| 2 | ЯКСТЕРЕ ТЕШТЕ. | № 5 |
корты эрзянь газетсэ, весе тарксизь и народонтей нефтизь; штобо эсь сельмесэст неилизь и кецэст штюпилизь, месть вачказь ульнесть; марясынк месть мощетьнень таркас, шта и ватка бархат поцо и вот попне манчесть народонть эйсэ. Вейкэ ава пшкаць. — Ведь правдой, мон лиясто ськамон думан, если паз улевель, ды арази сон авулинзе наказа, не ломатнень святой мощень сокарямонь гис, а вана мезеак арась.
Дрига рангстась: Эх, ават, мон ведь мощат Иркутскойстэ неинь — народонтей нефнизь, мень коськэ латякарть, анцяк токик мощанть калады, ламо народ якась ваномо.
Солдатнэ яла кройсесь: Несак кодамо подлость, азе попнень кемть, максыть сынь паро эрямо.
Тары ды бары, достойной уш кармасть чавомо.
— Ну, кума, мольдяно штоли обедняв?
— Мень обедняв, седеемгак аярдавсь попнэнь и церкуванть эйстэ; мезе, текэ бука пары церькувасо попось, бог даст, бог даст.
Мирьдем войнас маштызь, ознынь, ознынь кисэнзэ пазонтей, а мирьдем яла текэ юмась, кадовинь пакшан марто вачодо.
Если паро ломать а помогить, то пазонть ланкс аместь кемемс как.
— Правдой, Олда патяй, — пшкаць Дрига, минстенек эряви стараямс, минсь анцяк витьсынек эсинек эрямонть.
А светойтне ды попнэ анцяк дурманить эйсонок.
Н. Ерушев.
| ВЕЛЕНЬ ХОЗЯЙСТВА. |
| Правилат, kода нолдамс вирь kрэстьяннэнь. |
Кодат порядкат вирень получамосонть.
Ней нолдамо кармить вирь без торгов. Виртнень питнест тейсызь война годто икелень таксань коряс.
Миемс вирь корень ланксо, весе крестьятнэнень, од паксяс строицятненень и весе робочэйтненень и служащейтненень, конат служит государственной учереждениясо.
Кажной целковоенть кис, таксань коряс, пандомс червонной целковой.
Зняро, кинень нолдамс, тень кувалт теить правилат губернской земельной управлениятне, и максы соглас Губер. Испол. Комитет.
Нетне правилатнень теемстэ кармит ваномо: зняро вирь губернясо, кодамо таркава, кодат вирьтнэ, можна ли вирень пенкнень полафтомс торфсо эли лиясо мейсэяк, Сатыть ли виртне, конат нолдазь крестьянстванень и эще кой месть.
Ломатненень, конат теить коймть, нурт и лия чуфтонь вешть, кармить нолдамо вирь 1914 годонь питнетнень коряс, анцяк без торгов.
Зняро эряви получамс истямо ломанентей, сон саи удостиверения Волостной Исполнительной комитетстэ.
Сякой льготат кармить максомо кооперативнень, колективнень и артельнень.
Первойгак нолдыть вирь.
Икелейгак нолдыть вирь кресттятнэнень, рабочейнень и служещейнень.
1) Виренть, конань керясызь кинь теемстэ, просекень урядомсто и виресь кона нолдазь чищабас.
2) Вирень урядамсто и чуролгафтомсто и се таркатнень эйстэ козой думить путомо од вирь.
3) Первой гак кармить нолдамо крестьянстванень валежник, яжазь чуфнень, бурясо синтрезь чуфнень, виренть кона назначазь керямс, виренть кона керязь, но кадовсь апак усксе... Виртне конат кармасть коськеме и берянстэ касы. Чуфто прят, тарат, конат ащить истяк и конфикскованной виртнень.
Вирь красноармеецнэнь.
Льготат кармить максомо красноармеецнень. Тень кувалт ефтазь 24 ст. Лесной кодексце, подробной правилат льготанть кувалт кучозь весе губернятнень эзга,
Чтобо получамс скидка, эряви саемс удостоверения волисполкомсто, што семиястот ломань служи красной армиясо и што тоньдять эряви вирь кудонь эли кардазонь теемс и што тондят весе питнесь апандови. Се удостоверениясь максомс лесничейнень.
Те удостоверениянть кувалт лесничей может сонць миеме теть сухостойной и валежной вирь и теи теть скидка 50% (пеле питне). Уездсэ могут теемс скидка 75%
Лесничейде башка вирень кувалт ковгак аэряви якамс. Если теть эряви скидка пеле питнеде ламо, лесничей сонць должен хлопочамс тонь кис...
Красноармецне, конат састь кудов совсем, эще цела год могут пользовамс не праватне эйсэ.
Кода нолдыть вирь од таркас стройцятненень.
Бедной крестьятнэнень льгота максыть виренть кис, кона моли уштомс и постройкакс.
Льготат 75% питненть максыть уездсэ, а 50% (пеле петне) теи сонць лесничей.
А совсем стяко нолдыт вирь губернской земельной отделсэ.
Губернской Зем. Управ. нолды бесплатна вирь, конат палсть пожардо и лия сякой розорявомадо и од паксяс строицятненень.
Нетне весе льготатнень тейсызь сестэ, если максысть теть волисполкомсто удостоверения, што тон нуждающеят.
Вирь учильнятненень, больницятненень и лия учреждениятненень.
