецэ, кооперациянть трокс хотели пачкодеме социализмантень. Но большевикне истя эсть дума. Большевикне анцяк кооперативной рабутанть пользувизь, как легальной политической робутакс.
Но кода властенть саизь бсльшевикне эсь кедезэст, сестэ Линин ялгась мерць, что ней кооперативной роботанть эряви кепедемс парстине. Ней, кода властесь минек кецэ, кооперациянть трокс можна пачкодемс социализмантень. Секс и 13-й партийной с’ездэсь и икилень с’ездтнеяк пек ламо те тевенть кувалт кортасть.
Но тевесь аште авуль овсе пек парсте, потому что сюровидицятне сынць а стараить. Если сайсынек Центросоюзонть, то сон 1921-22 иестэ мись товар 306 миллион целковоень питьнесэ, а 1922-23 иетнень уш 496 миллион целковоень питьнесэ, 190 миллион целковойдо больше.
Сельскосоюзось 7 ковс 1923 иенть мийсь 7 миллиононь питьнесэ.
Неяви, что тевесь пек икелей моли, но те еще аламо.
Если сайсынек Каменев ялгань докладонзо 13-й партийной с’ездсонть, то несынек, что оптово-розничной торговлясь государстванть кецэ анцяк 26%, кооперациянть кецэ 10%, а частной торговецнень кецэ 64%.
Те тевесь уш пек лавшо. Пек седе паро уливель, если государстванть и кооперациянть кецэ уливель 90%, а частной торговецнень кецэ анцяк 10%, эле седе аламо.
Тень эйсэ еще велень кооперациянть тевинзэ а прятсынек, если а макстам дешува товар, если сюровидицянть тейсынек фабрично-заводской товаронь рамсицякс. Ведь минек Россиясо 75% народось ветить сюровидимань хозяйства. Значит, потребительской кооперациядонть башка, эряви теемс седе ламине сельскохозяйственной-производственной кооперативт.
Мекс бу а теемс кооператив, косо бу видьневелть ве картуха, лияназ (лён) эли лия кой мезе. Можна теемс кооператив, косо можна уливель видемс и сюро и эмеж.
Кооперативтомо хозяйстванок колияк а кепидиве. Анцяк вейсэ робутазь минь курок стувсынек неть голод иетнень, конат иень ютазь эрийть Раунть чирива.
Секс икелей-гак эряви стараямс партийной ячейкатненень, волостной и сельской советнэнень, чтобы те Международной кооперациянь празникенть ютафтомс седе парстине, чтобы сюровидицятне парстине чаркодевлизь те праздникенть и чтобы те праздниктэнть мейле ве сюровидицяяк авуль уль, кона бу авуль сова кооперативс.
В. Ш.
| Эрзень губсовещания. |
18—19 июня Лукояновасо Нижегородской губ. пуромкшнось губернской партийной эрзень совещания.
Совещаниясо ульнисть представителть: Арзамазонь, Сергачень, Лукояновань, сакшность Нижнойсты и Московсто. Весимезэ представительтне ульнисть колмонь кеминь ломать.
Кортасть партийной и советской строительствадо, кооперациядо, народной тонавтнима тевде.
Совещаниесь ютась пек парсте, весе резолюциятнень примасть ве вальгийсэ.
Ульнисть и руст. Инспектор ОНО Зимин ялгась мерць, что эрзень-мокшонь школава эряви тонавтума тевесь ветямс родной кельсэ, что сон несь, кода кепидсь тевись сеть школатнень эзга, косо улить учителть эрзят и тонавтыть эрзякс.
Веси ялгатне ве вальгийсэ кортасть, что эрьва учреждениява, косо эрить эрзят руз марто човор, эрявить аравтомс истят ломать, конат маштыть кортамо рускс и эрзякс и чтобу эрзень келенть теимс равноправнойкс руз келенть марто.
