| 2 | ЯКСТЕРЕ ТЕШТЕ. | № 4 |
| ВЕЛЕНЬ ХОЗЯЙСТВА. |
| Тееде велес машинной товариществат. |
Вейке ломаннень ськамондо сельско-хозяйственной машина ней арамави. Сынь пек питнейть. Покш и питней сельско-хозяйственной машинась вишкине хозяйствас арась лезесэ. Сайдяно куш сеялка. Ломанентей, конань видимазо аламо, сеялканть лезэзэ арась. Вейке ломанесь види самай лама 2 десятинат. Сеялкосо видезь кавто десятинас сон теи экономия нилешка пондо видьме. А машинанть питнезэ покш. Анцяк 20 годс сон истя пурнасы сеялканть питнензэ.
Минь весе содасынек, што сеялкасонть можна видемс 10-15 десятина озим зняро жо ярвой. Зняронь видезь седе курок можна пурнамс сеялканть питнендэ.
10-15 хозяин вейсэ, кооперативсэ куш кодамо машина рамить и пек чождынестэ.
Те кооперативентеЙ, конат вейсэ рамить знярояк кудос машина — мерить машинной товарищества.
Те машинной товариществантей пурнавить 10-15 хозяин, лиясто седе аламо. Сынь каить складчина и рамить кодамояк сельскохозяйственной машина. Первойгак рамить яла молотилка. Куш кинень неяви, што молотилкас сюрось парсте пивцэви, курокак.
Мейле те товариществась рами лия кодамояк машина, кона хозяйствас эрявкшны годонть вейкешка чись, а кооперативс, товариществас сондэ лезэзэ покш.
Истя аламонь аломонь товариществась той эстендэ вишка прокатной пунктонь кондямо. Те товариществась пурны общей собраниясо заведующей. Заведующеесь вети машинной товариществовань тефне эйсэ. Если товариществась покш, то пурныть правления. Товариществась теи эстянзэ устав.
Нетне товариществатненень машинань рамамсто макснить сякой льготат. Тиеть расрочкат питнень пандомсто.
Колмо годс машинатне товариществасо весе питнест веляфцызь,
Машинной товариществатне могут макснеме машинаст на прокат питнень кис.
Нетне машиной товариществатнень покш лезэзэст велева.
Нетне товариществатне марто анцяк минек карми капедевемэ хозяйстванок. Карматано видеме паро видьмесэ и сеялкасо и пивцэмэ молотилкасо.
| КООПЕРАЦИЯ. |
| Сельско - хозяйственной кредит- ной товариществат. |
Штобу витемс крестьянонь хозяйствандо, особенна ней, войнадо мейле и 1921—22 нень сюронь ачочомадо мейле, эряви штобу кажной крестьянонь улист средствандо.
Но кода и косто курок саемс не средстватнень, мон тесэ думан и сермадомаст.
Весе содысынек, што революциядо икеле пек ламо таркава, цють ли а кажной велесэ ульнесть кредитной товариществат.
Кить ульнесть нетне кредитной товариществатнень эйсэ? Крестьят.
Но ней содасынек, што крестьянонь кецэ ярмак арась и эри сон тень кувалт совсем берянстэ, и штобу витемс сокицянь хозяйствандо и теемс эйстэндэ виев хозяйства. Советской властесь тесэ и хочет помогамс.
Ней кармасть нолдамо крестьянонь хозяйствань витемс Государственной Сельско-хозяйственной кредит.
Те кредитэнть государствась карми нолдамо аволь анцяк ярмаксо, но сякой машинасо, скотинасо, видмисэ и эще кой мейсэ, конат ней пек эрявить велева. Кредитэнть государства карми нолдамо кувака срокс 3—5 иес, штобо те сроконтей кажной хозяинос кеиедевлизэ хозяйствандо и чождынесто пандавлизэ долкондо.
Мейле, кода появи сонсиндэ грош копейказо, сестэ сон шутя панцы долкондо. Пандозь ярмакне таго туить крестьян ланга.
Первой те кредитэнть получасызь организованной кредитной товарищистватне. Штобо понговоль минек ялгантень, эряви совамс членокс истямо кредитной товариществас, эли сельско-хозяйств. товариществас; но эще бу лучи улевель, если минь минць теевлинек истят товариществат.
Анцяк нень кувалт минь карматано парсте эрямо и витсынек хозяйстванок.
Штобо теемс товарищества и кода сондэ темс, эряви кевкстеме участковой аграном, но эще лучи кевкстемс кредитной товариществань союзсцо, тосо толковасызь уставонть как.
Эрзя ялгат, минек ютксо особенно те тевесь аште берянстэ, Путынк весе виенк, но теедэ эстенк кредитной товариществат.
Овтаев.
| МЕСТЬ СЕРМАДЫТЬ ВЕЛЕСТЭ |
| Учильнень тевть. |
Вейке покш орма уле велиса кона те шкас ишо апак пичкафт.
Се ормась — тонафниме тевись. Икеле иетьнень эйстэ те тевись берениль секс, што учительтьне вачудольт, конев и кинигат арасельть и рамамскак ульнесь а косто. Ней жо тевись аште аламодо лиякс. Кода теизь те расходоньть уезднойкс, авуль государственнойкс, то учительтьнень эрямочист седе паркстомсь. Кузнецкой уездсэ Сарат. губ. учительтьне кармасть получамо почти зняро, зняро получасть войнадо икеле Но яла теке тонафнима тевись аште береньста. Мекс истя? Учительтьнень эрямост седе паркстомсь, учильстятьне лембеть, кинигат уле косто рамамс.
