|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 8. | 20 марта 1924 г. | № 8. |
| февралинь революция. |
Да, читьне ульнесть покшт. Велева еще кияк ззь думак, что инязоронь властесть ало модась псилгаць. Инязорость превсэ арасель, что сы шка зярдо сонзэ кармавцызь максмо ответ не ломатьненень, конатнэнь верьде сон потясь. Уже январь месецтэ робочейть кой кува кармасть тейме демонстрацият и рангомо — прядмокс войнасть. Но войнасть пезэ а неяволь. Разрухась яла касыль и касыль. Питьнетьне яла кепедилть и кепедилть. Кше ззь карма сатмо. Весе сизесть. Сизесь мужик велесэ. Сонзэ остатка церанзо саизь войнас. Сизесь робочей кшефтеме ащезь. Сизесь и салдат вачо и сий поцо ащезь окопсо. Мезень кис?
Ленинградце (сестэ — Петроград) мартунь 6-це чистэ (нов. ст.) теевсть голодной забастовкат и порксасть лавкак продавольствия марто. Кавто чи ютазь уже лиссть ульцяв плакат марто и кармасть рангомо, чтобу каямс инязорость. Мартунь вейксэце чине тейсть забастовка уже 200.000 робочейть. Мартунь 10-це чине кармасть бастувамо весе робочейтьне. Ульцява появасть казакт и жандарт. Кармасть ледьнеме пулемецо. Мартунь 12-це чистэ робочейтьне енов стясть гвардейской салдатт.
Буржуазия сестэ нейсь, что и сынест эряви педямс революциястень. Сынь нейсть, что инязородость аэряви пельмекс и эряви кодаяк робочеинь вийсэ саймекс властесь сыньцист кец. Сынь тейсть временной Исполнительной Комитет, конась озавтыксэльсе инязорокс Михайлунь. Но секе же чистэст теевсь и Совет Робочих Депутатов. Инязорость каизь и арестувизь. Теевсь Временной Правительства, конась кармась седияк пек воювамо. Но робочейтьне пек прочнасто саизь властесть сынцист кец. Се шканть сась Ленин. Сон курок нефтизе кисть, мезе эряви теймекс, чтобу инязорость марто маштомс и буржуазиясть. Истя теевсь Сов. власть.
Ютасть сисемь иеть се шкастость. Инязоронь весэ истовтызь, мерят зярдыяк сон арасель. Ребочейть и крестьят чавсть поень пезэмкс калмонзэ пачк. Сон больши а сти.
Робочейть и крестьят кетьте—кец кундазь сынць кармасть строямо эрямосуст. Сынь ламо тейсть и седеяк ламо еще теить. Аволь жо стяко лия масторонь пролетариат учи помога сынст пельде.
| Парижень Коммунась. |
Теиде мартонь 18-це чистэ 53 иеть (годт) топодсть кода ульнесь те тевесь 53 иеть топодить кода, Франциянь столицасо Парижцо робочийтьне сайнизь властенть эсь кедезэст и тейнесть Коммуна. Апокш ульнесь пингезэ те Коммунанть — эрясь сон анцяк 2½ месяцть; буржуазиясь сонзэ курок повизе. Но французонь робочейтьне невтизь весеменень, кода можна од койсо эрямс, кода можна теемс эрямось, чтобу улевель паро пролетариатонтень.
Кодатт жо од койть тейнесь Парижень Коммунась робочеень властесь?
Не койтьне вана кодатт.
1) Постоянной армиянть полавтызе и салдатнень нолдыньзе казармасто и тейсь всеобщий воинский повинность, чтобу весе служаст, анцяк аволь казармасо эряст, кода икеле ульнесь кить служить салдатокс, а кить овси аслужить.
2) Эрьва кодамо ломань государственной службас кармась пурнамо сонць народось эсь юткстонзэ.
3) Явизе церкуванть государстванть эйстэ, чтобу попне, архерейтьне аволизь эцьне нерест государствань тевс; церькувань имуществанть саизе государствас.
4) Явизе школанть церькуванть эйстэ, чтобу попт школасо иляст чаракафне эйкакшонь превтнень.
5) Фабрикень и заводтнень максыньзе робочейтьненень и кооперативной товариществанень.
6) Тейсь закон, чтобу вейкеяк слуясиця* государственной службасо илязо получа жаловавния 2 тыща целковойдэ ламо.
Ламо еще тейсь кой кодат од порядкат. Но не порядкатне ульнесть теезь анцяк Парижцэ, а Франциянь келес сынь эсть теевь — мешась буржуазиясь, конань кирга парьц Комунась калонь сардокс пезнакшнось.
Буржуазиясь войсканзо марто перть пельде кружизе. Париженть: ве пеле ащесь франциянь буржуазианть войскас, а омбоце пеле ащесь немецень буржуазиянть войскась.
