|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 7. | 9 марта 1924 г. | № 7. |
| Ки пурны и ки варма мельга нолтни. |
Аволь умок лиссь декрет, конась мерць нолдамс ярмак аволь коневонь, но сиянь, пижень и сырнень. Сиянь ярмакне уж листь 26 февральсто. Курок советской ярмакне весе емить и минек масторцо ярмакт кармить улиме ряц, конатнень питнест а карми касмо и прамс.
Ламо эрявсь советской властнень васня робутамс, чтобу нолдамс не ярмакнень. Кото иеть сон пурнась и витлесь хозяйствасость, конасть калафтызе войнась, конасость ки понгсь срафлесь советской властедесть икеле.
Арцемс, ки-ки эзь розуряк эснинек. Васня ульнесь Миколай инязоронок, конась анцяк винадо симдевсь эснынек. Остатка пелев кармась воювамо Германия марто и хозяйстванок кармась лифтямо варма мельга, кода пуль. Таркасунзо теивсь „временной правительства“ Керенский марто, конась седияк пек кармась розурямо эснынек. Весе содыть, зяро сон нолдась „керенкат“ „Временной правительствась“ и Керенской паневсть. Властесть саизь сынць азоротнэ, — робочейть и крестьят. Но сестэ седияк пек азаргацть весе не, кинь кургсто нельгизь тантей прякасть. Эрьва кодамо контр-революционерт, — и черносотенной генералт и эс-эрт и меньшевикт, весе кармасть, и вейсэ и срадозь, розурямо эснынек. Веинст мийсть, омбунст ваявсть, колмунст порксасть и пултасть, нилинст саласть хозяйствасость. Ниле иеть советской властесь турць мартуст хозяйствась кис, и зярдо не весе кискатнэ паневсть, то аламо лияць од азоростень. Вана мейсь сонензэ, од азоростень, савсь оц строямс, кода пожардо мееле. И сон строизе кудозо. Строизе истя прочнасто, что дажи нолдась сиянь армакт. Истят ярмакт эрцить анцяк сестэ, зярдо государствасть хозяйствазо прочна. Сон алкукс истя. Аволь жо стяко истят вергист, кода Англия и Италия, кармасть содамо эснынек законной правительствакс. Сынь парсте содыть, кодамо ней минек хозяйствась. Кото иеть сынь учость и ваность, паряк калады советской властесь. И сынь сизесть учомодо. Котоце иестэ сынь нейсть, что Советской властесь истя стясь сонциндэ пильгинзэ лангс, что а каяви. И напрасна сынь учость. Арази сынь аздылть, что минек тевсэсть ладясь Ленин ялгась. Ленин ялгасть кондят плотниктнэ эрцить весть анцяк сядо иес. Важодиця ломаннень ней радувамс эряви и посубамс правительствастень седияк крепкасто строямс минек советской кудость.
Эрзя.
| III-це Коммунистическ. Интернационал. |
Мартунь 5-це чистэ топодить 5 иензэ Коммун. Интернационалсть. Сон теевсь 1919 иестэ тожо мартунь 5-це чистэ.
Но васня эряви кафтошка вал сермадмокс, кода и мейсь сон теевсь. Мееле жо серматтанок, мезе сон тейсь не ютась 5 иетьнестэ.
Васня масторсть лангсо ульнесь анцяк вейке интернационал — 2-це. Интернационалсь — истямо организация, конась пурны кругомганзо весе масторунь робочейтьнесэ и теевель социализма. Сонзэ эзэс совить робочеинь партият и сон боруци буржуазия марто те социализмасть кис. 1914 иестэ, зярдо теевсь мировой война, те 2-це Интернационалсь калаць. Сонзэ вожактнэ кармасть тыргадьме сыньцист государствань кис. Германиянь социалистэ — Германиянь кис, Россиянь социалистнэ — Россиннь кис. Истяжо кармасть тонафтомо робочейтьнесэ и крестьятнэсэ мольмекс войнав турьме истямо жо робочей и крестьян марто. Сестэ анцяк коммунист кармасть лиякс кортамо, войнасть карчо. Минек социалистнэ ютксо анцяк Ленин партиянзо марто кармась кортамо и тонафтомо, что те войнасть теизь капиталист, чтобу зепест парынестэ пештемс, секс робочейнень и крестьяннэнь а эряви мольмекс войнав. Эряви ряц теймекс забастовкат. Ки ульнесь се шкастость покш городга, се соды, что войнадость икеле алкукс ульнесть забастовкат. Но робочейтьне и крестьятнэ ульнесть аволь весе сознательнойть и сынь се шкастость манявсть. Тень кис сынь ламо ойме пуцть Польшань паксяс.
Истя вана и калаць 1914 иестэ 2-це Интернационалсь. Арцек, кодамо те тыргадиця трудиця кис, зярдо эснынзэ партиятнэ кармасть тыргадьме сыньцист буржуазиянь кис. Сынь миизь буржуйнень робочей и крестянунь тевсть.