Горбунов.
| Ават! Марятадо? |
| (Вишка Толкай Бугурусл. уез. Самарск. губ.). |
Июнень 22 чистэ миник ульнись авань собрания. Пуромсть аватне, ойсисть, кунцулыть, месть кортыть тенст икилень авань эрямонть эйстэ, кода сонзо ломанькс эсть путне, кода сон кудонь моргодо и мирдинь кулакто башка мезияк эзь нек анцяк трясь-ванць эйкакшт ды роботась алаша лацо.
А тесэ, сынцист собраниясо, сынь маризь кодат прават тенст максь советской властись и кургост пеедизивсть, кода маресть: „Ней ава истямо жо ломань, кодамо и цера. Аватнень праваст истят жо, кодат и церань. Дайте же ламине лезы сайтям неть праватнень эйстэ! Эли минь сельсовецэ а маштам кортамо? Эли судсо эсь кисынек вал а евтави теник? Месть ино ванат, эрзя
| Кооперативень члент! ускудо мель- ганк аватненьгак кооперативс. |
ава? Дайте карматам роботамо сельсовецэ, тевинь ветямо кооперативсэ и ащиме судсо обижезь авань кис“!
Собраниенть прядызь „интернационалонь“ моразь. Чамаст кувалт неяви, что те лангсо сынь а лоткить и ламо раз пурнавить еще, ламо тевть кармить теиме.
Тукшность аватне кудова и кортыть:
— Те вана лац! Савань Трошань Артипинь Васянь козийказо — делегатка и мирдинзэ марто сельсовецэ ве столь экшсэ карми ащиме. (Савань Трошань Артипинь Вася миник сельсоветэнь председатель).
— Вана так Тася, вана так мокшонь цера! Ладна невтиде теник кинть, минь сонзо а кацынек!
Тася — работница ава ютксо, а мокшонь цера — московонь студент Петров. Покш спасиба сыненст и од тейтертненень, конат паньжизь сельмест миник аватнень.
Стива комсомолец..
| ВЕЛЕНЬ СЁРМАТ. |
| Нолдасть эрзень учителть. |
М.-Толкаевский (Самарск. губ.) мордовский педтехникум июнень 16 чистэ нолдась 11 эрзень-мокшонь учителть, конат тонавтнисть тосо 3 иеть.
Эрзень од цератне пек дружнасто тонафтнисть. Заведующеесь и учительтне весе эрзят. Месть ученикне рускс а чарькуцызь, учительтне эрзякс евтасызь Ламо ученикнень эйстэ якилть школав карьцэ и эрзень понкс-панарцо.
Педтехникумонть улить колмо алашанзо ды 17 десятин посевезэ. Весе тевтне молить парсте, анцяк Бугурусланский УОНО веши сонзо поладмонзо рузонь педтехникумнень.
Петров.
| Те седе дешува. |
| (Михайловка веле, Стерлит. уез., Башреспублики). |
Маинь 22 чистэ сась велизынек Дедовасто фельдшер. Фельдшарусь од, анцяк аравтызь ташто докторонь таркас, кона пек питнийстэ саиль лекарствань кис.
Председатель кучизе десятскоинь евтниме ливксынь путомо. Аватне мольсть эйкакшост марто. Народось пуромсь ламо: кона ливксынь путовтомо, конань маштыкс тапи.
Од фельдшарусь, тов. Большаков, ливксынь путмань кис сайсь конань пельде кемень алт, конань — кеветие, а маштыкстэ порошкатнень микшнись по 2 фунта ой эрьва порошканть кис.
Мольць тензэ вейке красноармеец, кона 4 иеть служесь красной армиясо и анцяк те инечистэ сась кудов. Сонзо боказо сэреде. Ванызе сонзо Большаков ялгась и мере, что лекарстванть питнизэ улиме карми омбоце пель-пондо товзюро товт.
Вана, ялгат, кодат улить миник роботникть!
Кона неизе.
| А монь а сонзо. |
Ташто Дема велисэ эресть Микишкань Пета атя бабанзо марто ды цераст Дрига атят-бабат. Кулось Дрига, мельганзо кулось авозояк. Пета атя сайсь од козийка. Дриганиза эзь ладя, явсь. Зняро тензэ сатоць парочись, — саизе и тусь. Курук Пета атяяк кулусь и кадувсь кудунтень ськамонзо од авась — Петаниза.
