|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 16. | 10 июня 1924 г. | № 16. |
| Кооперация — велинь вий. |
Кемколмоце партиянь промксось мерсь — эряви велева седе парсте путомс кооперативной тевенть. Эряви теемс потребительской, кредитной ды лия кооперативт. Ней велева покш вий кармасть саиме частной микшницятне ды кулактне. Сынь беднойтнесэ кармасть уж кеместэ лепштамо.
Шкань апак нолда сынст марто эряви бороцямс. Тулкадемс частной микшницятнэнь ды кулактнэнь можна анцяк кооператив марто.
Берянстэ ащи кооперативтнэнь тевесь эрзятнэнь юткова.
Эрзятне икеле кооператив лангс ванылть берянстэ, — нейгак сынь те тевенть лангс ваныть яла ощо аволь пек парсте. Мезень лезэ максыть кооперативтнэ крестьянтнэнень ламо кортамс теде а сави. Парсте путозь потребительской кооператив мии частной лавкатнень коряс седе дешувасто ды седе паро товар.
Сельско—хозяйственной велень кооперативтнэ теить прокатной пункт, косто сходна питнесэ нолдыть велесэ нуйма, видема, ледема машинат. Можна ули беднойтненень как вейце пурнавозь сайме кооперативстэ долгс эрявикс машинат. Или вана сокамо шкане вдруг кодамояк атянь юми алашазо, — ков сонензэ сестэ молемс? Кулакнэнь пшкадемс — сон весе пря кедеть мейле лутасы. Улиньдерей велесэ кооператив, — кредитной товарищества — тосо те атянть идясызь (выручать). Максыть сонензэ долгс ярмакт лишмень (алашень) рамамо.
Покш лезэ велентень максы кооперация, анцяк эряви кооперативтнесэ парсте важодемс. Эряви кочксемс тов паро честной ломатнень, конатне бажаволть бу велень тевтнень кувалт. Эрзень велева весе коммунистнэнень, комсомолецтнэнень, весе сознательной бедной эрицятненень эсь кедезэст эряви саемс кооперациянь тевенть. Анцяк кооперация марто куроксто лиси велесь бедной чистэ, анцяк кооперация максы миненек вий седе курок одкс мазыстэ тейме эрямо чинек.
Глухов.
| Кода минеk уездсэ молить партийной шефне* эрзя ютkова. |
| (Бугурусл. у. Самарской губ.) |
Весимезэ минек уездсонть ульнесть коммунистныде 1923 иесто 406 ломать. Эйстэст эрзят 71 ломань, чувашт 19, татарт 18 ломать ды разной лия народонь 23 ломань. Тень коряс лисни, што эрзятне цыфрань коряс ащить омбоце таркасо, а тевень кувалт ащить весемеде удало.
Уездной Партийной Комитетсонть чувашунь ды татарунь секцият, а эрзень арась секцияст. Вот мезень кувалт эрзетни кадовсть весимиде удалов.
Ней марцеви, што Уездный Партийной Комитетсэ думсить аравтомо эрзень работник.
Аздан аравтыть эли арась. Тесэ кона-кона корты, што эрзя юткова а эряви меньгак особой партийной робота. Эрзень газетэсь совсем аэряви, сон меньгак паро эрзенень а теи.
Истя кортыть сетне, конат совсем явовсть эрзя ютксто ды кона не тефне эйсэ мезеяк а чарькоди. Сынь наверна эсть ловно, кода коммунистынь партиясь ваны те роботанть ланас.
Коли минек уездсэнок ламо эрзят, то зряви ветямс ютксост робота, штобо эрзетне седе курок лисест чопода чистэ и содаволть, кода русст.
Думить эрзень педтехникумонть саемс Вишка-Толкайстэ ды кепидемс Бруслан городов.
Анцяк истя тевесь лиси, то ули пек ен.
Эрзя ялгат, пурнаводо вейс ды кармадо парсте роботамо эсь народотк юнксо.
Губернской Эрзень Секциянтей ды Московсо роботыцетненень умок уж эряволь тень кувалт сырксемс. Зняро иеть уж ютасть.
В. А. Платонов.
| Эрзень кооператив — теиде подписка эрзень газет лангс.
Газетась ведь тыненк лезды робо- тамо. |
| Лия масторга. |
| Китай. |
Маинь 31 чистэ Китаень правительствась признал миник законной правительствакс.
