|
Вейке номеронть питнезэ 4 к. | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 14. | 18 мая 1924 г. | № 14. |
| Эсь прянk тонавтодо. |
Советэнь масторга ней веси арсить, кода бу эсь пренть тонавтомс. Минек государстванок бедной. Ламине школат теимс — а изняви. Авуль анцяк покш ломатне, эли аватне, — лиясто пакшетниньгак тонавтомс а косо. Тонавтнимс эряви. Кода жо ней кундамс те тевинтинь? Велинь коммунист комсомолец ды учитель — вана ки должн саимс кедезензэ те тевинть.
Кода ушудомс тевинть?
Коли велинк покш, — теиде „Тонавтнима куракш“ (кружок самообразования). Витинк библиотеканк. Ловнодо вейцэ эрзень газет. Кортадо, эсь юткованк, газэтэнь валтныдинть. Кучодо городов ломань книга мельга, городсо совазо политпросветов, партийной комитетов, УОНО, эрьва ков. Эрьва косто добовадо эрявикс книгат. Учительтнень ярмакуст арасть, кадык сермадыть велинь эрямодонть статьят газетас, тень кис газетась карми кучнеме кодамо сонензэ эряви книга. Эрзень учитель, эли партиец ловны рузонь книга эли газет, мейли веси евтнесынзе „куракшсо“ эрзякс.
Истямо куракшонть можна теимс волостьсь.
Мезис зряви тонавтомс куракшсо? Ки ульнись и мези тейсь Маркс. Мези тейсь Ленин. Мези истямо кооперация и кода сонзо теимс. Модань тевть. Нациень политика. Мези теить коммунистнэ.
Лия статьясо мон сермадан кодат эрявить ловномс книгат тень кувалт.
Кой кува эрзя велива, истямо куракшт уж тейсть. Знярц сынь тейнить эрзэнь спектакольть. Ловныть эрзень газет.
Веси эрзетни, тонавтниде!
Самогононь таркас — книга!
Попонь таркас — эрзень газет!
Косо тевись а ладяви, — кевкстиде „Якстере Тештенть“, сон максы тыненк совет.
Сермадодо седе ламо тень кувалт „Якстере Тештес“.
Т. Васильев.
| Мокшонь газет появась. |
Пензасо лиссь мокшонь газет „Од веле“. Того паро тев теивсь.
Те порас ульнисть колмо эрзень газетат и вейкияк арасиль мокшонь газета. Ней те тевись ладявсь, анцяк эряви кирдимс.
Эрьва эрзя, эрьва мокшо кодык выписывает сонцинзы кельцэ газет. Вана кодат лисить газет:
1) „Якстере Теште“ (эрзякс). Москва, Никольская д. № 10, ком 17.
2) „Якстере Сокиця“ (эрзякс) Саратов, Губком Р. К. П. (б) Мордовская секция.
3) „Од веле“ (эрзякс) Гор-Петровск, Саратовской губ. Уком Р. К. П. (б). Мордовская секция.
4) „Од веле“ (мокшокс). Пенза, Губком Р. К. П. (б). Мордовская секция
Ки эщо эзь кенирть эстензы рамамс (выписать) эсь кельсэннзэ газет?
Тимо.
| Эрзят а бажувить тонафтнимантень. |
Ташто Бегучсэ Петровской уездсэ ули школа II ступени. Тонафтницятнеде эйсэнзэ анцяк 11 ломать: кавксо рузт ды колмо эрзят. Рузонь тонафтницятне пурнавсть колмо велестэ: кона кавксо вальгей пень экшстэ, кона сисем, а остаткатне кемкавтово вальгей пестэ. Рузонь ученикне эрить квартирава. Бегуч велен ученикненень а эряви квартира, эряви анцяк алаша панцемс лия велев: сынест бу анцяк тонафтнемс. Эрзянь кис те школась II ступени и панжозь, а эрзятнеде анцяк колмо. Знать тонафтнимань питнесь Бегуч велень эрзетнинень еще эзь содавт.
Ив Прокаев.
| „Ней только лучше кармить тонаф- неме эрзянь покшатне“. |
| (С.-Кармалинской в. Бугуруслан. у. Самарской губ.) |
Минек волостентей тельня састь эрзянь букварть „Тундонь чи“, конань явшизь эрзянь велетнень ланга. Школатнень эйсо эйкакштне пек радувасть эрзянь кинишкантей.
Кудосо сынст марто одцератне и атятне ловныкшныть эйсост чокшнень-чокшнень. А кона эрзясь мезияк а чорькоди пакшань тонафтомань тевс и мери, — „Напрасно кучизь нетнень, и монь пакшам истяк как соды эрьзянь, а тесо ище эрьзякс кармить тонафтомо*. Напрасна истя думатадо эрзя ялгат. Минек эсенек кельцо первой гоцто эрави тонафтомс.
В. Платонов.
| Лия масторга. |
| Германия. |
| Панизь полициянь начальниkенть. |
Нападениянть кис, минек представителенек ланкс Берлинсэ, германиень правительствась нолдызе службасто отпускс полициень начальникенть.
Штреземан (Германиянь министр) стараи мирнасто ладямс тевинть полициень озорстванть кувалт.
| Молить забастовkат. |
Руронь областьсо (Германиясо) нейгак эще моли забастовка. Уголиянь таргиця робочейтне бастовить.
Англиянь уголиянь таргиця робочейтне арсить лездэме Германиень робочейтненень.
| франция. |
| Полавцызь правительстваст. |
Франциясо курук полавцызь правительстванть. Главной министрокс арсить аравтомс Эррио. Эррио арси теиме Советонь мастор марто дружной эрямо чить,
Пуанкаре (икелень министр) туи правительствасто.
| Румыния. |
| Крестьянонь бунт. |
Румыниява молить крестьянонь бунт. Крестьятнэ бояронь имениятнень эзга панцить помещикнень. Правительствась кучни салдат бунтовицетнень „оймавтомо“
| Америkансkой kапиталистнэ kапшить седе kуроk kар- мамс торговамо Россия марто. |
Курок ули тосо промышленикень с‘езд, косо кармить кортамо торговамодонть минек марто.
| Советэнь Масторга. |
| Симбиринь таркас — Ульянов. |
Владимир Ильич Ульянов. (Ленин) чачсь и эресь семиянзо марто Симбирцы. Тень кувалт Симбиренть лемдизь „(Ульянов)“ Ней те губернянтей мерить „Ульяновская“
| Воровскойнинь паметник. |  В. В. Воровский. |
| Московсо 11 маень чистэ стявсть паметник В. В. Воровскойнинь. Те ялганть мелят те порава чавизь буржуинь розбойникне (лиякс мерить фашист) Лозаннасо (Швейцариянь город).
Воровской ялганть Советэнь правительствась кучнизе Италияв представителекс. | |
| Зняро нолдазь сиянь ярмак. | |
| Те чис Наркомфин теевсть 22 миллион целковоинь питне сиянь ярмак. Не эйстэ якить уш 14 миллион целковой.
Сиянь полтинник кармасть тееме уш Апрель месецтэ. |
| Тейсть сёрмадыцень кружок. |
| (Кузат веле, Сызранск. у.). |
Минек велисэ тейсть эрзень куракш кона карми „Якстере Тештес“ сермадомо эрзень эрямо-читне эйсты. А мешаволь бу истя тейме лия эрзя велива.
