| № 8 | ЯКСТЕРЕ ТЕШТЕ. | 3 |
Васув не месть якамкс. Сельминик икили ютась алу мелень голодось 1921-22 иестэ, пингизыник а стувсыник. Сыри бабине евксонь таркас нуцьканстынь карми евтними, кода семеень-семеень вачуду кулцисть, кудуст—чист каднусть и тукшнусть кше сускумунь вешними. Вана месть эрцить Раунь чирива.
Опытной сельско-хозяйственной станциетни кармасть видними сякой сюрут васня варчамунь кис, конат эйстыст седе цидярдыть коськи кизыни. И улить сюрут, конт чачить коськи кизнаяк. Истяк коист и кадусь: течемс видить сякой сюрут. Улить пизимить — чачить неть, улиньдерей каськи шка чачить лият седе цидярдыцят.
Еще опытной станциетни мереть, что минек бедась еще сень эйсэ, что минь а полавтнитям сюрутнень. Ряц видитям товзюру эли розь ды колмо паксява, а таркань-таркань алу пеле кавту паксява анцяк. Ну кадык тосо модатни виивть, пару шкани кавту паксяваяк кепицызь урожаинть. Но ученой ломатни и опытной станциетни мереть, что кодаму виив модась илязу уль, сон сетики лотки сюрунь чачмуду, если минь карматам апак полавт видними зерновой сюрут. Алу пеле, например, модась еще пек виив, но сондо мелезэ молць товзюрунть и розинть эйстэ, секс сон и чачи неть сюрутнень. Значить, коськи кизызь а ськамунду чумусь, минцькак чумутам, моданть мелендэ а вантам.
Чтобу оймавтумкс модась, сех пару виднимкс чинчарамут, кукурузат — нетна сех парт. Мельгаст молить катфат, секлатни тикшинь таркас скотинанинь арыть. Видиде эйсыст апак пелть, сынь коськи шканияк касыть, убытка эйстыст колияк а ули, модась алуст колияк стяк а юми. Ну, конешна, кармньдерятам минь кортаму, что модась эряви оймавтумкс, то колмо паксяду лоткамкс думаямуяк. Колмо паксява мези иля вить, а ойми.
Зяру эно паксят теймикс? Васня можна нили паксят. Ве паксесь эйстыст озимди мейли виднимкс чиньчарамуду, кукурузаду, секладу — пропашной сюрут мереть эйстыст.
Сестэ лаксесь ули истя явузь:
| 1 | . . . . . . | парина |
| 2 | . . . . . . | озимть |
| 3 | . . . . . . | пропашнойть |
| 4 | . . . . . . | яровойть |
Опытной станциетни неезь, что пропашнойди мейле пек парсти касы яровой товзюру.
Коть ламу паксень койсы эрьва паксенть алу модась ули и седе аламу, напр. товзюру эли розь алу, но теде пельмикс аэряви. Пропашнойди мейле модась пек виими, кочкома тикшитни юмить лангстунду и знама сон чачи сюру седе ламу. Ды чачить еще пропашнойть: катфат, секлат, конат телень перть сатыть скотинанень. Пельмикс не мезди, икилинь снярумсу сюрунк карми улиме, убытка аули.
Тонавтыть жо тынк а сень кис, чтобу тынь сюру пурнавлиди икилинь снярумсу. Тонавтыть сень кис, чтобу сюруду улист пешксе сусикинк, ламине улизэ скотинанк и тынць эрявлиде ломанькс, улис — чисэ.