Советской правительствань пельде кучозь ульнись Карахан ялгась, кона и кортась мартуст те тевинть кувалт.
Омбо масторонь представительтне эрьва кода мешесть тевинтень. Сынь апак висть грозесть Китаинтень и сех пек грозесь Америка. Сынь истямо тевс мик почколисть, что макснисть ярмакт газетэнь редакторнэнь, анцяк бу сынь сёрмадост советской властенть карчо.
Но кода сынь эсть бизмулгалик — сынст лацо эзь теевть. Пустас пижнисть. Китаинь правительствась ки лангскак эзь вант, кидияк эзь пелть. А чтобу кияк аволь мешан — кортасть салава Карахан ялганть марто. Иностранной представительтне эсть содаяк, а кода сынь маресть теде — сестэ уж тевесь ульнись теезь и коневось сёрмадозь.
Но буржуйтне те лангсо а оймить, сынь барышнень кис пряст повасызь, а уж те тевенть истяк а кацызь.
| Румыния. |
28 мая Румыниень столицасо теивсь пек покш взрыв ды пожар. Палсть весе военной складтнэ, юмасть весе снарядтнэ. Бедась теивсь пек покш: юмасть 40 миллион снарядт, палсть весе казарматне, ружиетне, весе продовольствиесь и весе обмундированиесь, конань эйстэ ульнисть 150 вагот.
Румыниень газетнэ мереть, что румынской армиесь пелезэ кадувсь ружиявтумо, снарядтумо ды одижавтумо.
Ки пултынзе военной снарядост ды обмундированияст, — знярц кияк а соды.
| Эрзень тонавтыцетниненьгаk истя теима. |
29 мая Московсо, Красной площаденть лангсо, Ленинынь кальмунть икиле пуромсть весе Московонь народной тонавтыця роботникне. Ульнисть эйстыст 15 тыщат. Пуромсть сыньте калмунть вакс, чтобу венстимс кедест робочейтненень, чтобу меремс сыненст, что ней просвещениень роботникне арыть робочеень вакс и мартуст туить коммунистической партиень мельга, что весе виест пуцызь народонь тонавтома тевентень.
XIII коммунистической с‘ездэнть пельде мартуст кортасть: Калинин, Каменев, Луначарский, Лашевич ды Петровский ялгатне.
Сынь картасть, робочейтне радувить сенень, что учительтне вейсэ коммунистической партиень марто кармить служамо народонь тонавтома тевинтень. Сынь кортасть, что робочейтне а кармить ванумо ингильде пельде учительтнень лангс, что сынь кундасызь венстезь кеденть и тожо кармить лездыме сыненст. Неть ялгатне мерсть, что партиесь соды учительтнень берень эрямост эйстэ и что ней сась шка витимс те тевиськак.
Учительтнень ламо тевист и покш, стака тевист. Ведь аэряви стувтнемс, что пеледест ламо эрзетниде неграмотнойт. Но манифестациесь невте, что — учительствась моли партия марто и те стака тевись изняви партиентень учительстванть марто.
Эрзят учительть! Илядо кадовт Московонь учительтнень эйстэ, тыньгак евтадо вал, чтобу тынккак вальгиинк марявлизь. Мон тердян эйсынк, дайте вейсэ кундатам эрзетнень таргамост омутонть эйстэ, косо ащи весе крестьянствась, а миник эрзетне сех ало.
Ан. Рябов.
| Эрзянь-мокшонь конференцият. |
Тедиде кизэ юткованть Центральной ЭРЗЯНЬ-МОКШОНЬ НАРКОМПРОСОНЬ БЮРОСЬ пурны губернской конференцият (пуромкст), козой пуромить весе эрзянь-мокшонь тонафтыцетне. Истят конференциятне улеме кармить Саратовсо, Пензасо ды Самарцо.
Наркомпросось нолдась те тевинтей тысця целковойт.
Не конференциятне эйсэ кармить кортамо сень кувалма, кода бу седе вадрясто нолдамс эрзян—мокшонь тонафтома тевесь.
Московсто молить не конференциятнень ютавтомаст: Саратовов ды Пензав — Кручинин ялгась, Самаров — Орхидея ды Сайгушкин ялгатне.
М. Кручинин.