Весе нетне учереждениятненень: учильняв, больницяв и лияв максыть льготат и нолдыть бесплатна.
Кода нолдыть вирь кинь и сэдень витемс, ефтазь циркулярсо № 127 167 30 октября 1923 г.).
Вирь кинь, и сэдень ремонс нолдыть тожо без торгов (тень кувалт ефтазь 23 ст. лесной кодексцэ).
Льгота марто нолдыть кажной губернява 5-цекс частенть, весе годовой вирень нолдамостонть.
Льгота марто нолдыть толонть анцяк зняро, зняро путозь нолдамс.
Весимезо годонть нолдыть льгота марто и безплатно 10%, весе годовой налдомостонть и 10% эще нолдыть губернясо.
Мест корты лесной кодексэсь вирень нолдамодонть.
Ст. 23. Виртне конат назначазь нолдамс, микшни эйсэст губернской лесной управления без торгов, таксань коряс, корен ланксо.
Миить эйсэст:
а) Государственной учереждениянень, конат получить средстват государствань кедстэ и местной учереждениянень, конат получить месной средстват.
б) Крестьянстванень од паксяс и од таркас строицятненень, робочейнень и служащейнень, конат служить государ. учереждениясо.
Зняро нолдамс, те зависит вирьтнень кувалт (ламо, аламо вирь и кодамо) тень кувалт Губерн. Земельной Управ. теи провилат, конань кувалт губерн. Исп. Ком. максы соглас.
24) Льгота марто Уездной Земельной отделтне 15% и лесничейтне 50% нолдыть керязь вирь, пенгэкс и постройкакс.
Бедной крестьянстванень, красноармеецэнь семиянень, од паксяс и од таркас строицянень, если сынь нуждающейть и максыть тест удостоверения Волисполкомсто.
25) Безплатна может нолдамо вирь анцяк губернск Земельн. Управ. (тень кувалт ули инструкция).
Палыцянень и лиядо мездеяк розорясненень, обществанень, больницянень, учильнянень, лисьмань и кинь витемс, обществ. постройкань витемс.
26) Ломатне конат льгота марто эли безплатна получасть вирь (23—25 ст. кувалт) максыть обязательства, што сынь получэзь виренть, тейсызь мезекс саизь.
Лиянень сон не может миимандо.
Киненьгак лесной кодексэсь амаксы прават получазь виренть миемадо. Роботань кис ито нельзя чуфцо пандомс, киньгак нельзя нолдамс мартот часьтс.
Примечание. Можна анцяк миемс щепкат и тарат.
| МЕСТЬ СЕРМАДЫТЬ ВЕЛЕСТЭ |
| Кит ускить вирь. |
Минь ней садасынек, что ЦИК. тейсь распоряжения Сов. Республикаванть, чтобы бедной крестьянэнь нолдамс вирь седе дешувасто теить скидка 25%, а лиясто мик 75%. Те пек паро. Но велева те распоряжениять прянзо лангс стяфтызь. Минек велесэ истя молить тевтне. Кить ускить ламо вирь? Кулакт Кить микшнить вирь? Кулакт. Кить строить од кудот и утомот? Кулакт. Кить салыть вирь? Таго яла кулакт. Се шкане, знярдо сюпавт строить кудот и микшнить вирь, бедняконь кудонь уштомс арасть пенгензэ.
Мекс истя? Секс, что сюпав седе курок получи кодамо эряви конев, чтобы получамс дешувасто вирь. Сонзо уле мезе максомс гостинецекс кинень эряви: то товзюро мешок, то туволевкс, а больчи яла самогон. Вот тевзэ и моли. Истя вана виринть и ускить сюпавт, а бедняк ашти пенгтеме. Сон пели сюпавонь карчо пшкадеме
Мон арсян истя, чтобы виресь сатоволь беднойнень, эряви миненек беднойтненень организоваться и роботамс дружнасто. Знярдо нейсынек, что кулак максць гостинець и сень кис получась вирь, эряве стараямс тенек, чтобы сонзэ и сень, кона саи гостинець озавтовлизь „мазый кудос“. Пелемс аместь Ато сынь аламодо кармасть ланга туеме.
Минь аштитянок кельме кудосо, а сынь ускить минек виренть и седеяк сюпалгадыть.
Артипень Охонька.
| Газета тест аэряви. |
Не читьнень Наскафтымской почтовой отделения (Кузнецк. у.) кучсь редакцияв конев, косо сермады, что ней вейс теизэ Наскафтынской волостенть Шемышейской и Дубровской волоснень марто. Од Волостной Исполн. Комитетось Наскафтымсо априми эрзянь газетнень, конат кучозь Шемышейской и Дубровской икелень волостьненень. Газетнень кучинзе мекев редакцияв. Аздан кие Наскафтымсо волостной председателесь, руз эле эрзя и аздан улить ли таго косояк истят чаво пря потмот? Эзь чаркодев тест се, что газетне эряволть кучомс Шемышейкань и Дубровкань сельсоветов, эле тоск максомс эрзянень ловномс, а акучомс мекев Московов. Мон думан пиже эйкакш, сеяк тень, чаркодевельце, а Наскафтымонь волостной роботьникнень превест эсть сато тень чаркодемс.
| ||||||||||||||
|
| Главлит № 17863. Москва. | Типография «Красный Восток» Никольская, 10. | Тираж 2000. |