Волганть чирива эрзетнинень пек бу эрявуль кунцулумкс, месть кортыть и мезис тонавтыть сынст ученой ломатни. Саратовской, Самарской, Царицынской губернетни пек коськи таркасу ащить. А коськи таркава пару виднимкс ве иестэ эрьва кодат сюрут секс, что конаткак ды чачить и ярцамкс ули мезди. Секс и эрявить теймикс ламу паксят. Ламу паксетнинь марту скотинаяк появи кардайсыть, коромот карми улиме—лоткат скотинань микшниме, кармат эсь кисыть печксиминдэ. И пекить пешксе, и орштазят, и карцизят.
| МЕСТЬ СЕРМАДЫТЬ ВЕЛЕСТЭ |
| Саратовской губерниясто. |
| Кода минек велесэ пурнасть налог. |
| (Ташто Славкина, Петровской у., Сарат. губ.) |
Аволь умок, февраль ковсто Ташто Славкинасо пурнасть с. х. налог. Те шкась минек сельсоветонь председателентень Батяйкиннэнь ульнесь покш праздник. Ламо сон лопнясь бутра веденть, конань лемзэ самогон. А остатка читнень февраль ковонь ежовтомо якаськак советов. Весе содыть кода сон симе, а яла кирьдить корозонзэ, аеаньцызь и аладить тарказонзэ паро ломань.
Мон содан ве тев истямо: праздник чистэ Батяйкин сайсь ямской алаша и тусь велева артнеме — похмелиянь витьнеме. Арсь вейка орта ланкс. Кудусь паро — можна меремс, кулаконь. Азорось лисць сречеямонзо. Совавтызе кудов, а столезэ уш анок. Батяйкин озась столь экшс, ваксозонзэ озавтызе ямщиконзо Юфинынь. Юфин а седе беряньстэ вечксы копордамонть, Сон ульнесь минек веласэ маны сельсоветонь председателекс, симиманть кис сонзэ ертызь партиястояк.
Кармасть симеме. Азорось кавани гостензэ, чтобу простявлизь тензэ налогонть. Самогонка рамамс а эряве, сонсь азарось пани. Но уле евталмо (пословица) „зняро во рось асалы, яла понге“. Истяжо тесэяк. Кой-кить содасть, что Батяйкин и Юфин симить, муевсь истямо ломань, кона молсь и евтась налоговой инспекторнень. Тона кувать эзь учне, молсь се кудонтень и хотел арестувамост. Батяйкин саизе столь ланксто самогон марто бутылканть и ердовсь налоговой инспекторонть ланкс. Кармасть явовтомаст и се шкане Батяйкин воргоць. Инспекторось саизе ямщикинь алашанть и туиксэль Батяйкинонь сасамо. Но Юфии кундызе алашанть прядо и амаксэ. Инспектор яла авалге нурдустунть. Юфин молсь и сявордизе, а сонць озась, лощизе алашанть, тусь ардозь и сергиць: „пьем, гуляем, налог прощаем!“
Вана кода миник Батяйкинонок сими и прости налог. Аздан простясызь-апростясызь сонзо, знярдо карми судиянь икеле ащеме. Мон думан, стяк акацызь те тевенть Славкинань эрзятьне и максыть лангозонзэ жалоба городов.
Славкинань эрзя.
си тыщесь. Эряви содамкс, что мужикинь ведь улить и еще ламу нужданду.
Мон мерень, что сельско-хозяйственной товариществань ули истяму задачазу чтобу строямкс мельниця, кузниця кодамуяк мастерской. Но те лангс эрявить ламу ярмак. Сынст ютавсыть друк, а велявтумуст кармат копийкасу. Ды косто еще друк сняру ярмак саймикс. Государственной ярмакне а сатыть весе варетнинь потлямкс.
Сельско - хозяйттвенной товариществат должны сынць ярмакунь таштаму. Товариществань кармить улиме кой кодат доходондо, сынст эйстэ и эряви аламунь аламунь таштамкс.
Членской взност иляст улть питнийть, 2-3 руб. не больше, а если ломанись бедной, то теймикс разсрочка.
Кода теивсь товарищества, сеск сон должен соваму членкс сельскохозяйственной кооперацияс.
Если маласу ули общество сельско-хозяйственной кредита, товгак мольмикс эряви.