Истя тевсь молсь 1919 иес. Зярдо теевсь Совецкой власть, то Россиянь Коммунистынь партиясть кругом кармасть пурнавмо весе и лия масторунь коммунистнэ. Сестэ Ленин неизе, что эряви теймекс истямо организация, истямо жо мировой, конась зярдыяк илязо бу тей предателинь тев и конась кармазо пурнамс весе настоящей робочеинь коммунистической партиятнэсэ соньцинзэ перть и тонафтомо и ведямо эсныст социалистической эрямонь строямо, перьгафтомо капиталистической стройсть, нельгеме властесть буржуазиянь кецтэ и максмокс робочейнень и крестьяннэнь.
1919 иестэ мартунь 5-це чистэ пурнавсть Московс представителть эрьва масторунь коммунистической партиянь. Те промксось (конгресс) и тейсь III-це Коммунистической Интернационал.
Ютасть 5 иеть се шкастость. Аламо. Да, иетьне ютасть аламо, но тень кис ламо тев теезь. Савсь боруцямс аволь анцяк буржуазия марто, но и не социалистической партиятнэ марто, конатнэ маньчить робочейтьнесэ и тыргадить буржуазиянь кис. Омбоце Интериационалсь таго кармась робутамо, конастень совасть таго не маньчиця социалистической партиятнэ. Появась еще 2½ интернационал. Шкась жо ульнесь пек пси.
Ряц молилть революцият. Венгриясо теевсь Совецкой власт. Германиясо молиль революция. Бавариясо тожо теевкшнесь Совецкой власть. Робочейть аздылть кона киявасть мольмекс. Ульнесть колмо интернационалт и весе колмонеск невтилть разной кить. Савсь ламо робутамс, чтобу эрьва масторга робочейтьнень чаркодефтемс, что анцяк Коммунистынь Интернационалсь тыргади робочеинь и крестьянунь тев-кис.
Васня весе пеецть сонзо лангсо (сон сестэ еще вишине ульнесь) и кияк а ловныль, истя мермекс, ломанькс эснынзэ. (Эряви содамс, что буржуйть ловныть ломанькс анцяк сенесэ, киде сынь пелить). Но курок весе неизь, кода бойкасто касы те Интернационалсь. Кода богатырь, сон вете иес теевсь истямо организациякс, конасть икеле кармась сорномо весе буржуазиясь. Арась ней истямо государства, косо арась коммунистической партия.
И не весе эрьва годударствань Коммунистической партиятнэ роботыть истя, кода тенст мери, кода тонафты эсныст те III-це Интернационалсь. Сон тонафты, чтобу робочейть и крестьят иляст кульцоно лия партиясо, — эс—эрынь, меньшевикинь и лия эрьва кодат черносотенной партият. Сон тонафты, что робочейть и крестьят анцяк сыньцист вийсэ вицызь эрямость. Вана мейсь сынь кетьте кец кундазь пурнавост Коммунистической Интернационалсть кругом и вейсэ турест буржуазияст марто.
И ней зярдо топоцть вете иэнээ те Интернационалсть, сон пек смелстэ может ванмо икелэв. Трудиця нароць кармась анцяк сонзэ ендо учомо помога. И тэ помогась курок сы.
| Лия масторга. |
| Торговой договор Италия марто. |
Россия акарми пандомо инязоронь долкнень Италиянень. Аволь умок Совет Народных Комисаров ванызе Италия марто теезь договоронть, конанень Советэсь максць соглас.
Договорось теезь колмо годс (иес). Договорцонть ефтазь, што кавто пельде апандомс меньгак седикелень долк. Договорось выгодна миньденек и Италиянень.
| Англия. |
Сядо ведьгемень тыща рабочей, конат работыть мануфактурной фабрикава, тейсть забастовка. Сынь вешить штобо фабрикень хозяйтнэ кепедевлись роботань кис питненть, Весе Англиянь фабрикне эзга робочейтне грозить, если питьненть акепедсызь, то теить забастовкат.
| Германия. |
| Весе Германияванть молить забастовкат. |
Лейпцихсэ (город) робочейтне, конат роботыть фабрикава и заводга тейсть всеобщей забастовка.
Саксониясо (область) тожо мануфактурной фабрикань робочийтне тейсть забастовкат. Забастовкат молить и лия городга.
Иен городсо черносотенцнэ тейсть демонстрация. Комунистнэ робочейтне маро листь карчозости тейсть комунистической демонстрация Полиция кармась робочейтне ланкс леднеме. 30 ломань ранясть. Пекстасть тюрмас 200 комунист. Комунистнэ ютксо 2 депутат, конат роботыть парламенсэ.
| Румыния. |
Буржуазной газетнэ сермадыть, кабу Россия сюрондо марго, сынст авулиньдэ пань лия государствань базартнэнь эйстэ. Пелить лия государстватнэ акармить Румыниянь сюронть рамама.
| Япония. |
Японский купецне мерить правительстваст тортов, штобо седе курок кармамс торговомо Россия марто.
Японской правительствась капшавты седе курок евтамс минек представителентей Китайсэ, штобо сон евтазо Советской правительствантей, што Япония хочет тееме соглас Россия марто.
| Франция. |
| Вейкест-вейкест аладить. |
Аволь умок парламенсэ брржуазной депутатнэ собраниясо селгадст и тюрьгадсть.
Истя кармасть каванямо вейкест вейкесть кулаксо, што пришлось собраниянть лоткавтомс.
| Болгария. |
Болгария кучсь 10 тыща солдат Сербской границя малав.