Май месяцень 21-це чистэ буржуазиянь войскась совавсь Парижс. Месть анцяк буржуазиясь эзьтейне робочейтнень и робочеень семиятьне марто! Цела недля городсонть валсть робочеень верь! Буржуазия истя панць кеж робочейнень Пек бороцясть коммунартне буржуазиянть марто, но сынст аламоль виест. Ламо робочейть путызь пряст баррикадатьне бокас, а седеяк ламо сынст эйстэ леднесть мейле, кода изнизь сынст и саизь Париженть. Буржуазия эзь жаля киньгак — а ава, а эйкакш. Сон машты кежень пандомо.
Буржуазиясь чавнесь аволь анцяк сынцист комунартнень, чавниньзе сон роднясткак и весе нень, кинь кедест ульнесть пуворевть, эле берян одижат ульнесть киланксо.
Недлянь перть буржуазиясь сайсь 30 тыща робочеень ойметь. А весемезэ Парижень Коммунанть кис 70 тыщат ломань путызь пряст. Буржуйтьненень аламо марявсь те вересь, так сынь еще паньцть ссылкав 7.500 ломань и 5000 ломань озавсть осрокс.
Вана кода буржуазия кеж панды робочейнень, знярдо тона кедензэ веньссы властентень, знярдо мелензэ сайсы соньцинзэ лацо эрямонть тееме.
Но те шкас те кияванть кенерць туеме анцяк Россиень пролетариатось.
Е. Окин.
| Лия масторга. |
Недлячистэ 9 мартонь чистэ Грециянь прасительствась признал минек Советской властенть законной властекс,
Нетне читнень эряви учомс, што Швеция тожо кучи признания.
| Швеция тожо капши. |
Шведской буржуазной газетсэ сермадыть, што правительствась капши седе курок подписать договор Россия марто.
| Волненият Норвегиясо. |
| Полецейскоитне тожо грозить тееме забастовкат. |
Норвегиянь столицасо Христианиясо фабричной и заводской робочейтне тейсть забастовкат. Фабрикень хозяитнэ эсть соглася прибавамс роботань кис питьненть. Робочейтне тень кувалт эзизь лотвкавт забастовканть. Полиция кармась эйсэст панеме роботамо. Ламо полицейскойть отказасть робочеень панеме Сынст тень кис панизь службасто. Полицейской Союзось мери примамодо. панесьнень мекев. Если мекев панесьнень апримасызь, то сынь тожо теить забастовка.
| Советской Россиява. |
| Совзнакнень кармаст рамамо |
Совнарком тейсь постановления, косо ёвтазь:
1) Кармамс совзнакнень рамамо, штобо седе курок лоткавтомс якамодо.
2) 10 мартэ кармамс эйсэст рамамо. Питьнест улезэ 1 целковоенть (золото) 50 тыща целковой совзнаксо.
| 500 | целковоенть кис | ||
| кармить моксомо | 1 | трешник. | |
| 1000 | . . . . . . . . | 2 | „ |
| 5000 | . . . . . . . . | 10 | „ |
| 10000 | . . . . . . . . | 20 | трешник. |
| 15000 | . . . . . . . . | 30 | „ |
| 25000 | . . . . . . . . | 50 | „ |
Совзнакне кармить якамо анцяк 10 Апрелень чис; те чис примамо кармить эйсэст куш косо. Тедеде мейлле можна сынст полавтомс финотделсэ и банкасо 30 Апрелень чис. Мейле сынст акармить примамост.
Нетне читнень 30 Апрельс совзнакнень акармить питнест прамо (дешевалгадомо). Питнест ули вейкэ.
| СТРАХОВАМОНЬ ТЕВЬ. |
| Кода пандомс и получамс страховка. |
Колмо покш бедат пек розорить крестьянонь хозяйстватнень эйсэ: пожар, цярахман и скотинань заразат.
Тесэ эряви покш помощь максомс крестьяннэнь. Те помочэсь страховка.
Страховкась — аволь налог, а равужо чис трешникень пурнамка. Не ярмакнень, конань каясынде страховкас, ломанесь получасынде мекев, если тяеве тендэ меньгак несчасия. Получи сон каязь ярмакнеде больчи.
Тамбовской и Пензенской губернява палыцятне получить 94 целковой. Рав чирева губернятьнень эзга (Самар. Саратов. Симбир.) получить 135 целковой.
Цярахмансо чавозь десятина сюронть кис получить 5—20 целковой.
А вейке кулозь скотинанть кис получить 10—20 целковой.
Государства страховкань максомсто аваны, кинь паро кудозо эли берянь, истяжо и скотинанть. Страховка кармить максомо ровнойстэ весекнень. Беднойнень тесэ ули лезэ страховамс кудондо эли скотинандо. А зняро эряви пандомс страховамонть кис? Знярц эще миник крестьятнэ пек беднойть, государства