Тердимкс товариществасу ветеринарунь и агрономонь.
Сельско-хозяйственной товарищества стараязук, чтобу иляст улть ламу служащейть жалованья лангсу, неть росхотны веси прыть товар лангс.
Товарищества илязук жаля ярмак се лангс, чтобу кирдимкс пару счетовод. Если парсти ветямкс счетоводствань тевись, сэстэ квига лангсту коть коли несак, кода моли товариществань тевизэ.
Если товариществань кармить улиме кодаткак нужданду молизэ сон эли союзов эли государственной учрежденияв, но илязу молть и местькак илязу тейник частной капиталист марту.
Товариществань членнэнь эрьва косо теймикс скидка.
Товавиществань правления 2-3 раз иень перть теизэ собрания, косо евтнизэ, кода молить товариществань тевизэ ды чтобу мужик, член товарищества, илязу ащик тосо чатьмонезь, а чтобу кортазу, что соненде маряви вана кода эряви ветямкс тевись и вана кода, чтобу собраниясу сон уливиль азорокс.
| Вот—так кооператив! |
Ламо минек Петроской уездэ, Саратовской губ. содан потребительской и сельско - хозяйственной кооператифть, конат куть аламнеде, но молить кооперативень понас.
Но вот ули тосо-жо Петроской у., Савка велисэ кооператив, конанень даже виськс миремс кооператив. Кафто секе велинь кулакт, икелинь лавочникть Глухов и Ворожейкин, конат эрить сроду апок робота, 1921 иестэ, кода нолдазь свободной торговлясь, думасть торговамо. Сразу сайме прават и кармамо торговамо тоньцеть лавкасо, ощо опасна, — кабу аволимизь сорновт. Вот сынь и думасть тееме потребилка. Сон, кода емремс тееме, — сынць кавонест саизь вясе тявенть ветямо: сынць жа члент правлениясонть, закупщикть, прикащикть, а главной сыньцест-жо вясе средстватне, анцяк вялестэ сайсть конев, што келя те минек ташто потребилкань организациясь.
Зняро путыть товаронть лангс, почти кияк азды, барышесь кадови вясе не кафто „стараицятненень“, вопче тосо аволь потребиловка велин лавка, но надуваловка.
Но, штобу аламодо сондэ красямондо, ютась кизэнть,, примасть зняро-буди члент, но те яла тека тявенть эзизе витть и кооперативесь, кода ульнесь часной лавка, истяк и кодавсь.
Кооцеративень кельце тень эйстэ мерить „Лже — кооператив“, членэст конань эряви панемс сявдикса, а тень таркас теемс действительной велен лавка, косо улизэ кажной азоро, но аволь кодамояк Тит Титыч.
Савка велен народ виськс тенкь ули если асайсынк эсь кедезэнк тынцинк, потребилканк, кона касць анцяк тынк кандонь средствасо. Кучкординк потребилкастонть не кулакнень.
Ютыця.
| Лоткасть мелензэ ваномадо. |
| (Сининька веле, Петровск. уез., Саратовсо губ.) |
Ютась сексня Михайловонь праздникте мейле (Михайлов чись миник престолонок) попонок сыргась молебен маро. Икеле шкань те праздникстонь сон пурносень и ярмаксо и сюросо, ульнесь сондо самай главной урожаизэ. Истя жо думась сон и те иенть.
Праздниктэ мейле васиньжо чинть попось саизе диячокондо, церковной старустандо и тусть якамо молебен маро. Хайдыть чи. Народось молебенэнь кисэ максы беряньстэ. Попось думась, что первой кон — шайтян кон. Тусь омбоце чине. Народось веньфты (максы) ощо хужи. Ердэзе крестонзо, наверна, мерць, 2-3 апаро вал и якамо пандя. (Но приходонзо якамс ощо эряви 2-3 чи).
Секе жо чокшненть кие бути кевкстизе: „мекс, бачка, тече курок сыть, али уж вясе приходось якавсь?“.