Кортызь ломать Дригань козийканзо, что наследствась сонзо, сон и совась мекив кудунтень. Пета баба максызе тевинть судс и судусь судизе веси парочинть сонензэ. Ваны Дриганиза, что сонензэ тестэ туимс эряви и мере:
— Коли истя, так а монь а сонзо улизэ кудусь.
Кармавтызе тейтиринзэ 11 иесэ кирвастимензэ кудунть. Те пожаронть эйстэ палцть: 43 кудут, 45 кардазт, 4 утомт, 2 одиньят, 10 сюва кардот ды одинька пиреть.
Палыця ломатне получесть страховка. Сынь максть агентнэнень подписка, что кудутнень кармить ней вельтниме кона кшнисэ, кона тёссо, кона олгсо сёвонь марто, а стенатнень кавто пельде ваднимс сёвоньцэ.
Пароль бу тейме истя, те уливель бу миник велисэ од тев.
Сынцист велинь ломань.
| Сибирстэ сермадыть. |
| (Тавла веле, М.-Песчанской вол., Томской губ). |
Минек велисэ эрить ванькс эрзят. Васня покштянук эресть Россиясо Пензань губернясо. Сибирив тусть уж сядушка ие. Минек велинть марто ряц ашти руз веле Высокова. Высоковасо ули церькова, а Тавласо арась. Эрзетне, конанень тейме а мезе, якить озномо Высоковав (миник лацо „заречкав)“.
Велисынек улить истят ломать, конат грешить самогонкасо, а мейле грехест кис церьковасо озныть. Истятнэ: Юхань Дрига, Мирункань Вася ды Оскич Марка. Те „троиценть“ аравтызь церьковной советс. Теке жо „троицесь“ 1923 иестэ думась попонтень рамамс кудо. Пурнасть велеванть попнинь кудо лангс сюро. Тавлань озныця ломатне кармасть дружнасто пижниме: „рамама Васькань кудонть, сон покш, колмо горницянзо, попонтень пара ули“.
Од цератне ды красноармеецнэ кармасть пижниме озныцетнень карчо, мереть — эряви авуль попонь кудо, — школа эли больниця эряви велинтень.
Кудонть все-таки рамизь. Максть кисынзэ 200 пондо рость, а остаткат 200 пондо мейле.
Недлень ютазь попонть оштрафовали 100 целковой лангс апаро тевинзэ кис. Церьковной советэсь кадувикс сюрунть (200 п.) салава миизе ды давай попонть идиме.
Истя те „троицесь“ велявты общественной тевтнень, стараи попонь кис. Эйкакшунок школавтумо дуракукс касыть, туво мельга палкасо ертнить.
Истя школань таркас велинь сявдикс лангсо ашти поп.
Кавто красноармеецт.
| Сермань парго. |
| Середнякнень. (Тихоновка веле, Бугульминск. кант.). |
Ялгай, кода беднойтне и вачодотне микшнесть кудост эйсэ пельпондо сюродо, сестэ аволь анцяк аварсть, но и вачодо кулость. Если ней аламнешка певерьди сельветь сюпавось — ничего. Кевкстеде сельсоветстэ или волисполкомсто тень кувалт центральной комит. постановления.
Бодриков. И. Е. (Кельдюшево, Лукьян. уезда).
Коли ащить тосо кудонк, пиретьне тынк. Хотя можот колмо годонь срокось эзь листь эще, но тынь веть пиретне ланксо эрятадо. Максодо заявления земельной комиссияв. Кода судясызь тевенк, сермадодо тей. Суд а ваны, ки коммунист, а ки авуль.
Берень тевень кис киньгак а жалить.
| Издатель: Центр. Издательст. Народов СССР. |
| Ответственный редактор: |
| Т. Васильев. |
| Главлит № 20.013. Москва. | Типография «Красный Восток» Никольская, № 10. | Тираж 1000. |