Но вейке покш беда — кинигат эрявить рамамс пакшетьненинь эстест. Мон думан, — те тевись витиве сестэ кода тонафтума пелькст (кинигат, конев крандэшт) карметь велень учильстяв кучнемс уездста или волость карме рамама, но анцяк авуль сыньць пакшетьне. Ведь улить пакшат, конань тетяст беднойть и конанинь авуль кинигат, но и крандашкак а рамаве, а сюпавоньте рамаве, но сон а раме — сынест а эряве. Если пакшеньть соньцинзэ уле кинигазо, сон ялгансты а максцы, а если максцы, то сонзэ тятяза или аваза мурнисы. Если же уливельть велень кинигат, то хоть аламо, но сынст эзга тонафнивельть весе пакшетьне и тонафнима тевись молевель седе икелев.
Тонафниме тевись витиве сестэ, кода весе учильстень расходось уле уездной или хотьволостной.
Вялень эрзя.
| Учильщанок панджинек |
| (с. Подлесная Тавла, Саранск. у. Пензенской губ. |
Минек вилесэ учильщась ащесь пекстазь вете иет. Атятьне велень пуромкса ошцто сакшны ялгатьненень тонавтумань тевень кувалт отвечасть, что истякак стака налогонь пандомась, амакстан мезеяк учильнянтень. Истя мольц тевес ютась иес Сексень пелев, ютась иетэ ульнесь председателькс коммунист ялга, сон кармась картнеми и журямо атятьнень, что истя нельзя эрямс, апак тонавт эйкакшне нельзят кадомс. Сонзо стараниясо ульнесь витезь учильнясь и кучсть тенек кавто учительть руст. Вейкесь машты эрзякс кортамо. Тонавтнеме эйкакшне ламо молсть, весе эсть кельк учильнянтень. Тонавтума пельксне (книгат, коневт, карандашт и месть) аламо. Улить эрзень букварть “Тундонь чи“; сынь пек мельц тусть эйкакшнененень, истяжо эрзякс кортыця учителентеньгак. Пек паро улевель эрьва эрзень учильянс* аравтомс хоть вейке эрзяк картыця учитель.
Члены клуба: Н. Бурнайкин. Г. Радаев. К. Гогорин.
Предс. сельсовета Бочкин.
| Превть вешить |
Подлесной Тавласто сермадыть, что сынст уле клубост, а кинишкат арасть тосо. Пек охота мерить ловномс кинишикат сельской хозяйствань кувалт и вешить превть косто и кодат кинишкат рамамс.
Сел. хозяйствань кувалт сермадозь ламо кинишкат рузонь кельцэ. Можнат сынь рамамс Московсто. Кучудо ярярмакт* Якстерень Тештень редакциянтень и сон тенк рами и кучи.
Улить кой-кодат истят кинишкат эрзянь кельцэяк. Те газетасонть нейсынк кодат кинишкат печатазь эрзянь кельцэ
| Кода явшить премия. |
| Напольный веле, Алатыр у. Симб. губ. |
Напольной велес Симбирскойстэ сас налогонь премия, конань крестьятнэ мерить явшемс весемень ланга. Но сельсовет весе те премиясть явшизе сватонзо, ды братонзо ланга.
Напольнойсость колмо сельсовет и весе колмонест явшизь вейкетстэ. Крестьятнэ жо, особенно, бедной вдоват, инвалидт, ды красноэрмейкат ламо раз якасть сельсоветов толкун-путень кевстеме премиядость, но кодамояк толк эсть муйть.
Крестьятнэ мерить, што Напольноень сельсоветнесте муи толк анцяк се, кона конды ламо самогон.
Комсомолец.
| Попонь kис тюрить. |
Атюрево, Темниковск. уезд, Пенз. губ. — Роштувань чистэ поп сыргась служамо живой церкувань койсо. Атюревань атятьне се чиньте терсть косто бути сыре манах и кармавтызь служамо седи келе лацо. Одцератьне наряжить сынцыст живой церькувань поп—служак, мол, „якстирекс“ , атятьне наряжить сыньцист манахонть. Ризань кис тюрьгацть. Одцератьне изнизь атятьнень и служась сынст попось.
Монь койсо, аволь истя эряволь бу теемс. Эряволть кавонест и попось и манахось панемс. А одцератьненень седе паро улевель, кабу кармаволть сынь ловномо „Безбожник“ ды „Якстере Теште“.
В. Ер.
| Реветь рамить. |
Наркомземось нолдась 70 тысьцят целковойть (зол.) паро племань ревень рамамс. Не ярмакнень ланкс рамить 2 тысьцят ревет. Воронежской Тверской, Саратовской губернясо Наркомземось думси теиме племенной рассадникт. Весе, зняро раштыть сы иенти не племенной реветьне, явшисызь сюровидиця юткова.
| ||||||||||||||
| Главлит № 17863. Москва. | Типография «Красный Восток» Никольская, 10. | Тираж 2000. |