Попось коня алга варштась и кежейстэ рангстась: „Да, якавсь. Кавто чить вана якинь и обув сезнень больчи, чем пурнынь. Кадык, кинень эряви молебенэсь, небось сы кудозом и сюкуне тянень, а истяк а карман якамо“.
Тень эйсэ сон думась народонть тандафтомо. Но народось марясь, мекс сон не хочет якамо и корты: - Шайтяна сайсы молебендэ марто. Сон седикелеяк истя жо чертясь и нейгак думи тожо самай. Се шкась ютась, сестэ властесь сынст ульнесь, мелендэ ванынек прок апаро цирнинь, а ней те тявесь аули.“
И вот учось попонок ощо 4 - 5 чить — кияк а сы тянендэ, кияк пильгезэндэ асюкуни и пришлооь таго тянендэ якамо и несчасной сезнень совзнакт пурнамо.
Тень кувалт меремс анцяк можна, что молодец сининькань народось, что кармась лисиме попонь кабаласто. Меньше кунсолодо попнень и совсем лоткадо тяненст кандомо. Лучи не средстватнень ютафтынк газетас, кона максы мильон раз больчи польза.
Сининькань эрзя.
| Сыре атетьнеяк кармасть фатямо. |
Лисць декрет, штобо весе церковной кудутне улист Волисполкомонь. Минек Вик кучсь конев попонте, пондомс квартиранть кис. Попось пурнась церкувас, обеднядо мейле, велинь ломать и мерсь тест, питнинть сонзо киса пандомс. Атетне думасть васня, а мейле фатясть ды мерить тензэ. — Тоньстеметь как чорт зняро пандомась — и отказасть. Попось кадызе кудонть и ней се кудодосонть клуб Ленинэнь лемсэ, тосо ули читальня. Кона атясь асы яла карты — Умок истя эрявольбу.
Весемень мельс паро. Истя бу кажной велесэнть умок теемс эряволь.
| Н. Ф. | |
| С. Ст. Демкино, Старо-За- харк. вол., Петровск. у., Сар. губ. | |
| Тожо роботник |
| (Ташто Дема веле) |
27 Февральстэ партийной ялгась Семайкин ульнись кучуф сюронь пурнамо, кона зняро моксы германской революционертнэнень, конат аштить тюрьмасо революциянть кис. Первой мольць Неклюдовонь мельницяв и получась кафто понт розь. Мейле мольсь Сдобновнень. Сдобновонь кец годявсь председатель Пронькин — партийной и пек симиця — се эще аволь беда, но сон эще эзь мерь моксумадо розьть революционертнэнень и Сдобнов максь анцяк 20 фунт.
Те уш алади партийной ялганень.
| Паро пример. |
| (Ташто Дема веле Петровск. у.) |
Февраль месецень омбоце чиста коммунистонь С. М. Щеголовонь ульнисть крестинат поптомо. Эйдиньте пуцть лем Роза.
Седе ламо бу истямо крестинат.
Эрзя.
| Эрзянь букварьде. |
Кода первой училищатьне получасть эрзянь букварть, — вясе учительтне мерсть, што сынст парост мезеяк ауле. Аздан кода лия вялиса максть сынь пара или эсть. Но ташто—Дема вялинь училищаса пек пара тейсть. Училищасонть ней улить рузунь и эрьзянь букварть. Рузунь букварьсэ, эйкакштне ловнеть, а мезеяк а чарькудить, а кода мязеяк ловнеть эрьзянь букварьсто то вясе евтнисызь мясть сермадузь. Кой-конат дажсе вясе букваренть содасыз сынцист суруст лаца.
Значит мелизуст пек тусть, а ежили тусть то больше паро—як кансть.
Учительт, евтынкь кода моле те тявись тынк вялива?
| С. Ст.—Демкино, Ст. За- харкин в., Петровского у. | |
| Учитель А. И. | |
